Pasalao

ສັນຍາມິຕພາບແບບພິເສດ ແລະ ການຮ່ວມມືລະວ່າງ ສປປລາວ ກັບ ສສວຽດນາມ

ຄັ້ງວັນທີ່ 18. ກໍຣະກະດາ 1977

ທີ່ ນະຄອນຫຼວງ ວຽງຈັນ ປະເທດສາທາລະນະລັດ ປະຊາທິປະໄຕປະຊາຊົນລາວ

-ປະເທດສາທາລະນະລັດປະຊາທິປະໄຕປະຊາຊົນລາວ ແລະ ປະເທດສາທາລະນະລັດສັງຄົມນິຍົມວຽດນາມ.

-ຮັບຮູ້ຢ່າງລຶກເຊິ່ງວ່າສາຍພົວພັນແບບພິເສດລະວ່າງລາວ ແລະ ວຽດນາມ ຄວາມສາມະຄີແບບສູ້ລົບ ແລະ ໄມຕຣີຈິດ ມິດຕະພາບບໍ່ສັນສະເທືອນໄດ້ລະຫວ່່າງປະຊາຊົນລາວກັບປະຊາຊົນວຽດນາມ.

-ນ້ຳໃຈແຫ່ງຄວາມເປັນສະຫາຍອັນຍິ່ງໃຫຍ່ລະຫວ່າງພັກປະຊາຊົນປະຕິວັດລາວ ກັບ ພັກຄອມມຸຍນິດວຽດນາມທີ່ໄດ ຮັບການຫຼໍ່ຫລອມມາເປັນເວລາຫຼາຍໆ 10 ປີ ໃນການຮ່ວມສຸກຮ່ວມທຸກນຳກັນ ສູ້ຣົບພ້ອມກັນ ເອົາຊະນະສັດຕູຜູ້ຮຸກ ຮານ ໃນການຮ່ວມມື ແລະ ການຊ່ອຍເຫຼືອຊຶ່ງກັນແລະກັນສອງປະເທດຊາດບ້ານເມືອງນັ້ນແມ່ນມູນເຊື້ອອັນປະເສີດ ເລີດລໍ້າ ອັນນຶ່ງແມ່ນກຳລັງແຮງຊະນະເລີດ ອັນນຶ່ງຂອງທັງສອງຊາດ ແລະ ທັງສອງພັກແມ່ນພຶດຕິກັມອັນມີຊີວິດຊີວາ ອັນນຶ່ງແມ່່ນກົດເກນແຫ່ງການຂະຍາຍຕົວ ອັນນຶ່ງຂອງການປະຕິວັດລາວ ແລະ ການປະຕິວັດວຽດນາມ ຖືວ່າເປັນການ ເພີ່ມທະວີຄວາມສາມະຄີອັນສະນິດແໜ້ນ ແລະ ການພົວພັນຮ່ວມມືຢ່າງຍາວນານໃນທຸກດ້ານລະວ່າງລາວກັບວຽດ ນາມນັ້ນເປັນການຕອບສະນອງຄວາມມຸ້ງມາດປາຖະນາອັນແຮງກ້າ ແລະ ຜົນປະໂຍດແຫ່ງການຍືນຍົງຄົງຕົວຂອງ ປະຊາຊົນແຕ່ລະປະເທດໃນພາລະກິດປົກປັກຮັກສາເອກະລາດແຫ່ງຊາດ ປະຊາທິປະໄຕ ສັນຕິພາບ ຄວາມເປັນກາງ ຢ່າງແທ້ຈິງຂອງປະຊາຊົນບັນດາປະເທດໃນອາຊີອາຄະເນ ສອດຄ່ອງກັບຜົນປະໂຍດຂອງປະຊາຊົນທົ່ວໂລກທີ່ກຳລັງ ຕ້ານຈັກກະພັດ ຕ້ານລັດທິລ່າເມືອງຂື້ນແບບເກົ່າ ແລະ ແບບໄຫມ່ ເພື່ອສັນຕິພາບ ເອກຣາດແຫ່ງຊາດ ປະຊາທິປະໄຕ ແລະ ຄວາມກ້າວໜ້າທາງສັງຄົມ.

