Pasalao

 

ມັນຄືມາເປຶເປື້ອນເກົ່າແກ່ເອົາແທ້ເອົາວ່າ ປານນັ້ນມີແຕ່ລູກຜູ້ມີເງິນມາຮຽນ

ອັນນີ້ແມ່ານອີຕາ ປາປາ ໜ້າແຕກເຂົາຕີຢູ່ ເວັບ ໃບລານ ນັນລະເອົາມາໂພສ ຈັກໜ້ອຍບໍ່ແຕກແຕ່ໜ້າແຂ້ວກະຊິອອກ

ລະວັງບັກໜຸ່ມສີໄຄເອົາແຂ້ວອອກເດເຖົ້າດາກແຫລ້

  when i saw this picture , i was complete shock  , very embarrasing for those foreigner and tourist , 36 year under new regime , shame on you communist

ໄປຫວ່າງອາທິດແລ້ວນີ້ ຄືເຫັນເຂົາກຳລັງສ້ອມແປງຢູ່ໃດລະ

 

ຄັນຊິສ້າງໃໝ່ ກໍ່ຈົງຕຶກເກົ່າເອົາໄວ້ແດ່ ໃຫ້ເປັນອະນຸສອນ

ແຕ່ທີ່ຈິງແລ້ວ ຂ້ອຍບໍ່ຢາກໃຫ້ສ້າງໃໝ່ ມັນເບິ່ງຄືຍໍ່ແມ່ນໂຮງຮຽນເກົ່າແກ່ ຄັນສ້າງໃໝ່

ເປັນຫຍັງຈຶ່ງຈຳເປັນຕ້ອງມີການເຄື່ອນໄຫວ
ຕໍ່ສູ້ເພື່ອໃຫ້ມີການປ່ຽນແປງໃນປະເທດລາວໄປສູ່ລະບົບປະຊາທິປະໄຕ?

ດັ່ງທີ່ທຸກຄົນຊາບຢູ່ແລ້ວວ່ານັບແຕ່ປີ1975 ຈົນເຖິງປະຈຸບັນ ສປປລ ຍັງປົກຄອງ ຢູ່ພາຍໃຕ້ລະບົບ ຜະເດັດການ ພັກດຽວຄອມມູນິສພັກດຽວ, ເຖິງແມ່ນວ່າພັກ-ຣັຖບານ ສປປລ ຈະຍອມ ເປີດກວ້າງ ທາງ ເສຖກິດແບບຕລາດເສຣີ ແລະ ຍອມປ່ອຍໃຫ້ລາວນອກປະເທດ ໄດ້ກັບໄປຢ້ຽມຢາມຍາດພີ່ນ້ອງ ຂອງຕົນໃນປະເທດກໍ່ຕາມ ແຕ່ ພັກ-ຣັຖ ສປປລ ຍັງກວດກາຕິດ ຕາມຢ່າງ ເຄັ່ງຄັດຕໍ່ປະຊາຊົນ ໃນປະເທດ ຜູ້ທີ້ຮຽກຮ້ອງເອົາສິດທິປະຊາທິປະໄຕຂອງຕົນ,ພວກທີ່ໄປ ຢາມ ລາວກໍ່ຕ້ອງປິດປາກຕົນ ເອງບໍ່ກ້າເວົ້າຫຍັງຕໍ່ຄວາມຜິດພາດໃນການປົກຄອງຂອງຜູ້ກຳນາດໃນລາວ ດີບໍດີກັບມາແລ້ວກໍ່ກາຍ ເປັນຄົນປາກກືກກໍ່ມີຫລາຍ, ບາງຄົນຍິ່ງໄປໂຄສະນາ ວ່າລາວຈະເລີນແລ້ວ ເພາະຢ້ານ ບໍ່ໄດ້ເຂົ້າ ໄປລາວອີກ ແຕ່ຊ້ຳພັດຍັງສືບຕໍ່ອາໃສຢູ່ໃນປະເທດ ເສຣີປະຊາທິປະໄຕຕໍ່ໄປ, ພວກຜູ້ນຳພັກ-ຣັຖ ໃນສປປລ ຕ່າງກໍ່ຮູ້ດີວ່າການປົກຄອງໃນລາວປະຈຸບັນສຸດທີ່ເປື່ອຍເຍື່ອຍດ້ວຍການ ສໍ້ລາດ ບັງຫລວງອັນຮ້າຍແຮງໃນທຸກຂັ້ນແຕ່ກໍບໍ່ມີຜູ້ໃດແກ້ໄຂໄດ້ ແມ່ນ ກະທັ້ງ ອະດິດນາຍຍົກ ສປປລ ທ່ານ ບົວສອນ ບຸຜາວັນ ໄດ້ປະກາດຕອນຂື້ນກຳຫນ້າທີ່ໄຫມ່ວ່າຈະແກ້ໄຂເລື່ອງນີ້ໃຫ້ໄດ້,ບາດແລ້ວເມື່ອ

