Pasalao

ໄຄແຕ່ລາວ ບໍ່ແກ່ວງຫາງ

ຕອນຂ້ອຍເປັນນັກຮຽນທຶນ ໄປຮຽນປະເທດໄທ ຍັງໄດ້ແຕ່ 1ໜືນ8ພັນບາດເທົ່ານັ້ນ ເກືອບວ່າເຫຼືອໃຊ້ ເຫຼືອຈ່າຍ

Anonymous wrote:

---

60.000 ບາດ ບໍ່ເອົາ ຊິເອົາ 80.000 ບາດ


ລໍາ​​ເນົາ ສິງ​ໂຕ ​ເປັນ​ນັກ​ເຕະ​ຄົນ​ດຽວ ທີ່​ໄດ້​ຜ່ານການ​ຫຼິ້ນ​ລະດັບ​ອາຊີບ ດ້ວຍ​ປະສົບ​ການ ​ແລະ ຄວາມ​ສາມາດ​ສູ​ງ ລໍາ​ເນົາ ຈຶ່ງ​ເປັນ​ສ່ວນ​ໜຶ່ງຂອງ​ທິມຊາດ​ລາວ ທີ່​ສ້າງ​ປະຫວັດ​ສາດ ດ້ວຍ​ການ​ເຂົ້າ​ເຖິງ​ຮອບ 4 ທິມສຸດ​ທ້າຍ ​ໃນ​ຊີ​ເກ​ມ​ໄດ້​ສໍາ​ເລັດ ຈາກ​ຜົນງານ​ທີ່​ເຫັນ​ໄດ້ຊັດ​ເຈນ ຈຶ່ງ​ມີ​ຫຼາຍ​ສະ​ໂມ​ສອນ​ຈາກ​ປະ​ເທດ​ໄທ ສົນ​ໃຈ​ຕິ​ດຕໍ່​ມາ​ເພື່ອ​ດຶງ​ໄປ​ຮ່ວມ​ທີ​ມ ​ເຊິ່ງ​ໃນ​ປັດຈຸບັນ ຍັງ​ຢູ່​ໃນ​ຂັ້ນ​ຕອນ​ຕົກລົງ​ຄ່າ​ເມື່ອຍກັນ​ຢູ່ ​ເພື່ອ​ເປັນ​ການ​ຮັກສາ​ຄວາມ​ສາມາດ​​ໄວ້ ຢ່າງສະໝ່ຳສະ​ເໝີ ຈຶ່ງ​ໄດ້ຂໍ​ຮັບ​ໃຊ້​ຕົ້ນ​ສັງກັດ​ໂຍທາ​ທິການ ໃນ​ລາວ​ລີກ 1 ລະດູ​ການ​ນີ້.

ເພື່ອ​ໃຫ້​ຊັດ​ເຈນ ລໍາ​ເນົາ ສິງ​ໂຕ ​ໃຫ້​ສໍາ​ພາດວ່າ ຕົນ​ຮູ້​ສື​ກດີ​ໃຈ ທີ່​ກ້າວ​ໄປ​ຫຼີ້ນ​ໃນ​ລະດັບ​ອາຊີບ​ໄດ້ ​​ເຊິ່ງ​ໃນ​ໄລຍະ​ໄປ​ຫຼີ້ນ ໃຫ້ການ​ໄຟຟ້າ​ພູມ​ມີພາກແຫ່ງປະ​ເທດ​ໄທ ​ແມ່ນ​​ໄດ້​ຮັບ​ຄ່າ​ເມື່ອຍ 60.000 ບາດ (ສະກຸນ​ເງິນ​ໄທ) ຜ່ານ​ການ​ແຂ່ງຂັນ​ຊີ​ເກ​ມ ນັກ​ເຕະທິມຊາດ​ລາວ​ຫຼາຍ​ຄົນ ຖື​ກທາ​ບທາມ​ຈາກຫຼາຍ​ທີ​ມ ​ເຊິ່ງປັດຈຸບັນ ຕົນ​ເອງ​ມີ 6 ທີມ​ເຊັ່ນວ່າ ສະ​ໂມ​ສອນ​ສີສະ​ເກ​ດ ລາຊະ​ປະຊາ ນົນ​ທະ​ບູລີ ​ໄຟຟ້າ​ບູລີ​ລໍາ ຊ້າ​ຊຽງ​ໃໝ່ ​ແລະ ທີ​ໂອ​ທີ ​​ໄດ້​ຍື່ນຂໍ້ສະ​ເໜີມາ​ໃຫ້​ໄປ​ຮ່ວມ​ທິມ ​ແຕ່​ໃນ​ໄລຍະ​ນີ້ ຕົນ​ຍັງ​ຕົກລົງ​ຄ່າ​​ເມື່ອຍ ​ເຊິ່ງຕົນ​ສະ​ເໜີ​ໄປ 7-8 ໝື່ນ​ບາດ​ຕໍ່​ເດືອນ ບໍ່​ລວມຄ່າ​ເບ້ຍລ້ຽງ ​ແລະ ຄ່າ​ທີ່​ພັກ.

ໃນ​ໄລຍະ​ໄປ​ຫຼິ້ນ ໃຫ້​ສະ​ໂມ​ສອນ​ການ​ໄຟຟ້າ​ພູມີພາກ​ນັ້ນ ທີ່​ໄດ້ຮັບ 60.000 ບາດ ​ແມ່ນ​ກຸ້ມ​ຕົນ​ເອງ​ທຸກ​ຢ່າງ ບໍ່​ວ່າ​ຈະ​ເປັນ​ທີ່​ພັກ ​ແລະ ອາຫານ.

ລໍາ​ເນົາ ກ່າວ​ຕື່ມ​ວ່າ ​ໃນ​ນາມ​ສ່ວນ​ຕົວ ແມ່ນ​ມີ​ຄວາມ​ດີ​ໃຈທີ່​ເພື່ອນ​ຮ່ວມ​ທີ​ມຫຼາ​ຍຄົນ ໄດ້​ຮັບ​ຄວາມ​ສົນ​ໃຈ ຈາກ​ສະ​ໂມ​ສອນ​ຂອງ​ປະ​ເທດ​ໃກ້​ຄຽງ ​ເພາະເປັນ​ໂອກາດ ທີ່​ຈະ​ກ້າວ​ໄປ​ເປັນ​ລະດັບ​ອາຊີບ ​ເມື່ອ​ກ້າວ​ໄປ​ລ​ະ​ດັບ​ອາຊີບ ມີ​ຄວາມ​ແຕກ​​ໂຕນ​ກັນ​ຫຼາຍ ກັບ​ສະໝັກ​ຫຼິ້ນ ບໍ່​ວ່າ​ຈະ​ເປັນ​ການ​ຝຶກຊ້ອມລວມ​ໄປ​ເຖິງການ​ແຂ່ງຂັນ ພ້ອມ​ນີ້ ຍັງ​ສ້າງ​ໂອກາດ​ໃຫ້​​ເຮົາ ໄດ້​ຮັບ​ໂອກາດ​ຫຼາຍ​ຢ່າງ​ທີ່​ດີ ໃນ​ອະນາຄົດ.

ໃນ​ໄລ​ຍະ​ທີ່​ຫຼິ້ນ​ລະດັບ​ອາຊີບ ໃຫ້​ແກ່​ສະ​ໂສມ​ອນປະ​ເທດ​ໄທ​ນັ້ນ ຕົນ​ຂໍ​ຮັບ​ໃຊ້​ສະ​ໂມ​ສອນ​ໄປ​ກ່ອນ.

 

---