-ໂດຍຄວາມຈົ່ງຮັກພັກດີຕໍ່ລັດທິມາກ - ເລນິນ ສືບຕໍ່ຄັນທຸງເອກະລາດແຫ່ງຊາດ ແລະ ສັງຄົມນິຍົມ ສົມທົບລະວ່າງລັດທິ ຮັກຊາດອັນແທ້ຈິງກັບລັດທິສາກົນກັມມະຊີບຢ່າງເປັນເນື້ອດຽວ ອອກແຮງປົກປັກຮັກສາ ແລະ ຂະຍາຍສາຍສຳພັນ ແບບພິເສດລະວ່າງລາວ-ວຽດນາມເຮັດໃຫ້ປະເທດທັງສອງທີ່ເຄີຍໄດ້ມີການຜູກພັນກັນໃນພາລະກິດປົດປ່ອຍຊາດມາ ແລ້ວນັ້ນຈະຜູກພັນກັນແໜ້ນເຂົ້າຕື່ມໃນກິດຈະການກໍ່ສ້າງແລະປົກປັກຮັກສາປະເທດຊາດບ້ານເມືອງຕະລອດກາລະນາ.


-ໂດຍເປັນເອກະສັນກັນວ່າແນວທາງເອກລາດ ເປັນເຈົ້າຕົນເອງ ແລະ ການນຳອັນຖືກຕ້ອງຂອງພັກປະຊາຊົນປະຕິວັດ ລາວ ແລະ ພັກຄອມມຸຍນິດວຽດນາມ ມູນເຊື້ອສາມະຄີອັນດູດດື່ມລະວ່າງສອງຊາດໄຊຊະນະອັນຄົບຖ້ວນຂອງປະເທດ ທັງສອງໃນພາລະກິດຕ້ານຈັກກະພັດຜູ້ຮູກຮານ ຈູດໝາຍຂອງປະຊາຊົນປະເທດທັງສອງຕ່າງກໍສູ້ຮົບເພື່ອລັດທິສັງຄົມ ນິຍົມນັ້ນເປັນບັນດາພື້ນຖານເພື່ອການຂະຍາຍສາຍພົວພັນແບບພິເສດລະວ່າງລາວ-ວຽດນາມ.

-ບົນຈິດໃຈຂອງຖະແລງການຮ່ວມລາວ-ວຽດນາມ ວັນທີ່ 11. ກຸມພາ. 1977 ໂດຍອິງໃສ່ຈຸດປະສົງເພີ້ມທະວີຄວາມ ສາມະຄີຮ່ວມມືກັນຍາວນານ ແລະ ຊ່ວຍເຫຼືອຊຶ່ງກັນແລະກັນ ແລະ ໃນພາລະກິດກໍ່ສ້າງ ແລະ ປົກປັນຮັກສາປະເທດ ຊາດບ້ານເມືອງ ເພື່ອຄວາມເປັນເອກະລາດ ແລະ ວັດທະນາຖາວອນຂອງແຕ່ລະປະເທດ ປະກອບສ່ວນເຂົ້າໃນການປົກ ປັກຮັກສາ ແລະ ປັບປຸງສັນຕິພາບຢູ່ໃນອາຊີອາຄະເນ ແລະ ໃນໂລກ.

ໄດ້ຕົກລົງເຊັນສົນທິສັນຍາສະບັບນີ້ ແລະ ໄດ້ຕົກລົງກັນກ່ຽວກັບຂໍ້ຄວາມດັ່ງນີ້:

