ເກີດເປັນໝາຍັງຕ້ອງສູ້
 Faith ເປັນໝາຕົວເມຍ ຊື່ງເກີດໃນເດືອນທັນວາ ປີ 2002 ແຕ່ມີພຽງ 3 ຂາ ສອງຂາຫຼັງນັ້ນແຂງແຮງດີເປັນປົກກະຕິ ສ່ວນຂາທີສາມນັ້ນເປັນຂາດ້ານໜ້າບໍ່ຄ່ອຍແຂງແຮງ(ພິການ) ຫຼັງຈາກເກີດມາບໍ່ພໍເທົ່າໃດວັນ ເຈົ້າຂອງຜູ້ລ້ຽງຮູ້ສຶກວ່າໝາຕົວດັ່ງກ່າວນັ້ນຄົງຈະບໍ່ສາມາດມີຊີວິດຢູ່ໄດ້ອີກຕໍ່ໄດ້ແລະ ເຈົ້າຂອງຄົນດັ່ງກ່າວເຄີຍຄິດວ່າຈະສັກຢາໃຫ້ໝາຕົວນີ້ຕາຍໄປເພາະດ້ວຍຄວາມ ສົງສານບໍ່ຢາກໃຫ້ໝາຂອງຕົນຕ້ອງທໍລະມານອີກຕໍ່ໄປ ຕໍ່ມາໄດ້ມີຫຼາຍຄົນພົບເຫັນ ໂດຍສະເພາະແມ່ນທ່ານ ນາງ Jude Stringfellow ໄດ້ພົບເຫັນກໍ່ສົງສານໝາຕົວດັ່ງກ່າວແລະຂໍອາສາລ້ຽງດູໝາຕົວທີ່   ໜ້າສົງສານນັ້ນ ຫຼັງຈາກເຈົ້າ Faith ໄດ້ຮັບການລ້ຽງດູຢ່າງດີຈາກເຈົ້າຂອງຄົນໃໝ່ສຸກຂະພາບຂອງລາວກໍ່ຄ່ອຍດີຂື້ນເລື້ອຍໆ ແລະເຈົ້າຂອງໃໝ່ຂອງລາວກໍ່ເລີ່ມຝຶກໃຫ້ Faith ຝຶກຢ່າງດ້ວຍຕົນເອັງ ໂດຍເລີ່ມຕົ້ນຈາກການເອົາ Faith ນັ້ນໄປເກາະກັບສະເກັດແລ້ວເລື່ອນຕົວໄປມາເພື່ອໃຫ້ຄຸ້ນເຄີຍກັບການຢ່າງ ຈາກນັ້ນກໍ່ເລີ່ມນຳເອົາເຂົ້າໜົມໂຊໂກແລັດມາໄວ້ສູງໆ ເພື່ອໃຫ້ Faith ນັ້ນໄດ້ພະຍາຍາມທີ່ຈະຢື້ກີນເປັນເວລາດົນສົມຄວນ Faith ກໍ່ຄຸ້ນເຄີຍກັບການຢ່າງດ້ວຍ ສອງຂາຈົນຫຼາຍຄົນໄດ້ໃຫ້ຄວາມສົນໃຈແລະນຳໄປອອກລາຍການສະແດງທາງໂທລະພາບເປັນເຫດໃຫ້ເຈົ້າໝານ້ອຍຕົວທີ່ເຄີຍໝົດຫວັງກັບຊີວິດກັບມາເປັນດາລາໝາທີ່ໂດ່ງດັງໃນລັດ ເທັກຊັດຂອງສະຫາລັດອາເມລິກາ |