ເຫັນວ່າພໍ່ຂອງຕົນເອງຄຳໄຕ ສີພັນດອນມີຫໍປະສາດເຖິງຫົກຫລັງ ທ່ານບົວສອນ ກໍເລີຍມິດຕໍ່ໄປ, ສະພາແຫ່ງຂາດພາກັນໂຈມຕີການສໍ້ກົງໃນລາວຢ່າງຫນັກ ແຕ່ກໍ່ບໍ່ມີໃຜແກ້ໄຂໄດ້ ຍິ່ງນັບ ມື້ນັບຮ້າຍແຮງ ທັ້ງນີ້ ກໍຍ້ອນລະບົບປົກຄອງ ທີ່ ພັກດຽວເປັນຜູ້ກຳອຳນາດ ສິດທັງຫມົດແມ່ນຢູ່ກັບ

ພັກລະ ຖືກສັ່ງການຈາກ ພັກຄອມມູນິສວຽດນາມ ໃຜຂັດຂືນບໍ່ໄດ້, ສານຕັດສິນເອງ ກໍ່ຂື້ນກັບພັກ ແລ້ວຊິເອົາຄວາມເປັນທັມມາແຕ່ໃສ?.

ທັງຫມົດນັ້ນບໍ່ແມ່ນຄວາມປາຖນາຂອງຄົນລາວທັງຊາດ, ສະນັ້ນຈຶ່ງຈຳເປັນຕ້ອງມີການເຄື່ອນ ໄຫວຕໍ່ສູ້ເພື້ອໃຫ້ມີການປ່ຽນແປງໃນລາວໄປສູ່ລະບົບປະຊາທິປະໄຕ ແລະ ໃຫ້ລາວຫລຸດພົ້ນອອກຈາກ ການຄວບຄຸມຂອງຕ່າງຊາດໂດຍສະເພາະແມ່ນວຽດນາມ.ພວກທີ່ຍັງເຄື່ອນໄຫວຕໍ່ສູ້ໃນປະຈຸບັນສ່ວນ

ຫລາຍແມ່ນຜູ້ທີ່ຫວັງດີຢາກໃຫ້ມີການປ່ຽນແປງລະບົບການປົກຄອງໃນລາວແທ້, ຖ້າຫາກພັກ ປປລ ວ່າຕົນເອງດີເລີດກໍບໍ່ຈຳເປັນຈະຢ້ານພັກອື່ນທີ່ຈະໄປແຂ່ງຂັນໃນການເລືອກຕັ້ງ( ໃນເມື່ອຟ້ອນ ຜູ້ດຽວກໍວ່າໂຕງາມຕລອດ).ການທີ່ມີລະບົບປະຊາທິປະໄຕທີ່ມີຫລາຍພັກການເມືອງຈະບໍ່ມີຜູ້ໃດກຳນົດ

ໄປກ່ອນວ່າຕົນຈະເປັນຜູ້ກຳອຳນາດ ມັນຕ່າງກັບລະບົບຜະເດັດການ, ແລະ ພວກທີ່ເປັນພັກຄອມ ມມູນິສກໍ່ຍັງ ມີສິດຕັ້ງພັກໂຕເອງຕໍ່ໄປ ບໍ່ມີໃຜຈະໄປໄລ່ພວກເພີ່ນເຂົ້າປ່າດອກ.ປະຊາຊົນທີ່ໄປປ່ອນ ບັດເລືອກຕັ້ງຈະເປັນຜູ້ຕັດສິນວ່າໃຜຈະເປັນຜູ້ກຳອຳນາດ ແລະ ໃຜ ຈະເປັນຝ່າຍຄ້ານ.