ມາດຕຣາ 1. ສອງຝ່າຍໄດ້ໃຫ້ຄຳໝັ້ນສັນຍາກັນວ່າ ຈະອອກເເຮງປົກປັກຮັກສາ ແລະ ຂະຍາຍສາຍພົວພັນແບບພິເສດລະ
ວ່າງລາວ-ວຽດນາມບໍ່ລົດລະໃນການເພີ້ມທະວີຄວາມສາມະຄີ ແລະ ຄວາມເຊື່ອຖືເຊິ່ງກັນແລະກັນໃນທຸກ
ຂົງເຂດບົນຈິດໃຈແຫ່ງລັດທິສາກົນກັມມະຊີບ ແລະ ຕາມຫຼັກການສະເມີພາບຢ່າງສົມບູນ ເຄົາລົບເອກະລາດ
ອະທິປະໄຕ ແລະ ຜືນແຜ່ນດີນອັນຄົບຖ້ວນຂອງກັນແລະກັນ ເຄົາລົບຜົນປະໂຍດອັນຊອບທັມຂອງກັນແລະກັນ
ບໍ່ແຊກແຊງເຂົ້າວຽກງານພາຍໃນຂອງແຕ່ລະຝ່າຍ ອອກແຮງອົບຮົມສຶກສາທົ່ວພັກທົ່ວປວງຊົນຂອງຕົນໃຫ້ ຮັກ
ແພງຖະນອມປົກປັກຮັກສາ ແລະ ເສີມສ້າງສາຍພົວພັນແບບພິເສດລະວ່າງລາວ-ວຽດນາມໃຫ້ຜ່ອງໃສ ແລະ
ໝັ້ນຄົງຕະລອດໄປ.

ມາດຕຣາ 2. ບົນຫຼັກການທີ່ວ່່າການປົກປັກຮັປສາຄວາມເປັນເອກະລາດແຫ່ງຊາດ ແລະ ຮັກສາຄວາມຄວາມສະງົບສຸກຂອງ
ປະເທດ ນັ້ນແມ່ນພາລະກິດຂອງປະຊາຊົນແຕ່ລະປະເທດ ສອງຝ່າຍໃຫ້ຄຳໝັ້ນສັນຍາວ່າຈະໃຫ້ຄວາມສະນັບ
ສະນູນ ແລະ ຊ່ວຍເຫຼືອເຊິ່ງກັນແລະກັນຢ່າງສຸດໃຈຮ່ວມມືກັນຢ່າງແໜ້ນແຝ້ນເພື່ອອິງໃສ່ເພີ້ມທະວີຄວາມ
ອົງອາດ ສາມາດໃນການປ້ອງກັນໃນການປົກປັກຮັກສາຄວາມເປັນເອກະລາດອະທິປະໄຕ ແລະ ຜື້ນແຜ່ນ
ດີນ ອັນຄົບ ຖ້ວນ ຮັກສາກິດຈະການອອກແຮງງານໃນສັນຕິພາບຂອງປະຊາຊົນຕ້ານທຸກເລກົນ ແລະ
ການກະທຳ ອັນເປັນການທຳຮ້າຍຂອງຈັກກະພັດ ແລະ ກຳລັງປະຕິການນອກປະເທດ.

ມາດຕຣາ 3. ກ. ເພື່ອເປັນການອຳນວຍຄວາມສະດວກໃຫ້ແກ່ການຊວ່ຍເຫຼືອກັນຜ່ານຜ່າຄວາມຍຸ້ງຍາກ ເສີມຂະຫຍາຍເຫງົ້າ
ພະລັງທາງດ້ານວັດຖຸຂອງແຕ່ລະປະເທດໃຫ້ມີປະສິດຕິພາບຢ່າງສຸດຂີດ ເພື່ອອິງໃສ່ກໍ່ສ້າງປະເທດຊາດບ້ານ
ເມືອງໃຫ້ຮັ່ງມີເຂັ້ມແຂງ ກໍ່ສ້າງຊີວິດການເປັນຢູ່ອັນອີ່ມນ້ຳສຳລານ ສັມບູນພູນສຸກນັ້ນ ສອງຝ່າຍຈະເພີມທະວີ
ການພົວພັນຮ່ວມມືກັນແບບສັງຄົມນິຍົມຕ່າງຝ່າຍຕ່າງໃດ້ຮັບຜົນປະໂຍດ ກ່ຽວກັບດ້ານກະສີກັມ ປ່າໄມ້ ອຸດສາ
ຫະກັມ ການຄົມມະນາຄົມຂົນສົ່ງ ການຂຸດຄົ້ນສັບພະຍາກອນທັມມະຊາດ ແລະ ບັນດາຂົງເຂດເສຖະກິດອື່ນໆ
ຊ່ວຍເຫຼືອກັນທາງດ້ານເສຖະຫິດ ແລະ ວິທະຍາການຢ່າງສຸດອົກສຸດໃຈ ຊ່ວຍເຫຼືອກັນທາງດ້ານເສຖະກິດ
ວັດທະນະທັມ ແລະ ວິທະຍາສາດ ວິທະຍາການ ເປີດການຮັບຮອງພົວພັນດ້ານການຄ້ານຳກັນດ້ວຍຄວາມ
ເອົາໃຈໃສ່ເປັນພິເສດ.

