Pasalao

ຂ້ອຍໄດ້ມີໂອກາດເຂົ້າມາວຽງຈັນປີກາຍນີ້ແລະໄດ້ໄປເບິ່ງຮູບເງົາທີ່ ລາວໄອເຕັກ. ຫນັງທີ່ເບິ່ງມື້ນັ້ນເປັນຫນັງໄທ ມີສາກທີ່ ພະເອກ-ນາງເອກມີເພດສຳພັດກັນ ແລະ ມີຫລາຍສາກ ທີ່ມີການຕໍ່ສູ້ໃຊ້ອາວຸດ ຕັດຄໍກັນ... ສິ່ງເຫລົ່ານີ້ເປັນເລື່ອງທີ່ເຫັນເປັນປະຈຳໃນຫນັງ ແຕ່ສິ່ງທີ່ຂ້ອຍກັງວົນກໍ່ຄືວ່າ ຜູ້ຊົມໃນມື້ນັ້ນ ມີທັງເດັກນ້ອຍແລະຊາວຫນຸ່ມ ເຊິ່ງຫນັງປະເພດນີ້ບໍ່ເຫມາະສົມກັບໄວພວກເຂົາ. ຂ້ອຍເຊື່ອວ່າ ຫນັງທີ່ເອົາມາສາຍຢູ່ໂຮງຫນັງໄອເຕັກບໍ່ມີການຈັດປະເພດ (ສຳລັບຜູ້ຊົມທົ່ວໄປ, ຜູ້ໃຫຍ່...) ສະນັ້ນໃຜກໍ່ຕາມທີ່ມີເງິນຊື້ປີ້ກໍ່ສາມາດເຂົ້າເບິ່ງໄດ້.