Pasalao

ສະບາຍດີທ່ານຄົນໃຕ້, ດີໃຈທີ່ເຫັນທ່ານກັບມາສູ່ວົງການສົນທະນາພາສາລາວອີກ

ຄັ້ງຫລັງຈາກຫ່າງເຫີນໄປເປັນເວລາຫລາຍປີ. ສຸຂະພາບຍັງແຂງແຮງແລະວຽກ

ງານຍັງເດີນແມ່ນແລ່ນສະດວກຄືເກົ່າບໍ?

ຂ້ານ້ອຍບໍ່ມີຄໍາເຫັນຫຍັງດອກພຽງແຕ່ແວ່ມາທັກທາຍສະບາຍດີທ່ານແລະຖ້າພໍ

ເປັນໄປໄດ້ກໍຢາກໃຫ້ທ່ານລັກກິກເຂົ້າມາຮ່ວມສົນທະນາເລື້ອຍໆແດ່ພໍໃຫ້ບົດ

ສົນທະນາມີສີສັນຂຶ້ນ, ຂອບໃຈ.

ຄົນໃຕ້ wrote:

---

ພັອບຄອນ wrote:

---

ສະບາຍດີທ່ານຄົນໃຕ້, ດີໃຈທີ່ເຫັນທ່ານກັບມາສູ່ວົງການສົນທະນາພາສາລາວອີກ

ຄັ້ງຫລັງຈາກຫ່າງເຫີນໄປເປັນເວລາຫລາຍປີ. ສຸຂະພາບຍັງແຂງແຮງແລະວຽກ

ງານຍັງເດີນແມ່ນແລ່ນສະດວກຄືເກົ່າບໍ?

ຂ້ານ້ອຍບໍ່ມີຄໍາເຫັນຫຍັງດອກພຽງແຕ່ແວ່ມາທັກທາຍສະບາຍດີທ່ານແລະຖ້າພໍ

ເປັນໄປໄດ້ກໍຢາກໃຫ້ທ່ານລັກກິກເຂົ້າມາຮ່ວມສົນທະນາເລື້ອຍໆແດ່ພໍໃຫ້ບົດ

ສົນທະນາມີສີສັນຂຶ້ນ, ຂອບໃຈ.

---

ກ່ອນອື່ນຕ້ອງຂໍສແດງຄວາມຂອບໃຈຕໍ່ທ່ານ (ພ້ອມຄອນ) ບໍ່ຮູ້ມີຄວາມຫມາຍແນວໃດ? ແຕ່ກໍຕ້ອງຂໍໂທດນຳບັນດາເພື່ອນສະມາຄົມລາວທຸກໆທ່ານທີ່ໄດ້ຫ່າງເຫີນຈາກວົງການໄປເປັນເວລານານສົມຄວນ             

ເຫນື່ອງຈາກຊ່ວງຫຼັງໆມີວຽກຫຼາຍແລະຕ້ອງໄດ້ລົງໄປຢາມແລະເຮັດວຽກນຳປະຊາຊົນບັນດາເຜົ່າທີ່ເຂດຫ່າງໄກສອກຫຼີກ

ເປັນເວລາກວ່າ 3 ເດືອນ.ບໍ່ມີໂອກາດເຂົ້າເຖິງອິນເຕີເນັດ,ໄຟຟ້າກໍບໍ່ມີ.ແຕ່ກໍດີໃຈທີ່ໄດ້ຊ່ວຍພັດທະນາພີ່ນ້ອງບັນດາເຜົ່າໃຫ້ມີຄວາມສຸກ.ເຖິງຢ່າງໃດກໍຕາມຄົນໃຕ້ກໍຍັງຄິດເຖິງເພື່ອນໆທຸກຄົນເຫືອນກັນ.