ຂ. ສອງຝ່າຍເຫັນດີເປີດກ້ວາງການແລກປ່ຽນວິທະຍາສາດ ວິທະຍາການ ການຮ່ວມມືດ້ານວັດທະນະທັມ
ສິລະປະ ການສຶກສາ ສາທາລະນະສຸກ ຂ່າວສານມວນຊົນ ໜັງສືພິມ ວິທະຍຸກະຈາຍສຽງ ພາບຍົນ ກິລາ
ກາຍກັມ ແລະ ບັນດ້າຍວັດທະນະທັມອື່ນໆ.

ຄ. ສອງຝ່າຍຈະເພີ້ມທະວີບັນຫາການພົບປະກັນລະວ່າງຂະແໜງການຕ່າງໆທີ່ມີສ່ວນກ່ຽວພັນຂອງ
ປະເທດທັງສອງເພື່ອພ້ອມກັນປຶກສາຫາລືການປະຕິບັດບັນດາແຜ່ນການຮ່ວມມືກັນໃຫ້ປະກົດຜົນເປັນຈິງແລກ
ປ່ຽນບົດຮຽນຕ່າງໆກ່ຽວກັບການກໍ່ສ້າງເສຖະກິດ ແລະ ການຂະຍາຍວັດທະນະທັມ.

ມາດຕຣາ 4. ສອງຝ່າຍຢືນຢັນເຖິງການຕັດສິນໃຈກໍ່ສ້າງຊາຍແດນລາວ-ວຽດນາມເປັນຊາຍແດນມິດຕະພາບຖານອ້າຍ
ນ້ອງອັນຍາວນານລະວ່າງປະເທດທັງສອງບົນພື້ນຖານແຫ່ງສົນທິສັນຍາກຳນົດເສັ້ນຊາຍແດນປະເທດລະວ່າງ
ສາທາລະນະລັດປະຊາທິປະໄຕປະຊາຊົນລາວ ກັບ ສາທາລະນະລັດສັງຄົມນິຍົມວຽດນາມ
ເມື່ອວັນທີ່ 18. ກໍຣກະດາ. 1977.

ມາດຕຣາ 5. ກ. ສອງຝ່າຍເຂົ້າລົບ ແລະ ສະນັບສະນູນຢ່າງສົມບູນຕໍ່ແນວທາງສາກົນເປັນເອກະລາດເປັນເຈົ້າຕົນເອງ
ຂອງກັນ ແລະ ກັນ.
ຂ. ສອງຝ່າຍຈະອອກແຮງເພີ້ມທະວີຄວາມສາມະຄີແບບຕໍ່ສູ້ ແລະ ການພົວພັນຮ່ວມມືກັນກັບປະເທດສັງ
ຄົມນິຍົມອ້າຍນ້ອງຕັ້ງໜ້າ ປະກອບສ່ວນຂອງຕົນພ້ອມກັບປະເທດສັງຄົມນິຍົມກັບຂະບວນການຄອມມຸຍນິດ
ສາກົນ ເພິ້ມທະວີຄວາມສາມະຄີສະນັບສະນູນ ແລະ ການຊ່ອຍເຫຼືອຊື່ງກັນແລະກັນບົນພື້ນຖານລັດທິມາກ-
ເລນິນ ແລະ ລັດທິສາກົນກັມມະຊີບ.

