ບໍລິສັດ MMG LX-ML Sepon (ໂຄງການບໍ່ຄຳເຊໂປນ) ໄດ້ມອບແຊັກເງິນປັນຜົນຈາກການຖືຮຸ້ນນຳໂຄງການບໍ່ແຮ່ຄຳ-ທອງເຊ ໂປນໃນຈຳນວນ 18,5 ລ້ານໂດລາສະຫະລັດ ຢ່າງເປັນທາງການໃຫ້ກົມຄຸ້ມຄອງການເງິນລັດວິສາຫະກິດຂອງກະຊວງການເງິນໃນວັນ ພຸດວັນທີ 8 ທັນວາ 2010 ທີ່ ຜ່ານມາ.
ໂດຍທີ່ກ່ອນຫນ້ານີ້ໃນເດືອນມິຖຸນາທີ່ຜ່ານມາ, ທາງບໍລິສັດກໍ່ໄດ້ມອບເງິນປັນຜົນຈຳນວນ 14,4 ລ້ານໂດລາສະຫະລັດ ໃຫ້ພະແນກ ດັ່ງກ່າວ. ການມອບດັ່ງກ່າວນີ້ໄດ້ເຮັດໃຫ້ເງິນປັນຜົນທັງຫມົດທີ່ໄດ້ມອບໃຫ້ລັດຖະບານໃນປີ 2010 ລວມເປັນເງິນ 32,9 ລ້ານໂດລາສະ ຫະລັດ.
ນັບຕັ້ງແຕ່ການເຂົ້າຖືຮຸ້ນ 10 ສ່ວນຮ້ອຍນຳບໍລິສັດໃນປີ 2007 ເປັນຕົ້ນມາ, ລັດຖະບານໄດ້ຮັບເງິນປັນຜົນແລ້ວເປັນຈຳນວນຫລາຍ ກວ່າ 50 ລ້ານໂດລາສະຫະລັດ. ເງິນປັນຜົນນີ້ແມ່ນເປັນພຽງສ່ວນຫນຶ່ງຂອງລາຍຮັບຈາກໂຄງການເຊໂປນ. ກ່ຽວກັບການມອບພາສີອາ ກອນຮອດທ້າຍປີ 2010 ນີ້ທາງບໍລິສັດຄາດວ່າ ປະກອບສ່ວນຫລາຍກວ່າ 600 ລ້ານໂດລາສະຫະລັດ ເຂົ້າໃສ່ລາຍຮັບຂອງປະເທດລາວນັບຕັ້ງແຕ່ໂຄງການໄດ້ເລີ່ມຕົ້ນການຜະລິດໃນປີ 2003 ເປັນຕົ້ນມາ.
ເງິນປັນຜົນນີ້ ແມ່ນພາກສ່ວນຫນຶ່ງຂອງການຢຶດຫມັ້ນຢ່າງຕໍ່ເນື່ອງຂອງບໍລິສັດໃນການຈັດຕັ້ງປະຕິບັດສັນຍານຳລັດຖະບານແຫ່ງ ສ ປປ ລາວ ທີ່ໄດ້ເຊັນກັນໃນປີ 1993 ແລະການມອບເງິນປັນຜົນດັ່ງກ່າວນີ້ແມ່ນການປະກອບສ່ວນເທື່ອຫລ້າສຸດຕໍ່ການພົວພັນອັນໃກ້ຊິດ ທີ່ໄດ້ມີແຕ່ດົນນານລະຫວ່າງສອງຝ່າຍ ແລະ ຍັງສະແດງເຖິງການເຮັດວຽກຮ່ວມກັນ ເພື່ອບັນລຸຜົນປະໂຫຍດແກ່ທັງສອງຝ່າຍ.
