Pasalao

 ຮຽບຮຽງ: ຕາດຳ

   ໃຜທີ່ມີບັນຫາເລື່ອງຂອງ "ຂີ້ຫົວ" ບໍ່ຮູ້ວ່າຈະເຮັດແນວໃດຈິ່ງ, ຈະສາມາດກຳຈັດໃຫ້ຫມົດໄປໄດ້ ມື້ນີ້ ມີເຄັດລັບຫນ້າຮູ້ກ່ຽວກັບເລື່ອງ ນີ້ມາບອກກັນທ່ານຮູ້ບໍ່ວ່າຫມາກພ້າວແມ່ນມີປະໂຫຍດຫລາຍຢ່າງ ເພາະວ່ານອກຈາກຈະສາມາດນຳມາປຸງແຕ່ງໃນອາຫານຫລາຍໆຢ່າງ ໃຫ້ອອກມາມີລົດຊາດແຊບແລ້ວມັນຍັງສາມາດຊ່ວຍກຳຈັດ "ຂີ້ຫົວ" ໄດ້.

   ວິທີປະຕິບັດ ນຳເອົາຫມາກພ້າວແຫ້ງມາຂູດຫລືບົດໃຫ້ມຸ່ນແລ້ວ ນຳມາບີບເອົານ້ຳຫົວກະທິຈາກນັ້ນນຳເອົາມາມັກຜົມປະໄວ້ປະມານ 15-20 ນາທີໃນເວລາທີ່ມັກຜົມຢູ່ນັ້ນທ່ານສາມາດນວດຄ່ອຍໆເທິງຫົວ ເພື່ອເຮັດໃຫ້ການຫມູນວຽນຂອງເລືອດໄຫລສະດວກຍິ່ງຂຶ້ນ ແລະ ຂັ້ນຕອນສຸດທ້າຍແມ່ນໃຫ້ລ້າງນ້ຳກະທິອອກ.

   ໃຫ້ທ່ານປະຕິບັດແບບນີ້ ອາທິດລະ 1-2 ຄັ້ງ ຖ້າປະຕິບັດເປັນປະຈຳບັນຫາເລື່ອງຂີ້ຫົວທີ່ເຄີຍກວນໃຈທ່ານກໍ່ຈະຄ່ອຍໆຫມົດໄປ. ນອກຈາກນີ້ ນ້ຳກະທິຍັງຊ່ວຍບຳລຸງເສັ້ນຜົມໃຫ້ດົກດຳເງົາງາມ ແລະ ມີນ້ຳຫນັກຂຶ້ນກວ່າເກົ່າຊ່ວຍປ້ອງກັນຜົມລົ່ນ ແລະ ຍັງປິ່ນປົວຜົມ ທີ່ແຫ້ງແຕກປາຍນຳອີກ.

   ໃຜທີ່ມັກເກີດອາການແພ້ສານເຄມີຈາກຜະລິດຕະພັນໃຊ້ສຳລັບສະຫົວທີ່ວາງຂາຍຢູ່ຕາມທ້ອງຕະຫລາດສາມາດນຳເອົາວິທີນີ້ໄປໃຊ້ໄດ້ ເພາະວ່ານອກຈາກຈະຊອກຊື້ໄດ້ງ່າຍແລ້ວຍັງລາຄາຖືກ ແລະ ບໍ່ມີຜົນຂ້າງຄຽງກັບຜູ້ໃຊ້ນຳອີກ.