ຄ. ເພີ້ມທະວີຄວາມສາມະຄີແບບສູ້ລົບ ການຮ່ວມມືອັນຍາວນານ ແລະ ການຊ່ວຍເຫຼືອພະລາດອນພາບ
ເຊິ່ງກັນ ແລະ ກັນ ກັບກັມພູຊາບົນພື້ນຖານຄວາມສະເມີພາບອັນຄົບຖ້ວນ ເຄົາລົບຄວາມເປັນເອກະລາດອະທິ
ປະໄຕຜືນແຜ່ນດີນອັນຄົວຖ້ວນຂອງກັນ ສະນັບສະນູນພາລະກິດຕໍ່ສູ້ຂອງປະຊາຊົນບັນດາປະເທດອາຊີອາຄະ
ເນເພ່ື່ອເອກະລາດແຫ່ງຊາດ ປະຊາທິປະໄຕ ສັນຕິພາບ ແລະ ຄວາມເປັນກາງຢ່າງແທ້ຈິງ ກໍ່ສ້າງ ແລະ ຂະ
ຍາຍການພົວພັນມິດຕະພາບ ແລະ ການຮ່ວມມືກັນກັບປະເທດໃນພາກພື້ນຖານເຄົາລົບຄວາມເປັນເອກະລາດ
ອະທິປະໄຕຜືນແຜ່ນດີນອັນຄົບຖ້ວນຂອງກັນ ບໍ່ແຊກແຊງເຂົ້າກິດຈະການພາຍໃນຂອງກັນ ສະເມີພາບ ແລະ
ຕ່າງຝ່າຍມີຜົນປະໂຍດພ້ອມກັນຄົງຕົວຢູ່ໂດຍສັນຕິ ສະນັບສະນູນການຕໍ່ສູ້ຂອງປະຊາຊົວບັນດາປະເທດອາຊີ
ອາຟະລິກາ ອາເມລິກາລາຕິນ ຕ້ານລັດທິຈັກກະພັດທຶນນິຍົມ ຕ້ານລັດທິລ່າເມືອງຂື້ນ ຕ້ານລັດທິຈຳແນກເຊື້ອ
ຊາດທັງເກົ່າ ແລະ ໃໝ່ ເພື່ອຄວາມເປັນເອກະລາດແຫ່ງຊາດ ປະຊາທິປະໄຕ ແລະ ຄວາມກ້າວໜ້າຂອງສັງ
ຄົມ ສະນັບສະນູນຂອງຊົນຊັ້ນກັມມະກອນ ແລະ ປະຊາຊົນຜູ້ອອກແຮງງານໃນບັນດາປະເທດທືນນິຍົມເພື່ອ
ຍາດເອົາສິດທິໃນການດຳລົງຊີວິດ ປະຊາທິປະໄຕ ກ້າວໜ້າທາງສັງຄົມ ໃຫ້ມີຄວາມໝາຍໝັ້ນວ່າທຸກສິ່ງທຸກ
ຢ່າງຈົນສຸດກຳລັງຂອງຕົນເພື່ອອິງໃສ່ປະກອບສ່ວນເຂົ້າໃນພາລະກິດຕໍ່ສູ້ຮ່ວມຂອງປະຊາຊົນໃນໂລກເພື່ອ
ສັນຕິພາບ ເອກລາດແຫ່ງຊາດ ປະຊາທິປະໄຕ ແລະ ສັງຄົມນິຍົມ.

