Pasalao

ຮຽນ:  ບັນດາທ່ານທີ່ເຂົາລົບຮັກ ແລະເຄີຍອ່ານພາສາລາວ ທັ້ງຫລາຍ

ຂ້າພະເຈົ້າເຊື່ອວ່າ ຖ້າທ່ານໃດໄດ້ຟັງເພງທີ່ກຳລັງດັງ ທັງເປັນເພງສົ່ງເສີມການກິລາ ແລະໃຫ້ກຳລັງໃຈໃຫ້ກັບຄົນລາວທົ່ວປະເທດ ໃນກິລາຊີເກມ ຄັ້ງທີ່ 25 ປີ 2009 ທີ່ປະເທດເຮົາເປັນເຈົ້າພາບ. ທີ່ມີຊື່ວ່າ  <ຄວາມຊົງຈຳ>  ຫລືໃນພາສາຄາລາໂອເກວ່າ<kwam xon jaam lao seagames 2009>  ທີ່ໄດ້ ອັບໂຫລດ ຂື້ນໄວ້ໃນ www.youtube.com.  ນີ້ແລ້ວ ທ່ານທັ້ງຫລາຍອາດມີຄວາມຄິດເຫມືອນດັ່ງຂ້າພະເຈົ້າກໍ່ເປັນໄດ້.

ເລື່ອງ ຄືວ່າ ມີຫລາຍ ຄຳເວົ້າທີ່ຂ້າພະເຈົ້າບໍ່ເຄີຍໄດ້ພົບເຫັນໃນພາສາລາວມາກ່ອນ ເຊັ່ນ: ວິທະຍຸໂທຣະທັສ; ເຕິງແປງສີສັນ; ຕ່າງຮູ້ອະພັຍ; ວັທນະທັມ; ໂຮມຊາດໃນລັຖການ; ຮ່ວມມາຈະກິຈກັມ... (ຄຳທີ່ຂຽນເປັນຕົວຫນັງສືສີແດງ)ເຫລົ່ານີ້ເປັນຕົ້ນ.  ຂ້າພະເຈົ້າກໍ່ບໍ່ໄດ້ໃຊ້ພາສາລາວແບບທາງການມາຫລາຍປີແລ້ວ ກໍ່ເລີຍບໍ່ແນ່ໃຈວ່າ ຄຳເຫລົ່ານີ້ຄືຄຳໃຫມ່ທີ່ຫາກໍ່ນຳມາໃຊ້ໃນພາສາລາວຫລືບໍ່?  ດ້ວຍຄວາມຮູ້ຫນ້ອຍແລະບໍ່ກ້າທີ່ຈະຕໍ່ວ່າຜູ້ໃດ, ແຕ່ຢາກໃຫ້ທ່ານຜູ້ເຂົ້າໃຈໃນພາສາລາວ ຢ່າງແທ້ຈີງ ມາອະທິບາຍໃຫ້ຝັງແນ່ ວ່າແມ່ນຄຳເວົ້າພາສາລາວທີ່ປະກາດໃຫ້ໃຊ້ໃຫມ່ໃນ ສປປ ລາວ ຫລືບໍ?ເປັນຫຍັງຈື່ງສາມາດໃຊ້ໄດ້ແບບທາງການຂະຫນາດບໍ່ອາຍເດັກນ້ອຍປະຖົມແບບນີ້?(ຂໍຂອບໃຈຫລ່ວງຫນ້າ),  ເນື່ອງຈາກຂ້າພະເຈົ້າບໍ່ໄດ້ຢູ່ປະເທດລາວຈື່ງບໍ່ສາມາດໄປຊື້ ແຜ່ນຊີດີ ມາກວດສອບເບີ່ງວ່າ ໃນແຜ່ນຊີດີແມ່ນໄດ້ມີການຂຽນພາສາລາວແບບນີ້ແທ້ຫລືບໍ່?

       ຕາມຄວາມຮູ້ອັນຫນ້ອຍຂອງຂ້າພະເຈົ້າ ແມ່ນຂ້າພະເຈົ້າອ່ານບໍ່ອອກສຽງ  ບໍ່ຮູ້ຈະອ່ານແນວໃດ ສຽງໃດ?  ທີ່ຈົດຈື່ໄດ້ໃນໃຈແມ່ນ ຄູ-ອາຈານພາສາລາວບໍ່ເຄີຍສອນ ສະຫລະ  -ັສ;  -ັຍ; -ັຖ...ແບບນີ້

       ຖ້າຫາກແມ່ນການຂຽນຜິດຜາດ ແລ້ວເປັນຫຍັງເພງລະດັບຊາດຂະຫນາດນີ້ຍັງບໍ່ມີການກວດກາຈາກພະແນກໃດເລີຍບໍ?(ບ້ານເຮົາເຮັດບົດເພງລະດັບຊາດບໍ່ມີການກວດກາແທ້ບໍ?) ເປັນບົດເພງລະດັບຊາດ-ສາກົນ ແລ້ວພາສາລາວແທ້ໆ ຍັງຂຽນບໍ່ຖຶກຕ້ອງໄດ້ແນວໃດ ແຖມຍັງກ້າອັບໂຫລດໄປໄວ້ໃນເວັບລະດັບອີນເຕີ ອີກຈັ່ງແມ່ນຂາຍຫນ້າ ຄວາມຮັກຊາດຫມົດເລີຍ

ອັນນີ້ໃຫ້ຄົນລາວທີ່ມີຄວາມຮູ້ຫນ້ອຍຄືຂ້າພະເຈົ້າອ່ານ ແມ່ນຂໍບອກໄດ້ເລີຍວ່າ ຫມົດປັນຍາທີ່ຈະອ່ານໃຫ້ອອກສຽງແບບຄຳໃນພາສາລາວ...ຍິ່ງບໍ່ເວົ້າເລີຍໃຫ້ຄົນຕ່າງປະເທດທີ່ຮຽນພາສາລາວມາອ່ານ.  ທ່ານວ່າແມ່ນບໍ່?

ຈາກ ຂ້ອຍແມ່ນຄົນລາວ