ຫວັງວ່າຄົນໃຕ້ຈະຍັງໄດ້ຮັບຄຳວ່າ Welcome backຈາກບັນດາເພື່ອນທຸກໆທ່ານ

 

ທ່ານຄົນໄຕ້ດີແລ້ວທີ່ທ່ານໄດ້ປະກອບສ່ວນສ້າງປະເທດຊາດບ້ານເມືອງ

ລາວຂອງເຮົາສ່ວນບັນດາລາວນອກທັງຫລາຍກໍໄດ້ມີການປະກອບສ່ວນ

ແບບທີ່ບໍ່ມີໃຜເຂົ້າໃຈໄດ້ປານໃດເພາະແຕ່ລະປີບັນດາລາວນອກໄດ້ຝາກ

ເງີນຫລາຍສິບພັນໂດລາເມືອຊ່ອຍບັນເທົາພີ່ນ້ອງຂອງເຂົາເຈົ້າ

ຖ້າວ່າລັດຖະການຂອງ ສປປລາວຍົກເວັ້ນຂໍ້ຫ້າມ

ຕ່າງໆນາໆອຳນວຍຄວາມສະດວກສະບາຍແກ່ເຂົາເຈົ້າ

ແນ່ນອນວ່າ ບັນດາຜູ່ທີ່ອົບພະຍົບລາວໃນຣະຫວ່່າງ

ປີ1975 ນັ້ນຈະເມືອຊ່ອຍພີ່ນອ້ງຂອງເຂົາເຈົ້າແຕ່ລະ

ທອ້ງຖີ່ນແຕ່ເຫືນອຕະຫລອດໄຕ້ ຄົງຈະເປັນການ

ແບ່ງປັນພາລະແກ່ລັດຖະການລາວ ເພື່ອຈະຊ່ອຍປະ

ຊາຊົນລາວຫລຸດພົ້ນຈາກຄວາມທຸກຍາກ ໂຄງການ

ພັດທະນາຂອງລັດຖະການ ສປປລາວນັ້ນເປັນການ

ແກ່ຍາວ ຄ້າຍໆ ກັບວ່າໂຄງການປູກຫມາກຕານ

ຂາຍ ປີໃດລະຈະໄດ້ຂາຍນຳເຂົາຈັກເທື່ອ ນີ້ຄືຄວາມ

ເຫັນຂອງ ຂພຈ ໄຫ້ທ່ານຄົນໄຕ້ນຳສະເຫນີພາກສ່ວນ

ກຽ່ວຂ້ອງຂອງທາງການ ສປປລາວແດ່

---

Anonymous wrote:

---

ຕາມທີ່ເຄີຍຮູ້ມາ ຄົນທາງພາກໃຕ້ເປັນຄົນໃຈກ້ວາງ ພີ່ນ້ອງຫລາຍ, ແຕ່ຄົນໃຕ້ພັດ

ກົງກັນຂ້າມ ຕັ້ງບົດສົນທະນາຂຶ້ນມາພັດຢາກໃຫ້ແຕ່ຜູ່ທີ່ມີວິໃສທັດກ້ວາງໄກປະກອບ

ຄໍາເຫັນ ນີ້ແມ່ນການຈໍາກັດສິດທິຂອງມວນຊົນແທ້ໆເນີ!

ນັບແຕ່ເດືອນກໍລະກົດ ປີ1991 ເປັນຕົ້ນມາ ຖ້າເບິ່ງພາຍນອກ ປະເທດລາວມີການປ່ຽນ

ແປງຫລາຍໂດຍສະເພາະແມ່ນການພັດທະນາທາງດ້ານເສດຖະກິດ, ຊີວິດການເປັນ

ຢູ່ຂອງປະຊາຊົນດີຂຶ້ນຖ້າທຽບໃສ່ໃນໄລຍະປີ 1975-1990. ແຕ່ຖ້າທຽບໃສ່ບັນດາປະ

ເທດຕ່າງໆໃນເຂດ Asia Pacific ຈໍານວນ 41 ປະເທດ, ການຂະຫຍາຍຕົວທາງດ້ານ

ເສດຖະກິດຂອງປະເທດລາວຍັງຢູ່ໃນລະດັບທີ 31 ຖ້າທຽບໃສ່ໃນໂລກທີ່ມີ 183 ປະເທດ

ແລ້ວ ປະເທດລາວຕົກຢູ່ໃນລະດັບທີ 141 ຊຶ່ງຖືວ່າດີກ່ວາປະເທດເກົາຫລີຫລາຍ.