ມາດຕຣາ 6. ກ. ສອງຝ່າຍຈະດຳເນີນການແລກປ່ຽນຄວາມຄິດຄວາມເຫັນກັນຢ່າງສະເມີພາບກ່ຽວກັບບັນຫາຕ່າງໆທີ່
ກ່ຽວພັນເຖິງການພົວພັນລະວ່າງປະເທດທັງສອງ ແລະ ບັນຫາຂອງສາກົນຕ່າງໆທີ່ທັງສອງຝ່າຍຈະມີຄວາມ
ສົນໃຈດ້ວຍການພົບປະກັນລະວ່່າງຜູ້ນຳພັກ ແລະ ລັດ ດ້ວຍການໄປຢ້ຽມຢາມຂອງບັນດາຄະນະຜູ້ແທນເປັນ
ທາງການ ແລະ ບັນດາຜູ້ຕາວໜ້າພິເສດ ຫຼື ໂດຍຜ່ານເສັ້ນທາງການທູດ ສອງຝ່າຍ ຈະສົ່ງເສີມການເປີດ
ກ້ວາງການພົວພັນລະວ່າງບັນດາອົງການຈັດຕັ້ງມະຫາຊົນຂອງສອງປະເທດ.

ຂ. ທຸກບັນຫາທີ່ກ່ຽວພັນເຖິງສາຍພົວພັນລະວ່າງປະເທດທັງສອງຄ່ອຍໆຕົກລົງໂດຍການແລກປ່ຽນບົນຈິດ
ໃຈຂອງຄວາມເຂົ້າໃຈເຊິ່ງກັນ ແລະ ກັນ ແລະ ນັບຖືໃນຄວາມເປັນທັມ ແລະ ພຶດຕິກັມດ້ວຍເຫດດ້ວຍຜົນ.

ມາດຕຣາ 7. ກ. ສົນທິສັນຍາສະບັບນີ້ຈະໃຫ້ການສັນຍາຮັບ ແລະ ມີຜົນສັກສິດນັບແຕ່ມື້ ເຊັນກັນເປັນຕົ້ນໄປ ການແລກ
ປ່ຽນສານສັນຍາບັນ ຈະໄດ້ດຳເນີນຢູ່ທີ່ຮ່າໂນ້ຍ ນະຄອນຫຼວງແຫ່ງສາທາລະລັດສັງຄົມນິຍົມວຽດນາມ
ໃນໄວໆເທົ້າທີ່ຈະໄວໄດ້.

ຂ. ສົນທິສັນຍາສະບັບນີ້ມີຄຸນຄ່າໃນລະຍະ 25 ປີ ແລະ ຈະໄດ້ຕໍ່ອາຍຸໄປໃນຕົວເອງເທື່ອລະ 10 ປີ
ຖ້າຫາກວ່າຝ່າຍນື່ງຂອງພາຄີຄູ່ສັນຍາແຈ້ງຄວາມປະສົງຢາກລົບລ້າງສົນທິສັນຍາສະບັບນີ້ໃຫ້ຝ່າຍນື່ງ
ຊາບລ່ວງໜ້າ ດ້ວຍລາຍລັກອັນສອນຢ່າງນ້ອຍນື່ງປີກ່ອນສົນທິສັນຍາຈະສິ້ນກຳນົດ.

ຄ. ສົນທິສັນຍາສັບັບນີ້ທຳທີ່ວຽງຈັນ ນະຄອນຫຼວງແຫ່ງສາທາລະນະລັດປະຊາທິປະໄຕປະຊາຊົນລາວ
ວັນທີ່ 18. ກໍຣະກະດາ. 1977 ເປັນພາສາລາວ ແລະ ພາສາວຽດນາມ ທັງສອງບັບລາວ ວຽດນາມ
ລ້ວນແຕ່ມີຄຸນຄ່າເທົ່າທຽມກັນ.

ລົງນາມໂດຍ: ຕາງໜ້າ ສາທາລະນະລັດປະຊາທິປະໄຕປະຊາຊົນລາວ ສະຫາຍ ໄກສອນ ພົມວິຫານ ນາຍົກລັດຖະມົນຕີ ແລະ ຕາງໜ້າ ສາທາລະນະລັດສັງຄົມນິຍົມວຽດນາມ ສະຫາຍ ຟາມວັນດົ້ງ ນາຍົກລັດຖະມົນຕີ