Pasalao

ໜູເຖົ້າສີຂາວຕົວນຶ່ງເດີນທາງແຮມຮອນມາຈົນຮອດລຳທານທີ່ຊາຍປ່າ.ລາວຕ້ອງການຊິຂ້າມໄປຫາຝັ່ງກົງຂ້າມຈິ່ງເຂົ້າໄປຫາກົບສີຂຽວອ່ອນຕົວໜ້ອຍ ທີ່ຮິມລຳທານ. ແລ້ວເອີ່ຍຂໍໃຫ້ກົບຊ່ວຍພາຂ້າມລຳທານນຳ.

ກົບໜ້ອຍແນມໜູແລ້ວປັດຕິເສດຢ່າງສຸພາບວ່າ

" ແໝ ຂ້ານ້ອຍຕົນຕົວນ້ອຍພໍໆນຳເຈົ້າ. ແລ້ວຊິພາເຈົ້າຂ້າມໄປໄດ້ແນວໃດກັນຂ້ານ້ອຍແດ່?"
ແຕ່ໜູບໍ່ຍອມ ກັບອ້າງວ່າ

" ຂ້ອຍເປັນສັດຜູ້ອາວຸໂສກວ່າ. ຄັນເຈົ້າບໍ່ຊ່ວຍ ຂ້ອຍຊິໄປບອກສັບພະສັດທັງຫຼາຍໃຫ້ຮູ້ເຖິງຄວາມໃຈດຳຂອງເຈົ້າ."

ເມື່ອຖູກຂູ່ເຂັນຈັ່ງຊັ້ນ ກົບຈິ່ງຕ້ອງຈຳຍອມ

"ກໍໄດ້ຂ້ານ້ອຍ ຢ່າໄປບອກຜູ້ໃດເລີຍຂ້ານ້ອຍແດ່."
ກົບເວົ້າແລ້ວກໍເອົາຕີນຕົວເອງຜູກກັບຕີນຂອງໜູ. ແລ້ວກໍພາໜູລອຍນ້ຳຂ້າມລຳທານ ແຕ່ວ່າພໍລອຍໄປໄດ້ແຕ່ເຄິງທາງເທົ່ານັ້ນ ກົບກໍເລີ່ມໝົດແຮງກ່ອນທີ່ທັງຄູ່ຊິຕາຍດິກນ້ຳ. ແຫຼວເຫຼືອງຕົວນຶ່ງມາເຫັນເຂົ້າ ກໍໂສບລົງມາຈິກເອົາ ທັງກົບແລະໜູໄປກິນ.