ການປະຕິຮູບທາງດ້ານເສດຖະກິດຈະໄດ້ຮັບຜົນດີກໍ່ຕໍ່ເມືອມີການປ່ຽນແປງນະໂຍບາຍ

ທາງດ້ານການເມືອງ.

ແຜນການ5ປີຂອງເພິ່ນເນັ້ນໝັກໃສ່ການລົງທຶນຂອງຕ່າງປະເທດຫລາຍໂພດ ປະມານ

50% ຂອງ GDP, ສ່ວນລັດມີແຕ່ 10%, ເອກະຊົນລາວ 15% ແລະອີກ 25% ແມ່ນແນ

ໃສ່ການຊ່ອຍເຫລືອຈາກສາກົນ. ຕົວເລກໃນແຜນການພັດທະນາເສດຖະກິດດັ່ງກ່າວ

ເວົ້າໄດ້ເລີຍວ່າໂອກາດຂອງຄົນລາວທີ່ຈະໄດ້ເປັນເຈົ້າເສດຖະກິດ ເປັນເຈົ້າສັງຄົມນັ້ນ

ມີນ້ອຍຫລາຍ, ບໍ່ບອກ ຄົນໃຕ້ກໍ່ຈະຮູ້ວ່າເມື່ອອໍານາດເສດຖະກິດການເງິນຕົກໄປຢູ່ໃນ

ກໍາມືຂອງຄົນຕ່າງປະເທດແລ້ວ ຜົນຕາມມາຈະມີຫຍັງແດ່.

ຈະຂໍປະກອບສ່ວນເທົ່ານັ້ນເນີ, ສ່ວນທາງດ້ານການສຶກສາ ສາທາລະນະສຸກ ລະບົບຍຸ

ຕິທໍາແລະດ້ານອື່ນໆຈະບໍ່ຂໍເວົ້າເຖິງ. ຖ້າພໍເປັນໄປໄດ້ ກໍ່ຢາກໃຫ້ຄົນໃຕ້ສະເໝີນໍາຂັ້ນ

ເທິງໃຫ້ແດ່ວ່າ ຢາກໃຫ້ເພິ່ນມີການເຂັ້ມງວດໃນການໃຊ້ກົດໜາຍສົ່ງເສີມການລົງທຶນ

ຢາກໃຫ້ມີການສຶກສາຄົ້ນຄ້ວາໃຫ້ລະອຽດຖີ່ຖ້ວນກ່ອນຈະສໍາປະທານໂຄງການແລະ

ຢາກໃຫ້ເພິ່ນປັບປຸງກົດລະບຽບວິໄນໃນການຄວບຄຸມການເງິນ, ຂອບໃຈ.