ສະນັ້ນຂະບວນທີ່ເຄື່ອນໄຫວເພື່ອການປ່ຽນແປງລະບົບປົກຄອງໃນລາວ ໄປສູ່ປະຊາທິປະໄຕ ໃນປະຈຸບັນບໍ່ໄດ້ມີຈຸດປະສົງທີ່ຈະໄປຢາກມີອຳນາດຢ່າງດຽວ ດັ່ງທີ່ບາງຄົນອອກຂ່າວໂຈມຕີ ຫາເລື່ອງໃສ່. ຜູ້ທີ່ເຄື່ອນໄຫວດ້ວຍຄວາມຫວັງດີກໍ່ຄວນຍອມຮັບຮູ້ກັນບໍ່ຄວນຈະໄປຕີລວດກວດພຽງກັນໄປຫມົດ.

ພວກທີ່ພະຍາຍາມໂຈມຕີຂະບວນຝ່າຍຄ້ານຢ່າງບໍ່ຢຸດເຊົານັ້ນຢ່າລືມວ່າດຽວນີ້ ແມ່ນ ປີ 2011 ແລ້ວ ຄວາມຄິດ ແລະ ບຸກຄົນໃນການຕໍ່ສູ້ກໍ່ມີການປ່ຽນແປງຫລາຍຢ່າງ ບໍ່ຄວນເກັບເອົາເລື່ອງເກົ່າໆ ທີ່ບຸກຄົນຂັດແຍ່ງກັນ ເຂົ້າມາປະປົນກັບຂະບວນການຕໍ່ສູ້. ທ່ານຜູ້ທີ່ເຫັນພ້ອມວ່າ ພັກ-ຣັຖສປປລ ນຳພາຖືກຕ້ອງແລ້ວ, ລາວຈະເລີນແລ້ວ ທ່ານກໍບໍ່ຈຳເປັນ ຊິມາເພິ່ງຢູ່ປະເທດເສຣີຕໍ່ໄປ ກໍ່ຄວນ ກັບໄປຢູ່ເມືອງລາວ ໄປຮັບໃຊ້ພັກ-ຣັຖ ສປປລ ພຸ້ນສາ ຫາກທ່ານເຫັນວ່າການ ລອຍຂ້າມນ້ຳຂອງ ທີ່ແດງດ້ວຍເລືອດນັ້ນໄປບໍ່ມີຢູ່ໃນຄວາມຊົງຈຳຂອງທ່ານແລ້ວ.ເມື່ອໃດຫາກມີການເລືອກຕັ້ງເສຣີ

ມີຄວາມເປັນທັມຈຶ່ງຄ່ອຍເຫັນກັນ ວ່າທ່ານມີຈຸດຢືນຢູ່ໃສກັນແທ້ ຫລືວ່າ ທ່ານ ທີ່ໂຄສະນາທັບຖົມ ຂະບວນການຕໍ່ສູ້ເພື່ອປະຊາທິປະໄຕນັ້ນ ທ່ານໄດ້ຮັບຄ່າບຳເນັດຫລາຍ ຈາກ ພັກ-ຣັຖບານ ສປປ ລ ໂດຍສະເພາະຈາກຜູ້ສັ່ງການຈາກພັກຄອອມມູນິສວຽດນາມນັ້ນຈຶ່ງເອົາການເອົາງານ ຂັດຄ້ານ ຂະບວນຕໍ່ສູ້ຢ່າງບໍ່ຢຸດເຊົາ. ຖ້າທ່ານບໍ່ມີວຽກເຮັດ ກໍ່ໄປຊ່ວຍ ເດັກນ້ອຍລາວ ທີ່ເຂົາຕົວະໄປ ຂາຍຕົວ ຢູ່ເມືອງໄທເປັນພັນໆນັ້ນ ຈະມີພະຄຸນຫລາຍກ່ວາ.


