Pasalao

ນັບແຕ່ຕົ້ນປີເປັນຕົ້ນມາອັດຕາເງິນເຟີ້ຂອງລາວໄດ້ຫລຸດລົງຢ່າງຕໍ່ເນື່ອງ ກ້າວໄປເຖິງເງິນຝາກຕິດລົບຄັ້ງທຳອິດໃນປະຫວັດສາດ ນັບແຕ່ ມີການຈັດດັດຊະນີເປັນຕົ້ນມາ ເມື່ອເງິນເຟີ້ໃນເດືອນເມສາ ຕິດລົບ ແລະ ຍັງສືບຕໍ່ຕິດລົບຈົນມາເຖິງເດືອນກັນຍາຜ່ານມາເຖິງ ມີຕົວເລກຫລຸດລົງຈາກເດືອນສິງຫາ ແຕ່ນັກເສດຖະສາດສະແດງຄວາມເປັນຫ່ວງຫາກຍັງສືບຕໍ່ແກ່ຍາວ

ອີງຕາມ ຂໍ້ມູນຂອງກົມນະໂຍບາຍເງິນຕາຈາກເວັບໄຊຂອງທະນາຄານແຫ່ງ ສປປ ລາວ ໃຫ້ຮູ້ວ່າ: ໃນເດືອນກັນຍາ ເງິນເຟີ້ຍັງສືບຕໍ່ຕິດ ລົບຢູ່ເຮັດໃຫ້ອັດຕາເງິນເຟີ້ຂອງລາວຕິດລົບເປັນເດືອນທີ ຕິດຕໍ່ກັນຫລັງຈາກທີ່ມີການຕິດລົບຄັ້ງປະຫວັດສາດໃນເດືອນເມສາ ດ້ວຍລະ ດັບຕິດລົບ ໃນເດືອນພຶດສະພາ ແລະສູງສຸດໃນເດືອນສິງຫາດ້ວຍລະດັບຕິດລົບ ກ່ອນ ຈະຫລຸດລົງມາຕິດລົບຢູ່ ໃນເດືອນກັນຍາທີ່ຜ່ານມານັກເສດຖະສາດ ຈາກສະຖາບັນຄົ້ນຄວ້າເສດຖະກິດແຫ່ງຊາດກະຊວງແຜນການ ແລະ ການລົງທຶນໄດ້ກ່າວເຖິງກໍລະນີເງິນເຟີ້ຕິດລົບ ວ່າ: ອັດຕາເງິນເຟີ້ຕິດລົບແມ່ນມີທັງສອງແງ່ທັງດ້ານບວກ ແລະ ດ້ານລົບ ໂດຍໃນດ້ານບວກນັ້ນລາຄາສິນຄ້າຈະຖືກລົງເຮັດໃຫ້ສັງຄົມ ມີຄວາມສາມາດຊື້ສິນຄ້າໄດ້ຫລາຍຂຶ້ນ ກົງກັນຂ້າມເງິນເຟີ້ຕິດລົບກໍ່ເປັນສັນຍານບໍ່ດີຕໍ່ການຜະລິດກໍ່ຄືຜູ້ຂາຍເພາະ ເມື່ອລາຄາຖືກຈະເຮັດ ໃຫ້ລາຍຮັບຕ່ຳລົງ ແລະ ບໍ່ເປັນການຊຸກຍູ້ສົ່ງເສີມການຜະລິດແນວໃດກໍ່ດີ ກໍ່ຄວນເບິ່ງປັດໄຈທີ່ເຮັດໃຫ້ເງິນເຟີ້ຕິດລົບນຳ ແຕ່ກໍ່ບໍ່ຄວນ ປ່ອຍໃຫ້ເງິນເຟີ້ຕິດລົບແກ່ຍາວ ເພາະຈະສ້າງຜົນເສຍຕໍ່ລະບົບເສດຖະກິດໄດ້