Pasalao

   ພິທີປະກວດເພື່ອຊອກຫານາງສາວຂວັນໃຈທິໂກ2008(Tigo)ໃນຮອບສຸດທ້າຍໄດ້ຈັດຂຶ້ນໃນຕອນຄ່ຳຂອງວັນທີ 27 ທັນວາ 2008 ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ, ໂດຍມີຄະນະກຳມະການຕັດສິນເພື່ອຄັດເລືອກເອົານາງສາວຂວັນໃຈ Tigo 2008 ຈຳນວນ 7 ທ່ານ ເຂົ້າຮ່ວມໂດຍມີມ່ວນຊົນເຂົ້າຊົມ ແລະ ໃຫ້ກຳລັງໃຈຫລາຍຮ້ອຍຄົນ. ການປະກວດນາງສາວຂວັນໃຈ Tigo ໃນຄັ້ງນີ້ ແມ່ນເພື່ອເປັນການຄົ້ນຫາສາວລາວ ຍຸກໃຫມ່ທີ່ມີຄວາມສາມາດ, ກ້າສະແດງອອກ ແລະ ເພື່ອເປັນການສົ່ງເສີມການໃຊ້ເວລາວ່າງຂອງ ໄວຫນຸ່ມໃຫ້ເປັນປະໂຫຍດ.

   ສຳລັບການຄັດເລືອກໄດ້ຈັດອອກເປັນ 3ຮອບຄື: ຮອບທີ 1 ໄດ້ຄັດເລືອກເອົາ 120ຮູບຂອງຈຳນວນຮູບທັງຫມົດທີ່ສົ່ງເຂົ້າປະກວດ; ຮອບທີ 2 ແມ່ນຄັດເລືອກເອົາ 20 ຮູບ ເພື່ອຄັດເລືອກຮອບທີສອງ ໂດຍການເຊີນນາງສາວມາເບິ່ງຕົວ ແລະ ໃຫ້ສຳພາດເບິ່ງຄວາມສາ ມາດແລ້ວ ໄດ້ປະກາດເອົາຜູ້ທີ່ໄດ້ຜ່ານເຂົ້າຮອບ 12 ຄົນສຸດທ້າຍເຂົ້າຮ່ວມກິດຈະກຳຕ່າງໆກັບໂຄງການ. ສ່ວນຮອບທີ 3 ຄັດເລືອກໃນ 12 ຄົນສຸດທ້າຍເອົາເປັນນາງສາວຂວັນໃຈ Tigo 2008(Model Contest 2008). ວິທີການຄັດເລືອກແມ່ນສັງລວມເອົາຂໍ້ມູນຈາກແຕ່ ລະຂັ້ນມາປະເມີນ ເຊິ່ງໄດ້ອີງໃສ່ມາດຕະຖານ ແລະ ຄຸນສົມບັດຫລາຍດ້ານໃນທີ່ສຸດຄະນະກຳມະການກໍ່ໄດ້ຕັດສິນ ເລືອກເອົານາງສາວ ອາພາພອນກວາລີວົງ ຫລື K12 ອາຍຸ 15 ປີ ນັກຮຽນຊັ້ນມ.3 ໂຮງຮຽນມັດທະຍົມນິຍາດາ ບ້ານສີສະຫວາດເມືອງຈັນທະບູລີນະຄອນ ຫລວງວຽງຈັນ ໄດ້ຮັບຕຳແຫນ່ງນາງສາວຂວັນໃຈ Tigo ປະຈຳປີ 2008 ເຊິ່ງໄດ້ຮັບໂລ້ກຽດຕິຍົດລວມເຖິງຂອງລາງວັນຕ່າງໆລວມມູນ ຄ່າ 11.500.000 ກີບ ພ້ອມທັງເປັນສະມາຊິກຂອງວາລະສານຂວັນໃຈເປັນເວລາ 1 ປີ.

   ນອກຈາກລາງວັນດັ່ງກ່າວແລ້ວ ຍັງມີລາງວັນນາງສາວຂວັນໃຈພອນສະຫວັນຕົກເປັນຂອງນາງສາວອໍລະດີ ແສງຄຳຢອງ ຫລື K5, ລາງວັນຂວັນໃຈມິດຕະພາບຕົກເປັນຂອງນາງສຸດາວອນພົມມະກອນ ຫລື K 6, ລາງວັນຂວັນໃຈຊ່າງພາບ ແມ່ນນາງສາວເກວອນ ວັນ ຊຳ ຫລື K2 ເຊິ່ງທັງຫມົດ ໄດ້ຮັບກິບເຊັດ ແລະ ຂອງລາງວັນຕ່າງໆລວມມູນຄ່າ 2 ລ້ານກີບ ພ້ອມທັງເປັນສະມາຊິກຂອງວາລະສານ ຂວັນໃຈ 1 ປີ. ດ້ານລາງວັນຂວັນໃຈປະຊາຊົນຕົກເປັນຂອງນາງສາວ ວິນາ ຈະພະນາ ຫລື K 11 ໄດ້ຮັບກິບເຊັດ ແລະຂອງລາງວັນ ຕ່າງໆລວມມູນຄ່າ 7 ລ້ານກີບ ພ້ອມທັງເປັນສະມາຊິກຂອງວາລະສານຂວັນໃຈ 1 ປີ.