ຮຽບຮຽງ: ຕາດຳ
ຜູ້ຊາຍຄົນໃດທີ່ຕ້ອງການຄວາມຫມັ້ນໃຈໃນການແຕ່ງຕົວໃຫ້ມີສະເຫນ ແລະ ມີຄວາມຫມັ້ນໃຈ ມື້ນີ້ນາໆປະໂຫຍດມີວິທີການແຕ່ງ ຕົວຂອງຜູ້ຊາຍທີ່ບໍ່ຄວນຈະສວມໃສ່ ເຊິ່ງລາຍລະອຽດມີດັ່ງນີ້:
1. ໃສ່ເສື້ອເຊິດກັບເສື້ອຄໍມົນຫລືເສື້ອຄໍສູງ (ເສື້ອຄໍເຕົ່າ): ວິທີການແຕ່ງຕົວທີ່ເປັນພື້ນຖານກໍ່ຄືການໃສ່ເສື້ອບາງໆໄວ້ທາງໃນແລ້ວ ໃສ່ໂຕຫນາໄວ້ທາງນອກ ເມື່ອໃສ່ເສື້ອເຊິດທັບກັບເສື້ອຢືດຄໍມົນ ຈິ່ງເຮັດໃຫ້ມັນເປັນສິ່ງແປກຕາໃຫ້ກັບຜູ້ທີ່ພົບເຫັນ, ຖ້າຕ້ອງການຢາກ ແຕ່ງຕົວໃຫ້ມີສີສັນກວ່າ ເກົ່າຂໍແນະນຳປ່ຽນຈາກເສື້ອເຊິດເປັນເສື້ອແຈັກເກັດແທນຈະດີກວ່າ.
2. ໂສ້ງແອວຕ່ຳໆ: ການໃສ່ໂສ້ງແອວຕ່ຳນັ້ນນອກຈາກຈະເຮັດໃຫ້ເບິ່ງເປັນຄົນບໍ່ສຸພາບແລ້ວຍັງເບິ່ງຄ້າຍຄືກັບເດັກນ້ອຍແລະເຮັດ ໃຫ້ເບິ່ງຄືວ່າມີຮູບຮ່າງທີ່ບໍ່ສົມສ່ວນຂາຈະເບິ່ງຄືສັ້ນກວ່າປົກກະຕິ, ນອກຈາກນີ້ ເວລາຍ່າງຕ້ອງພະຍາຍາມບໍ່ໃຫ້ຂອບແອວໂສ້ງເຕື່ອຍ ໄຫລລົງມາ ດັ່ງນັ້ນ ຄົນທີ່ມັກໃສ່ໂສ້ງແອວຕ່ຳໆຈິ່ງຕ້ອງຍ່າງ ຂາໂກ່ງເພື່ອບໍ່ໃຫ້ໂສ້ງໄຫລລົງນັ້ນເອງ.
3. ໂສ້ງຂາສັ້ນໆ: ການໃສ່ໂສ້ງຂາສັ້ນທີ່ມີລະດັບຄວາມສັ້ນຫລາຍກວ່າປົກກະຕິອາດເຮັດໃຫ້ຄົນອື່ນເບິ່ງວ່າເປັນຄົນບໍ່ສຸພາບ ແລະ ເວລານັ່ງໂສ້ງອາດຈະໄປຮັດ ຫລືຫນີບອະໄວຍະວະເພດ ເຊິ່ງເປັນພາບທີ່ບໍ່ເຫມາະສົມປານໃດໃຫ້ກັບຜູ້ທີ່ພົບເຫັນ ຖ້າຜູ້ຊາຍຄົນໃດມັກ ໃສ່ໂສ້ງຂາສັ້ນໆ ຄົງຈະບໍ່ມີສາວຄົນໃດກ້າເຂົ້າມານັ່ງໃກ້ແນ່ນອນ.
