ຫລາຍຄົນຄົງຈະຄຸ້ນຫນ້າຄຸ້ນຕາກັບສາວ ແອນນີຕ້າ ພໍສົມຄວນກັບການຮັບຫນ້າທີ່ດຳເນີນລາຍການ "ໂທລະໂຄ່ງ" ທາງຊ່ອງລາວ ສະຕຣາແຊນແນວໃນປະຈຸບັນນີ້ນອກຈາກຈະເປັນພິທີກອນແລ້ວແອນນີຕ້າຍັງເຄີຍເດີນແບບໃຫ້ກັບຜະລິດຕະພັນເລັບລອນ REVLON, ນາງແບບຫນ້າປົກວາລະສານຕ່າງໆ, ນາງແບບໂຄສະນາລັກສ໌ LUX ແລະ ເມື່ອບໍດົນມານີ້ ແອນນີຕ້າ ກໍ່ສ້າງຄວາມແປກໃຫມ່ໃຫ້ກັບ ວົງການເພງ ໂດຍ ແອນນີຕ້າ ໄດ້ມີສ່ວນຮ່ວມຮ້ອງເພງ "ຊ໋ອກໂກແລັດ" ເຊິ່ງເປັນເພງປະກອບໂຄສະນານ້ຳຫອມແອັກ (AXE) ກິ່ນ ໃຫມ່ຫລ້າສຸດ (ໃນລາຍການໂທລະໂຄ່ງ)ໃນເພງນີ້ ແອນນີຕ້າໄດ້ໂຊສຽງຮ້ອງຫວານໆອອກແນວອອດອ້ອນປະສົມກັບຄວາມເຊັກຊີໂດຍ ຈະມີອີກ 2 ສີລະປິນດັງຈາກຄ້າຍອິນດີເຣັກຂອດຄືຫນຸ່ມແຊມເຈົ້າຂອງເພງ "ເປັນຫຍັງຕໍ່ກັນ" ແລະ ຫນຸ່ມແຂກຫນຶ່ງໃນສະມາຊິກວົງຮິບ ຮ໋ອບຊື່ດັງຂອງບ້ານເຮົາວົງ L.O.G ເຈົ້າຂອງເພງ "ຫວານຕົ້ນຈືດປາຍ" ຈິ່ງສົ່ງໃຫ້ເພງ "ຊ໋ອກໂກແລັດ" ກຳລັງໄຕ່ຂຶ້ນຊາທໃນຄື້ນວິທະ ຍຸໃນປະຈຸບັນນີ້.
ແອນນີຕ້າກ່າວວ່າ "ການຫັນມາຈັບໄມຮ້ອງເພງເທື່ອນີ້ ກໍ່ເປັນອີກບົດບາດຫນຶ່ງທີ່ທາງຜູ້ໃຫຍ່ (ອິນດີເຣັກຂອດ) ເພີ່ນໃຫ້ໂອກາດ ແອນນີຕ້າ ກໍ່ຈະຂໍເຮັດໃຫ້ ດີທີ່ສຸດແຕ່ໃນໃຈກໍ່ຄິດຢ້ານວ່າແຟນລາຍການຈະນຳເອົາຜົນງານເພງມາປຽບທຽບກັບຜົນງານພິທີກອນ ເຊິ່ງ ເປັນເລື່ອງທີ່ແອນນີຕ້າ ຮູ້ສຶກກັງວົນຄືກັນ. ແຕ່ຖ້າໃນອະນາຄົດ ແອນນີຕ້າໄດ້ເປັນສີລະປິນເຕັມຕົວແອນນີຕ້າ ກໍ່ຈະບໍ່ຖິ້ມງານພິທີກອນ ຢ່າງແນ່ນອນເພາະວ່າ ແອນນີຕ້າ ກ້າວເຂົ້າມາວົງການທຳອິດດ້ວຍບົດບາດພິທີກອນທີ່ເຮັດໃຫ້ທຸກຄົນໄດ້ຮູ້ຈັກແອນນີຕ້າ".
ເປັນຈັ່ງໃດແຟນລາຍການໂທລະໂຄ່ງຂອງສາວແອນນີຕ້າ ທີ່ຢືນຢັນວ່າຈະບໍ່ຖິ້ມງານພິທີກອນຢ່າງແນ່ນອນຄົງຈະຍິ້ມອອກແລ້ວແມ່ນ ບໍ່ແນວໃດກໍ່ດີກໍ່ຕ້ອງຕິດຕາມກັນຕໍ່ໄປ ສຳລັບຜົນງານເພງແຕ່ບໍ່ຕ້ອງລໍຖ້າ ທຸກຄົນສາມາດຕິດຕາມຊົມຜົນງານດ້ານການພິທີກອນຂອງ ສາວຄົນນີ້ ໄດ້ໃນລາຍການ "ໂທລະໂຄ່ງ" ເດີ້! Ecom
ນ້ອງຄົນນີ້ກະມີຊື່ລາວຢູ່ບໍ່ນໍ?ຈັ່ງໃດກໍຕາມ ການໄຊ້ຄວາມສາມາດໃນຫລາຍໆດ້ານ ມັນຈະເຮັດໃຫ້ເຮົາມີປະສົບປະການ ແລະ ສຫຼາດ!ຂ້ອຍຂໍສົ່ງເສີມເດີ້!
