ທີມຊາດລາວອາໄສຮຶດ ໄລຍະຕໍ່ເວລາພິເສດກັບມາເປັນຝ່າຍເອົາຊະນະທີມຊາດກຳປູ ເຈຍ 6-2 ປະຕູ ຜ່ານເຂົ້າໄປພົບກັບທີມຊາດຂອງ ສປ ຈີນ ໃນການແຂ່ງຂັນບານເຕະໂລກ ຮອບຄັດເລືອກໂຊນອາຊີ.
ການແຂ່ງຂັນບານເຕະຮອບຄັດເລືອກບານໂລກ 2014 ໂຊນອາຊີ ເມື່ອວັນທີ 3 ຜ່ານມາທີ່ສະຫນາມຊີເກມຫລັກ 16 ລະຫວ່າງທີມຊາດລາວ ພົບກັບ ທີມຊາດກຳປູເຈຍນັດທຳອິດທີມຊາດລາວເສຍໃຫ້ກຳປູເຈຍ 4-2 ປະຕູ ເລີ່ມເກມທຳອິດທີມຊາດລາວ ຕ້ອງຂົນນັກເຕະຕົວຫລັກລົງສະຫນາມຫມົດທຸກຄົນ ເປັນຕົ້ນແມ່ນ ລຳເນົາ, ຄຳແພງ, ກັນລະຍາ, ສຸກອາພອນ ໄດ້ພຽງ 7 ນາ ທີເທົ່ານັ້ນ ທີມຊາດລາວເກືອບໄດ້ປະຕູຈາກຈັງຫວະສຸກອາພອນ ເປີດບານໃຫ້ມະໂນລົມ ພົມສຸວັນ ແປບານອອກຂ້າງເສົາສອງຢ່າງຫນ້າເສຍດາຍນາທີ 19 ກອງເຊຍທີມຊາດລາວໄດ້ ເຮຄັບສະຫນາມ ແກ້ວວຽງເພັດ ເປີດບານໃຫ້ລຳເນົາ ເອົາຫົວ ໂຫມ່ງເຂົ້າເປັນປະຕູໃຫ້ລາວອອກນຳກ່ອນ 1-0 ປະຕູ, ນາທີ 33 ຄໍາແພງ ມາຍິງໃຫ້ລາວຕື່ມອີກ 2-0 ປະຕູ ກ່ອນຈະຈົບເກມທຳອິດ ຈີນເຈືອນ ກອງກາງຂຶ້ນມາຍິງໃຫ້ກຳປູເຈຍ ຕາມມາເປັນ 2-1 ປະຕູ.
ເຂົ້າເຄິງເວລາທີ 2 ທີມຊາດລາວມາໄດ້ປະຕູໄວຈາກ ສຸລິຍາ ສີພະໄຊ ກອງກາງທີມຊາດລາວ ຂຶ້ນນຳເປັນ 3-1 ປະຕູ ນາທີ 44 ລໍາເນົາ ມາຍິງລູກທີ 2 ໃຫ້ກັບ ຕົນອີກທີມຊາດລາວຂຶ້ນນຳເປັນ 4-1 ປະຕູ ໄດ້ໂອກາດລຸ້ນເຂົ້າຫລິ້ນໄປໃນຮອບທຳອິດໄດ້ແນ່ນອນ. ແຕ່ກຳປູເຈຍ ກັບມາເປັນຝ່າຍໄລ່ຕີຕື້ນຂຶ້ນມາເປັນ 2-4 ໃນນາທີ 74 ຈົບເກມ 90 ນາທີ ທັງສອງນັດລວມທັງ 2 ທີມຍັງສະເຫມີກັນທີ່ 4-2 ແລະ 2-4 ປະຕູ ກຳມະການຕ້ອງຕໍ່ເວລາພິເສດອອກໄປອີກ 30 ນາທີ ເພື່ອຕ້ອງການທີມຫນຶ່ງເຂົ້າໄປພົບກັບ ສປ ຈີນ ທີ່ຢືນຖ້າຢູ່ແລ້ວ. ເຂົ້າໄປພຽງ 3 ນາທີຕົ້ນຂອງການຕໍ່ເວລາພິເສດ ວິໄຊ ກອງຫນ້າປະສົບການຫລາຍຂອງລາວຍິງໃຫ້ທີມຊາດລາວຂຶ້ນ ນຳເປັນ 5-2 ປະຕູນາທີ 111 ກຳປູເຈຍ ມາເສຍຈຸດໂທດເປັນ ກັນລະຍາ ສີສົມຫວັງ ທີ່ຫລິ້ນຢູ່ລີກອັນດັບຫນຶ່ງຂອງໄທຮັບຫນ້າທີ່ບໍ່ພາດທີມຊາດລາວ ຫນີຫ່າງ 6-2 ກ່ອນຈະຈົບເກມທີມຊາດລາວ ລ້າງຕາກຳປູເຈຍສຳເລັດໃນນັດທີ 2 ຜົນປະຕູ ລວມ ທັງ 2 ນັດໃຫ້ລາວນຳຢູ່ 8-6 ປະຕູຜ່ານເຂົ້າໄປພົບກັບທີມຊາດ ສປ ຈີນ ວັນທີ 23 ເດືອນນີ້ທີ່ ແຂວງຂຸນມິງ ສປ ຈີນ ແລະ ຈະກັບມາແຕະທີ່ບ້ານເຮົາວັນທີ 28 ເດືອນນີ້ເຊັ່ນກັນ.
Ecom
ວັນທີ ໑໘ ເຕະກັບສິງຄະໂປ, ວັນທີ ໒໓ ແລະວັນທີ ໒໘ ຈຶ່ງເຕະກັບຈີນ. ໝັກໃຈ
ຫລາຍເມື່ອມາແຂ່ງກັບສັກດິນາທ້ອງຖິ່ນ, ແຕ່ກໍ່ຂໍເອົາໃຈຊ່ອຍ.
ຢາກເຫັນ ຄລີບ ຈະເບີ່ງໄດ້ຢູ່ໃສ
ໃນຢູທູບບໍ່ມີ ກະລຸນາບອກປດ່ຖ້າຮູ້ ລາວໆໆໆໆໆໆໆໆ ສູ້ໆໆໆໆໆໆໆໆໆໆ
