ນາງທິບພອນອິນມະນີວົງ(ຈຽບ) ສາວນ້ອຍຫນ້າໃສໄວພຽງ16 ປີອະດີດຫນຶ່ງໃນສະມາຊິກວົງ Girl Group ວົງໄວຫວານ, ແຕ່ປະຈຸບັນນີ້ ໄດ້ມາສັງກັດຄ້າຍເພງKPY Entertainment ພ້ອມອອກມາສານຕໍ່ຄວາມຝັນໃນຖານະນັກຮ້ອງດ່ຽວຄັ້ງທຳອິດໃນຊີວິດຈົນຈຽບມາພ້ອມກັບການພັດທະນາການໃນຫລາຍດ້ານບໍ່ວ່າຈະເປັນສຽງຮ້ອງ, ການສະແດງຫລືການແຕ່ງກາຍທີ່ມີຄວາມເປັນຕົວຂອງຕົນເອງຫລາຍຂຶ້ນ ຈົນມີຜົນງານເພງອອກມາໃນບົດເພງບໍ່ຕ້ອງເອົາໃຈ ພ້ອມເປີດຕົວໄປເມື່ອບໍ່ດົນນີ້.
ເພງບໍ່ຕ້ອງເອົາໃຈ ເປັນເພງທີ່ມີເນື້ອໃນເວົ້າເຖິງອີກມຸມຫນຶ່ງຂອງຄວາມຮັກທີ່ຄົນໆຫນຶ່ງຍັງບໍ່ແນ່ໃຈວ່າອີກຝ່າຍນັ້ນຄິດແບບໃດກັນແທ້, ແຕ່ຖ້າ ຫາກບໍ່ໄດ້ຄິດຫຍັງກໍ່ຢ່າມາເອົາໃຈເພາະບໍ່ຢາກທີ່ຈະຄິດໄປເອງຝ່າຍດຽວ.
ເພງບໍ່ຕ້ອງເອົາໃຈເປັນແນວເພງPOP ຟັງງ່າຍຟັງສະບາຍສະບາຍປະກອບກັບເນື້ອໃນເພງທີ່ກົງໄປກົງມາຄຳເວົ້າທີ່ກິນໃຈດັ່ງນັ້ນຈິ່ງເຮັດໃຫ້ເພງນີ້ເປັນເພງທີ່ມີສະເຫນ່ ແລະ ກາຍເປັນອີກເພງຫນຶ່ງທີ່ຫນ້າສົນໃຈແລະຖືກໃຈໃຜຫລາຍໆຄົນທີ່ມັກຟັງເພງໃນລັກສະນະນີ້.
ໂອກາດນີ້ນາງທິບພອນອິນມະນີວົງ(ຈຽບ) ກໍ່ຂໍຝາກຜົນງານເພງທຳອິດໃນ ຊິີວິດເຊິ່ງເພງນີ້ຄື ເພງບໍ່ຕ້ອງເອົາໃຈໄວ້ກັບທຸກໆຄົນໃຫ້ຕິດຕາມກັນເຊິ່ງເປັນເພງທີ່ຕັ້ງໃຈແລະ ພະຍາຍາມກັບຜົນງານນີ້ຫລາຍໂດຍສະເພາະທີມງານທັງຫມົດຂອງຄ້າຍເພງ KPY Entertainment ຫວັງວ່າ ທຸກໆ ຄົນຈະຮັກ ແລະ ຖືກໃຈກັບຜົນງານເພງນີ້ເຖິງຢ່າງໃດກໍ່ຕາມກໍໍ່ຂໍຝາກເພງນີ້ ໄວ້ກັບອ້າຍໆເອື້ອຍໆດີເຈ (DJ) ສື່ມວນຊົນຫມົດທຸກໆຄົນຊ່ວຍເປີດ ແລະ ສົ່ງເສີມພ້ອມທັງເປັນກຳລັງໃຈໃຫ້ກັບຈຽບແນ່ເດີ.
ຫນ້າຕາຫນ້າຮັກຫລາຍ ເສັຽດາຍພາບບໍ່ເຄື່ອນ.
ຊົມເຊີຍຕໍ່ຜົນງານທີ່ອອກມາ ແລະ ຂໍໃຫ້ປະສົບຜົນສໍາເລັດເດີ ແຕ່ເຖິງຢ່າງໃດກໍຕາມ ຢ່າງລະເຫລີງໃນການຄົ້ນຄ້ວາສຶກສາໃນການຮຽນເດີ ເຊິ່ງມັນຈະເປັນແມ່ແຮງທີ່ຍິ່ງໃຫຍ່ໃນການສ້າງເສັ້ນທາງໄປຍັງຜົນສໍາເລັດທຸກຢ່າງ
ສະນັ້ນ ສູ້ໆໆ ແລະ ເປັນແບບຢ່າງໃຫ້ເພື່ອນໆໃນຂອບເຂັດທົ່ວປະເທດເດີ.
