Pasalao

ຂໍຕອບໃຫ້ຫາຍຂໍ້ຂ້ອງໃຈເດີ ທີ່ພະໄປສອນໃນໂຮງຮຽນນັ້ນເປັນການດີ ພະຢູ່ວັດບ້ານຂ້ອຍກໍໄປສອນ ອາຈານໃຫຍ່ສົ່ງເພີ່ນໄປແລະເພີ່ນກໍ່ສະຫມັກໃຈໄປດ້ວຍ ເພີ່ນບໍ່ມີເງີນເດືອນດອກ ເພີ່ນຢາກຊ່ວຍເດັກນ້ອຍລາວແລະ
ຢາກໃຫ້ເດັກນ້ອຍຮູ້ຈັກສາດສະຫນາຫລາຍຂື້ນ ພະສະໄຫມດຽວນີ້ມີຄວາມຮູ້ສູງໃດ ບາງອົງຈົບປະລຶນຍາໂທມາແຕ່
ອີນເດຍ ແລະພາສາອັງກິດກໍ່ເກ່ງ ເດັກນ້ອຍແຖວບ້ານ ເວົ້າໃຫ້ຟັງວ່າພະໄປສອນມວນຫຼາຍ ບໍ່ຢາກຂາດໂຮງຣຽນ
ຢາກໃຫ້ພະໄປສອນທຸກຊົ່ວໂມງຈະໄດ້ຟັງນິທານ

ທີ່ພະເພີ່ນໄປສອນນັ້ນ ມັນກໍ່ດີແລ້ວ ຖ້າເຮົາຫວນຄືນໄປໃນສະໃຫມອາດີດ ປະເທດເຮົາບໍ່ມີໂຮງຮຽນດອກ ໂຮງຮຽນແຕ່ກີ້ ກໍ່ແມ່ນວັດເປັນໂຮງຮຽນ ການທີ່ພະເພີ່ນໄປສອນນັກຮຽນກໍ່ເພາະວ່າ ເພີ່ນໄປສອນວິຊາສິລທັມ ເພາະຄູ ຫລື ອາຈານ ເພີ່ນກໍ່ຮູ້ແຕ່ທາງໂລກ ສ່ວນທາງທັມນັ້ນແມ່ນບໍ່ຄ່ອນຮູ້ບານໃດ ແລະ ການທີ່ພະເພີ່ນໄປສອນ ກໍ່ເປັນການດີ ຖືເປັນ ການສອນໃຫ້ພວກເຊົາວະຊົນໄດ້ເຂົ້າໃກ້ສາສນາ ເພາະສ່ວນຫລາຍແລ້ວ ຄົນລາວ ເຮົາບໍ່ຄ່ອຍໄດ້ເຂົ້າໃກ້ສາສນາ ສ່ວນຫລາຍແລ້ວແມ່ນ ຮູ້ຈັກແຕ່ປະເພນີ ແລະ ວັດທະນະທໍາ. ໃນໄລຍະ ຕົ້ນປີ 1990 ກໍ່ບໍ່ເຄີຍມີວິຊາສິລທັມ ແຕ່ຕົກມາໃນປະຈຸບັນນີ້ມີວິຊານີ້ ແລະ ແຖມພະເປັນຜູ່ສອນອີກ ກໍ່ຍີ່ງເປັນການດີ. ບໍ່ເປັນການຜິດເດີ້ ທີ່ທ່ານເຫັນພະໄປສອນຢູ່ໂຮງຮຽນ. ຢູ່ໃນພະໄຕປິດົກເພີ່ນກໍ່ບໍ່ໄດ້ຫ້າມໃຫ້ພະໄປສອນຢູ່ໂຮງຮຽນ.

ດີແລ້ວທີ່ມີພຣະເປັນຄຣູສອນ ເພາະຈະເຮັດນັກຮຽນໃດ້ມີຄວາມໃກ້ຊິດກັບສາສນາຫຼາຍຂື້ນ
ສໃໝທີ່ຂ້າພຣະເຈົ້າ ຮຽນຢູ່ປະຖົມກໍອາສັຍໃຕ້ລ່າງກຸຕິນີ້ແລ້ວເປັນໂຮງຮຽນ ໂດຍທີ່ມີ ພຣະ
ເຈົ້າອາວາທ ວັດເປັນຄຣູສອນ. ຈໍາໃດ້ດີວ່າທຸກໆເຊົ້າເພິ່ນຈະພາໃຫ້ວພຣະກ່ອນເລີ່ມຮຽນ
ແລະກໍມີ ວິຊາ ທັມມະຈະຣິຍາ ນໍາອີກ. ບໍ່ຣູ້ວ່າດ້ວຍເຫດຜົນໃດໃນຊ່ວງນຶ່ງກະຊວງສຶກສາ
ຈຶ່ງຕັດວິຊານີ້ອອກ ໂດຍນໍາເອົາວິຊາ ຄຸນສົມບັດສິນທໍາປະຕິວັດມາແທນ.

Anonymous wrote:

---

ຂ້ອຍຜູ່ນຶ່ງທີ່ເຄີຍເປັນນັກຮຽນຂອງໂຮງຮຽນອົງການພຸດທະສາດສະນາສໍາພັນ(ອສພ),
ເຫດຜົນທີ່ໄປຮຽນຢູ່ໂຮງຮຽນແຫ່ງນີ້ກໍ່ຍ້ອນຢາກຮຽນພາສາອັງກິດເພາະຢູ່ໃນໂຮງຮຽນ
ປະຖົມຂອງຫລວງເພິ່ນສອນແຕ່ພາສາຝຣັ່ງ. ຄຸນນະພາບຂອງນັກຮຽນທີ່ຈົບຈາກໂຮງຮຽນ ອສພ ສາມາດທຽບເທົ່າໄດ້ກັບພວກນັກຮຽນທີ່ຈົບຈາກໂຮງຮຽນເອກກະຊົນຕ່າງໆເຊັ່ນໂຮງຮຽນຄຸນແມ່ແລະໂຮງ
ຮຽນກວ໊ກບາວ.

---

- ແມ່ນແລ້ວ ນັບແຕ່ປີ 1900 ເປັນຕົ້ນມາ ຈົນຮອດປີ 1975 , ຂ້າຣາຊະການລາວ ທັງໝົດແມ່ນຮຽນຈົບຈາກໂຮງຮຽນສົງ ແລະໂຮງຮຽນວັດ ແລ້ວຈຶ່ງໄປຮຽນໃນໂຮງຮຽນວິຊາຊີບທາງນອກ ຫຼືຕ່າງປະເທດ.
- ນັບແຕ່ປີ 1975 ມາຮອດປັດຈຸບັນ ບັນດາພະນັກງານທີ່ມີຄຸນນະພາບລ້ວນແຕ່ຈົບ ໂຮງຮຽນທາງສົງກວມເອົາ 40-50 % ຂອງພະນັກງານລັດທັງໝົດ.