ກຽມເປີດມະຫາກຳການເຕັ້ນສາກົນ "ຟັງແມ່ຂອງ" ຫລື FANG MAE KHONG INTERNATIONAL DANCE FESTIVA- L’S ຄັ້ງທຳອິດໃນປະເທດລາວ ເຊິ່ງຈະມີທີມເຕັ້ນທີ່ມີຊື່ສຽງຈາກຫລາຍປະເທດທີ່ຈະມາສະແດງລີລາການເຕັ້ນໃຫ້ເຮົາໄດ້ຊົມກັນພາຍໃນ ງານຈະມີການສະແດງເຕັ້ນ ພ້ອມກັບການເປີດຝຶກອົບຮົບການເຕັ້ນໃຫ້ກັບຄົນທີ່ສົນໃຈນຳອີກ.
ງານດັ່ງກ່າວຈັດໂດຍສະໂມສອນລາວບັ້ງໄຟກັບA’CORPS ເຊິ່ງເປັນຜູ້ລິເລີ່ມຄວາມຄິດດັ່ງກ່າວ ພ້ອມທັງໄດ້ຮັບການອະນຸຍາດຈັດ ງານຈາກກະຊວງຖະແຫລງຂ່າວ ແລະ ວັດທະນະທຳ ຈິ່ງເຮັດໃຫ້ເກີດມີງານ "ຟັງແມ່ຂອງ" ເພື່ອສະຫນັບສະຫນູນນັກເຕັ້ນຜູ້ທີ່ມີຄວາມສາມາດໃຫ້ເຂົາເຈົ້າໄດ້ມີເວທີສະແດງຄວາມສາມາດໃຫ້ຄົນອື່ນໄດ້ຊົມກັນ ເພື່ອເປັນການເປີດໂອກາດໃຫ້ກັບຜູ້ທີ່ສົນໃຈເລື່ອງການເຕັ້ນໄດ້ ເຂົ້າມາຮຽນຮູ້ແລກປ່ຽນປະສົບການ.
ງານຈະເລີ່ມຂຶ້ນວັນທີ 20-21 ມັງກອນນິ້ ທີ່ໂຮງກາຍະສິນແຫ່ງຊາດ (ນະຄອນຫລວງວຽງຈັນ), ວັນທີ 26 ມັງກອນ ຈະມີແຂ່ງຂັນ ເຕັ້ນຮິບຮ໋ອບຢູ່ສູນຢູໂດ (ນະຄອນຫລວງວຽງຈັນ) ສຳລັບວັນທີ 23-24 ມັງກອນ ແມ່ນຈະຈັດຂຶ້ນທີ່ແຂວງຫລວງພະບາງ ແລະ ວັນທີ 27-28 ແມ່ນຈະຈັດຂຶ້ນທີ່ຫໍວັດທະນະທຳແຫ່ງຊາດ (ນະຄອນຫລວງວຽງຈັນ).
ສຳລັບບັດທຳມະດາແມ່ນ 10.000 ກີບ ສາມາດເຂົ້າຊົມໄດ້ 1 ງານ (ຊື້ໄດ້ໃນມື້້ສະແດງຢູ່ຫນ້າງານ) ບັດ VIP ແມ່ນ 150.000 ກີບ (ບັດ1 ສາມາດເຂົ້າໄດ້ 2 ຄົນ) ແລະ ບັດນີ້ຍັງສາມາດເຂົ້າຊົມການສະແດງໄດ້ທຸກງານ ສຳລັບບັດແມ່ນຈະເປີດຈຳຫນ່າຍໃນວັນທີ 17 ມັງກອນ ທີ່ຫໍວັດທະນະທຳແຫ່ງຊາດຮີບຟ້າວຈັບຈອງເປັນເຈົ້າຂອງເດີ້ ເພາະບັດນີ້ມີຈຳນວນຈຳກັດ ແລະ ບໍ່ມີການຈຳຫນ່າຍຢູ່ຫນ້າ ງານ.
ນັກເຕັ້ນທີ່ຈະມາສະແດງໃນຄັ້ງນີ້ ປະກອບມີປະເທດລາວ, ຫວຽດນາມ, ກຳປູເຈຍ,ມຽນມ້າ, ຝຣັ່ງ ແລະ ໄທເພາະວ່ານອກຈາກເຮົາ ຈະໄດ້ຊົມການເຕັ້ນທີ່ເປັນສາກົນເຊັ່ນຮິບຮ໋ອບ ແດນຊ໌ ບີບອຍ ແລ້ວແຕ່ລະປະເທດກໍ່ຈະນຳເອົາການສະແດງຟ້ອນທີ່ເປັນເອກະລັກຂອງ ປະເທດນັ້ນໆ ເຊິ່ງເປັນການສະແດງທີ່ຫາຊົມໄດ້ຍາກ ນອກຈາກນີ້ພາຍໃນງານທ່ານຍັງຈະໄດ້ຊົມເຄື່ອງຫລິ້ນຕ່າງໆໃນສະໄຫມກ່ອນເຊື່ອ ວ່າໄວຫນຸ່ມໆຫລາຍໆຄົນຄົງບໍ່ເຄີຍເຫັນ ແລະ ຮູ້ຈັກມາກ່ອນ ເພາະສະນັ້ນຖ້າໃຜທີ່ຢາກເຫັນວ່າມັນຈະມີຫນ້າຕາຄືແນວໃດນັ້ນກໍ່ຢ່າພາດ.
ງານຖະແຫລງຈັດຂຶ້ນເມື່ອວັນທີ 5 ມັງກອນທີ່ສະໂມສອນສະມາຄົມນັກຂ່າວເຂົ້າຮ່ວມຖະແຫລງປະກອບມີ ທ່ານ ສົມສະຫນຸກ ມີໄຊ ຮອງປະທານສະມາຄົມນັກຂ່າວແຫ່ງປະເທດລາວທ. ອານຸຊາ ໂພທິສານ ຫົວຫນ້າສະໂມສອນລາວບັ້ງໄຟ, ທ. ເປເລ້ ຄຳຈັນລາຈາກ A’CORPS DANCE COMPANY (ຝຣັ່ງ) ພ້ອມດ້ວຍຊື່ມວນຊົນ.