ວັນທີ່3 06 2011 ທິ່ ກຸງ ວໍຊິງຕັນ ອມຣກ


ຈາກຜູ້ຫວັງດີຕໍ່ຊາດລາວ.

 

ຂອບໃຈຫລາຍໆເດີທ່ານຜູ່ບໍ່ປະສົງອອກນາມທີ່ໄດ້ເອົາຄວາມຈິງທີ່ໃສເລົ່າສູ່ຟັງ.

ເຂົາເຈົ້າກໍາລັງສອບແປງຢູ່ໂດຍໄດ້ຮັບການຊ່ວຍເຫຼືອຈາກລັດທະບານຝຣັ່ງຈໍານວນ 80000$

ກວດກາ​ການກໍ່ສ້າງອາຄານໂຮງຮຽນ ມສ ວຽງຈັນ

*(ຂປລ: ໃນວັນ​ທີ 4 ກໍລະກົດ 2011 ທ່ານ ສົມ​ວັນ​ດີ ນາ​ຖາ​ວົງ​, ຮອງ​ເຈົ້າ​ຄອງ​ນະຄອນຫລວງວຽງ​ຈັນ ​ແລະ ທ່ານ ຟຣັງ​ຊົວ ​​ເຊເນ​ໂມ​, ເອກອັກຄະລັດຖະທູດ ​ແຫ່ງປະເທດ​ຝຣັ່ງປະຈຳລາວ​ພ້ອມ​ດ້ວຍ​ຄູ​ອາຈານ ໄດ້​ລົງ​ຕິດຕາມ​ການສ້ອມ​ແປງອາຄານ​ໂຮງຮຽນ​ມັດທະຍົມ​ສົມບູນ (ມສ.) ວຽງ​ຈັນ ທີ່​ຊຸດ​ໂຊມ ​ແລະ ​ເປັນ​ອາ ຄານ​ເກົ່າ​ແກ່​ ໄດ້​ສ້າງ​ຂຶ້ນ​ໃນ​ປີ 1958 ມາ​ຮອດ​ປະຈຸ​ບັນ​ ໄດ້ 53 ປີ ຊຶ່ງ​ການ​ສ້ອມ​ແປງ​ອາຄານ​ດັ່ງກ່າວ ​ແມ່ນ​ໄດ້​ຮັບ​ທຶນ​ຊ່ວຍ​ເຫລືອ​ ຈາກ​ລັດຖະບານ​ປະ​ເທດ​ຝຣັ່ງ ຈຳນວນ 80.000 ໂດລາສະຫະລັດ ​ເມື່ອ​ປີ​ຜ່ານມາ.

ການກໍ່ສ້າງສ້ອມແປງອາຄານ ຂອງໂຮງຮຽນ ທີ່ຊຸດໂຊມເສຍຫາຍ ເຊັ່ນ: ສ້ອມແປງພື້ນອ້ອມຫລັກ ທຸງ ຂອງໂຮງຮຽນ, ສ້ອມແປງພື້ນ ແລະ ທາສີທາງຍ່າງ ແລະ ຂັ້ນໄດຂອງອາຄານບໍລິຫານ, ສ້ອມແປງພື້ນ ທາງຍ່າງ ລະຫວ່າງ ອາຄານຮຽນຕ່າງໆ, ພ້ອມກັບກໍ່ສ້າງຝາປິດຮອງລະບາຍນ້ຳຝົນ ແລະ ອື່ນໆ, ນອກນັ້ນ ທາງ ສະຖານທູດຍັງໄດ້ຊ່ວຍເຫລືອໂຮງຮຽນ ມສ ວຽງຈັນ ໃນການຊຸກຍູ້ ແລະ ສົ່ງເສີມຄູອາຈານ ໃຫ້ໄດ້ໄປ ຮຽນຕໍ່ ເພື່ອຍົກລະດັບຄວາມຮູ້ຢູ່ຕ່າງປະເທດ ແລະ ຄູອາຈານ ທີ່ສອນພາສາຝຣັ່ງ ກໍໄດ້ຮັບການຝຶກອົບຮົມ ຢ່າງຕໍ່ເນື້ອງ./.

ແຫຼ່ງຂ່າວ: http://www.kpl.net.la/lao/news/dnl%205.htm