---

ກ່ອນອື່ນຄົນໃຕ້ຕ້ອງຂໍຂອບໃຈນຳຄຳເຫັນຂອງທຸກໆທ່ານຂ້າພະເຈົ້ານຶກເຖິງສເຫມີວ່າຄຳຄິດຄຳເຫັນຂອງທ່ານປຽບເຫມືອນເປັນແຫວນແຍງສຳລັບຂ້າພະເຈົ້າທີ່ຈະຕ້ອງນຳມາຄິດແລະພິຈາລະນາໃນຄຳຄິດ ຄຳເຫັນຂອງແຕ່ລະທ່ານຊຶ່ງຂ້າພະເຈົ້າສາມາດນຳມາດັດແປງເຂົ້າໃນວຽກງານຕ່າງໆ.ທີ່ຈິງແລ້ວຄົນໃຕ້ເປັນຄົນໃຈກວ້າງຢູ່ແລ້ວ,ຂ້າພະເຈົ້າບໍ່ໄດ້ຈຳກັດຄຳຄິດຄຳເຫັນຂອງທຸກໆທ່ານທຸກໆຊັ້ນຄົນບໍ່ວ່າຈະເປັນນັກການເມືອງ,ນັກຮຽນຮູ້ປັນຍາຊົນຕະຫຼອດເຖິງພໍ່ແມ່ປະຊົນທຸກໆຊັ້ນຄົນໃນປະເທດລາວແລະພີ່ນ້ອງຊາວລາວໃນຕ່າງປະເທດ.ອີກເທື່ອຫນຶ່ງຂ້າພະເຈົ້າກໍຂໍສະແດງຄວາມຂອບໃຈແລະຈິງໃຈສຳລັບຄຳຄິດຄຳເຫັນທັງສອງຄຳເຫັນຂ້າງເທິງນັ້ນຊຶ່ງ ເປັນປະໂຫຍດແລະໃຫ້ຂໍ້ຄິດຢ່າງມະຫາສານແກ່ຂ້າພະເຈົ້າ.ແລະຂ້າພະເຈົ້າຂໍຕອບທ່ານວ່າ:

ປະຈຸບັນລັດຖະບານແຫ່ງ ສປປ ລາວໄດ້ອອກກົດຫມາຍຫຼາຍສະບັບ ກ່ຽວກັບການໃຫ້ສິດພິເສດແກ່ພີ່ນ້ອງຊາວລາວທີ່ອາໃສຢູ່ຕ່າງປະເທດທົ່ວໂລກໃຫ້ກັບມາຊ່ວຍກັນສ້າງສາປະເທດ ຊາດແລະບ້ານເກີດເມືອງນອນທີ່ແສນຮັກຂອງພວກເຮົາ.ລັດຖະບານກໍຄືພີ່ນ້ອງຄົນລາວທຸກຄົນຍິນດີຕ້ອນຮັບທ່ານກັບມາສູ່ອ້ອມກອດຂອງແຜ່ນດິນແມ່ຂອງທ່ານດ້ວຍຄວາມຍິນດີ.ແລະໃນນາມສ່ວນຕົວຂ້າພະເຈົ້າຂໍຂອບໃຈພີ່ນ້ອງລາວທີ່ອາໃສຢູ່ຕ່າງປະເທດທີ່ສະຫຼະວັດຖຸແລະຈິດໃຈໃນການປະກອບສ່ວນພັດທະນາປະເທດຊາດ ແລະເພື່ອຊ່ວຍກັນສະກັດກັ້ນກຸ່ມຄົນບໍ່ດີທີ່ຍາມໃດກໍໂຄສະນາໃສ່ຮ້າຍປ້າຍສີປະເທດຊາດຂອງຕົນເອງ.

ສ່ວນທາງດ້ານແຜນພັດທະນາເສດຖະກິດສັງຄົມໃນສົກປີ 2011-2015 ຂອງລັດຖະບານສ່ວນໃຫຍ່ກໍເລັ່ງໃສ່ການກໍ່ສ້າງພື້ນຖານໂຄງຫຼ່າງເພື່ອເຮັດແນວໃດໃຫ້ປະເທດເຮົາຫຼຸດພົ້ນ ອອກຈາກປະເທດທີ່ດ້ອຍພັດທະນາໃນປີ 2020.ຂ້າພະເຈົ້າຍອມຮັບວ່າການຂະຫຍາຍຕົວທາງເສດຖະກິດບ້ານເຮົາແມ່ນຍັງຊ້າແລະຍັງຂາດດູນການຄ້າໃນຫຼາຍໆດ້ານ. ການລົງທຶນສ່ວນໃຫຍ່ກໍແມ່ນອາໃສຕ່າງປະເທດບໍ່ນັບ SME ຖາມວ່າເປັຍຫຍັງຈິ່ງເປັນແບບນັ້ນ?   ເປັນຫຍັງຄົນລາວຈິ່ງບໍ່ຈິ່ງບໍ່ລົງທຶນເອງ? ຄຳຕອບກໍງ່າຍນ້ອຍດຽວຄື: ຂາດເງິນລົງທຶນ ຂາດຊັບພະຍາກອນມະນຸດ ຂາດອຸປະກອນແລະເທັກໂນໂລຍີ.ປະຊາຊົນລາວໂດຍສະເພາະແມ່ນເຂດຫ່າງໃກສອກຫຼີກຍັງຂາດການືກສາ,ຂາດການຮັບຂໍ້ມູນຂ່າວສານແລະຍັງບໍ່ມີຄວາມຮູ້ຄວາມສາມາດພຽງພໍແລະສ່ວນໃຫຍ່ຍັງດຳລົງຊີວິດໂດຍອາໃສທຳມະຊາດເປັນຫຼັກ

