Pasalao

ພິທີລົງນາມມອບ-ຮັບແລ້ວ ເປີດນຳໃຊ້ຢ່າງເປັນທາງການຂອງ 2 ສະຖານີແຜ່ນດິນໄຫວ ແລະ 1 ສູນຂໍ້ມູນດັ່ງກ່າວແມ່ນໄດ້ຈັດ ຂຶ້ນຢູ່ທີ່ສວນອາຫານຄົວລາວ ໃນວັນທີ 7 ເມສາ 2010 ນີ້ ໂດຍການເຊັນກັນລະຫວ່າງທ່ານ ສີສະຫວັດ ວິທະໄຊ ຮອງຫົວຫນ້າອົງ ການຊັບພະຍາກອນນ້ຳ ແລະ ສິ່ງແວດລ້ອມກັບທ່ານ Liu Yuchen ຮອງຫົວຫນ້າອົງການແຜ່ນດິນໄຫວ ສປ ຈີນ ພາຍໃຕ້ການເຂົ້າ ຮ່ວມເປັນສັກຂີພິຍານຂອງທ່ານ ນາງ ເຂັມແພງ ພົນເສນາ ລັດຖະມົນຕີປະຈຳສຳນັກງານນາຍົກ, ຫົວຫນ້າອົງການຊັບພະຍາກອນ ນ້ຳ ແລະ ສິ່ງແວດລ້ອມ; ພ້ອມດ້ວຍບັນດາພະນັກງານທີ່ກ່ຽວຂ້ອງທັງສອງພາກສ່ວນເຂົ້າຮ່ວມ.

ກ່ອນຫນ້ານີ້ ສປປ ລາວ ບໍ່ທັນມີສະຖານີແຜ່ນດິນໄຫວ ແລະບໍ່ມີນັກວິຊາການດ້ານແຜນດິນໄຫວ ຈິ່ງມີຄວາມລຳບາກໃນການຕິດ ຕາມ ແລະ ຍາກທີ່ຈະຮູ້ໄດ້ການປ່ຽນແປງຂອງສະພາບແວດລ້ອມ, ດິນຟ້າອາກາດ ກໍ່ຄືເຫດການແຜ່ນດິນໄຫວຢູ່ໃນພາກພື້ນກໍ່ຄືຂອງ ລາວ, ເຖິງແມ່ນວ່າຜ່ານມາ ລາວຈະບໍ່ເຄີຍເກີດເຫດການແຜ່ນດິນໄຫວທີ່ຮຸນແຮງ ແຕ່ກໍ່ມີການສັ່ນສະເທືອນເລັກຫນ້ອຍ ຢູ່ໃນແຂວງບໍ່ ແກ້ວ, ຫລວງພະບາງ, ອຸດົມໄຊ.

ທ່ານ ສີສະຫວັດ ວິທະໄຊ ກ່າວວ່າ: ການຊ່ວຍເຫລືອຄັ້ງນີ້ຂອງອົງການແຜ່ນດິນໄຫວ ສປ ຈີນ ກໍ່ຄືການຊ່ວຍເຫລືອສ້າງ 2 ສະ ຖານີແຜ່ນດິນໄຫວຢູ່ແຂວງຫລວງພະບາງ ແລະ ຫລັກ 20 ແຂວງບໍລິຄຳໄຊ ແລະ 1 ສູນຂໍ້ມູນ-ຂ່າວສານ ຢູ່ກົມອຸຕຸນິຍົມ ແລະ ອຸ ທົກກະສາດ ນະຄອນຫລວງວຽງຈັນ ຈະຊ່ວຍໃຫ້ສາມາດຕິດຕາມບັນຫາແຜ່ນດິນໄຫວຢູ່ ສປປ ລາວ ກໍ່ຄືຂົງເຂດ ແລະ ພາກພື້ນໄດ້ ເປັນຢ່າງດີແນວໃດກໍ່ຕາມນີ້ ເປັນຈຸດລິເລີ່ມທີ່ສຳຄັນໃນການພົວພັນຮ່ວມມືທີ່ດີລະຫວ່າງສອງຂະແຫນງການຂອງພວກເຮົາກໍ່ຄືການສ້າງ ຄວາມເຂັ້ມແຂງໃຫ້ແກ່ຂະແຫນງການແຜ່ນດິນໄຫວຂອງ ສປປ ລາວ. ນີ້ເປັນຜົນດີທີ່ ສປປ ລາວ ພວກເຮົາມີສະຖານີເຕືອນໄພແຜ່ນ ດິນໄຫວ ເຊິ່ງຈະຊ່ວຍໃຫ້ພວກເຮົາມີຄວາມເຂົ້າໃຈຫລາຍຂຶ້ນໃນການເຝົ້າລະວັງເຫດການແຜ່ນດິນໄຫວທີ່ບໍ່ຮູ້ວ່າ ເມື່ອໃດຈະເກີດຂຶ້ນຢູ່ ລາວໂດຍສະເພາະແຂວງພາກເຫນືອຜ່ານມາເຫັນວ່າເກີດມີແຜ່ນດິນໄຫວລະດັບຄ່ອຍຫາປານກາງຫລາຍຄັ້ງ ເຊິ່ງສ້າງຄວາມວິຕົກໃຫ້ ແກ່ປະຊາຊົນຢ້ານກົວພໍສົມຄວນ ແລະ ບໍ່ມີຄວາມສຸກໃນການດຳລົງຊີວິດ.