ຂ່າວ: ຄອນສະຫວັນ
ໂຄງການກໍ່ສ້າງຕະຫລາດຫລັກຊັບແຫ່ງ ສປປ ລາວ ໄດ້ຮັບການວາງສິລາລືກກໍ່ສ້າງອາຄານຢ່າງເປັນທາງການ, ເຊິ່ງອາຄານດັ່ງ ກ່າວແມ່ນສ່ວນຫນຶ່ງຂອງແຜນກະກຽມສ້າງຕັ້ງຕະຫລາດຫລັກຊັບ ແລະຈະໃຊ້ເວລາໃນການກໍ່ສ້າງຊ້າສຸດບໍ່ໃຫ້ກາຍເດືອນມິຖຸນາ 2010.
ພາຍຫລັງທີ່ໄດ້ມີການແຕ່ງຕັ້ງຄະນະຮັບຜິດຊອບກະກຽມສ້າງຕັ້ງຕະຫລາດຫລັກຊັບຂຶ້ນ ໃນວັນທີ 22 ມັງກອນ 2008 ເພື່ອກະກຽມ ປັດໄຈຕ່າງໆທີ່ຈຳເປັນສຳລັບການສ້າງຕັ້ງຕະຫລາດຫລັກຊັບເພື່ອຍູ້ແຮງວຽກງານໃຫ້ມີຄວາມພ້ອມສູງດັ່ງນັ້ນໃນວັນທີ 29 ກັນຍາ 2009 ຈິ່ງໄດ້ຈັດໃຫ້ມີພິທີວາງສິລາລືກການກໍ່ສ້າງອາຄານຕະຫລາດຫລັກຊັບຂຶ້ນທີ່ຖະຫນົນເຕ4 ບ້ານໂພນທັນເຫນືອເມືອງໄຊເສດຖາ ນະຄອນ ຫລວງວຽງຈັນ ກົງກັນຂ້າມກັບສູນການຄ້າລາວ-ໄອເຕັກ ໂດຍການເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະ ມົນຕີ, ຜູ້ປະຈຳການລັດຖະບານ, ປະທານຄະນະກຳມະການຄຸ້ມຄອງຫລັກຊັບ ແລະ ຕະຫລາດຫລັກຊັບ, ທ່ານ ພູເພັດ ຄຳພູນວົງ ຜູ້ ວ່າການທະນາຄານແຫ່ງ ສປປ ລາວ, ທັງເປັນປະທານຄະນະກຳມະການຄຸ້ມຄອງຫລັກຊັບ ແລະ ຕະຫລາດຫລັກຊັບແຫ່ງ ສປປ ລາວ ໂດຍມີບັນດາຄະນະກຳມະການຄຸ້ມຄອງຫລັກຊັບ ແລະ ຕະຫລາດຫລັກຊັບເຂົ້າຮ່ວມ.
ໃນພິທີດັ່ງກ່າວທາງຄະນະຮັບຜິດຊອບພິທີກໍ່ໄດ້ເຊີນທ່ານ ສົມສະຫວາດ ເລັ່ງສະຫວັດ ພ້ອມທັງຜູ້ນຳຂັ້ນສູງ, ໃຫ້ກຽດວາງສິລາລືກ, ຕັກຊາຍເງິນ ແລະ ຫີນຄຳລົງສິລາລືກ ພ້ອມທັງຕີຄ້ອງ 9 ບາດ ແລະ ປ່ອຍປຸ່ມເປົ້າ 99 ຫນ່ວຍ ແລະປູກຕົ້ນດອກຈຳປາໃນສະຖານທີ່ ດັ່ງກ່າວນຳອີກ.
Anonymous wrote:ຂໍອວ່ຍພອນໃຫ້ຣັດຖະບານລາວຈົ່ງຊື້ໄດ້ຂາຍໝານ ໃຫ້ໄດ້ກຳໄຣຫລາຍໆມາສ້າງໂຮງຮຽນ ໂຮງໝໍຢູ່ເມືອງດັກຈຶງດວ້ຍເຖີ້ນ.
ຂໍອວ່ຍພອນໃຫ້ຣັດຖະບານລາວຈົ່ງຊື້ໄດ້ຂາຍໝານ ໃຫ້ໄດ້ກຳໄຣຫລາຍໆມາສ້າງໂຮງຮຽນ ໂຮງໝໍຢູ່ເມືອງດັກຈຶງດວ້ຍເຖີ້ນ.
ທ່ານຢູ່ເມືອງດັກຈຶງບໍ? ເປັນແນວໃດ ໄດ້ຂ່າວວ່າຈະມີວິທະຍຸຊຸມຊົນໄປຕັ້ງຢູ່ຫັ້ນ?
Kino wrote:ຢາກໃຫ້ສ້າງຢູ່ເມືອງລາວຫລາຍກວ່າ Anonymous wrote:ຂໍອວ່ຍພອນໃຫ້ຣັດຖະບານລາວຈົ່ງຊື້ໄດ້ຂາຍໝານ ໃຫ້ໄດ້ກຳໄຣຫລາຍໆມາສ້າງໂຮງຮຽນ ໂຮງໝໍຢູ່ເມືອງດັກຈຶງດວ້ຍເຖີ້ນ.ທ່ານຢູ່ເມືອງດັກຈຶງບໍ? ເປັນແນວໃດ ໄດ້ຂ່າວວ່າຈະມີວິທະຍຸຊຸມຊົນໄປຕັ້ງຢູ່ຫັ້ນ?