ເວົ້າລວມແລ້ວລັດຖະບານເຮົາຍັງມີສິ່ງທ້າທາຍມະຫາສານໃນການທີ່ຈະນຳພາປະເທດໃຫ້ພົ້ນອອກຈາກຄວາມທຸກຍາກ. ດັ່ງນັ້ນລັດຖະບານພຽງຜູ້ດຽວເພີ່ນກໍບໍ່ສາມາດຈະເຮັດວຽກທັງຫມົດນັ້ນໄດ້ສຳເລັດໂດຍປາດສະຈາກຄວາມຮ່ວມມື,ການຊ່ວຍເຫຼືອຈາກຄົນລາວທຸກໆທ່ານບໍ່ວ່າຈະອາໃສຢູ່ພາຍໃນແລະຕ່າງປະເທດ.ບໍ່ວ່າຈະເປັນວັດຖຸກໍຄືຈິດໃຈ.

ສະຫຼຸບແລ້ວການພັດທະນາບໍ່ວ່າຈະເປັນເສດຖະກິດສັງຄົມ ໃນປະເທດເຮົາຕ້ອງເປັນໄປຕາມກົນໃກແລະສະພາບຕົວຈິງຂອງບ້ານເຮົາ.ເຖິງຈະຊ້າແຕ່ກໍໃຫ້ມີຄວາມຍືນຍົງແລະຫນັ້ນຄົງ.ຂ້າພະເຈົ້າຄິດວ່າການຂະຫຍາຍຕົວຂອງເສດຖະກິດກໍຄືຊີວິດການເປັນຢູ່ຂອງປະຊາຊົນບັນດາເຜົ່າໃນ ສປປລາວ ແມ່ນມີທ່ານທີກ້າວໄປເທື່ອລະຂັ້ນປະຈຸບັນນີ້ປະຊາຊົນເຂດຊົນນະບົດເກືອບ 70% ມີເສັ້ນທາງຄົມະນາຄົມແລະໄຟຟ້າເຂົ້າເຖິງເຫຼືອພຽງແຕ່ເຂດທີ່ເປັນພູດອຍ 30%.

ແຕ່ແນວໃດກໍຕາມຄົນໃຕ້ກໍຂໍຂອບໃຈທຸກໆທ່ານທີ່ໃຫ້ກຳລັງໃຈແລະໃຫ້ຂໍ້ຄິດເຫັນທີ່ເປັນປະໂຫຍດແກ່ຂ້າພະເຈົ້າ.ຖ້າທ່ານຕ້ອງການຂໍ້ມູນກ່ຽວກັບການພັດທະນາຊົນລະບົດກໍສາມາດມາລົມກັບຄົນໃຕ້ໄດ້ທຸກເວລາ.                                                                                                                                                                       

I just would like to share this today Lao is the most civilasation in term of the construction, but whorse of communities cared by the goverment. due to GOL allows too many induistries to run in Lao and to force local people with out reasons to leave their lands etc.