ຂ່າວ: ຄຳພັນ ວໍລະສິງ
ຫລັງຈາກການສືບສວນສອບສວນ ເບື້ອງຕົ້ນທັງສອງຮັບສາລະພາບວ່າໄດ້ກະທຳຜິດແທ້ ເພື່ອຫວັງຢາກໄດ້ເງິນ ແລະ ຜູ້ຕ້ອງຫາ ກໍໄດ້ພາເຈົ້າຫນ້າທີ່ໄປນຳເອົາພະທີ່ລັກມາຖິ້ມລົງໄວ້ນ້ຳ ສ້າງເກົ່າທີ່ບ້ານເຫລັກເມືອງແປກຕາມການໃຫ້ການຂອງເຈົ້າຫນ້າທີ່ເມືອງແປກ ໃຫ້ຮູ້ວ່າ: ທັງສອງຄົນມີປະຫວັດດ້ານຂີ້ລັກງັດແງະ ແລະ ລັກເຂົ້າວັດກາງດຶກມາກ່ອນ ມາເຖິງວັນທີ 18 ສິງຫານີ້ ເຈົ້າຫນ້າທີ່ ປກສ ເມືອງແປກກໍ່ໄດ້ຈັດພິທີມອບພະພຸດທະຮູບອົງນີ້ ຄືນໃຫ້ອຳນາດການປົກຄອງ ແລະຊາວບ້ານໂພນທອງເອົາໄປອຸປະກາລະຕໍ່ໄປ. ທ່ານ ເວີນຄຳ ດວງພາຈິດ ປະທານແນວໂຮມ ເຂດຄັງວຽງເມືອງແປກໄດ້ເວົ້າ ວ່າ: ເທື່ອນີ້ເປັນບົດຮຽນອັນສຳຄັນໃຫ້ແກ່ທ້ອງຖິ່ນ ແລະ ວັດ ວາສາສະຫນາທີ່ຈະໄດ້ພ້ອມກັນເອົາໃຈໃສ່ປົກປັກຮັກສາ ໂດຍສະເພາະວັດຖຸທີ່ມີຄ່າຕ້ອງເກັບຮັກສາໃນບ່ອນທີ່ປອດໄພເອົາໃຈໃສ່ການ ກວດກາເວນຍາມ, ຕິດຕາມຜູ້ຄົນທີ່ເຫັນວ່າເຄື່ອນໄຫວໄປໃນທາງທີ່ບໍ່ດີ ແລະສ້າງໃຫ້ຊຸມຊົນເປັນຫລັກໃນການປົກປັກຮັກສາຄວາມສະ ຫງົບໃນທ້ອງຖິ່ນໃຫ້ໄດ້.
