2 ຫຶງ ແລະ ຫວງແບບບໍ່ມີຂອບເຂດ: ເລື່ອງຄວາມຫຶງ, ຄວາມຫວງເປັນເລື່ອງທຳມະດາຢູ່ແລ້ວສຳລັບຄົນທີ່ເປັນຄູ່ຮັກກັນ ແຕ່ທ່ານ ກໍ່ຄວນຫຶງ ແລະ ຫວງແບບມີຂີດຈຳກັດ ແລະ ກໍ່ຕ້ອງເຂົ້າໃຈນິດໄສຂອງຄົນທີ່ທ່ານຮັກໃຫ້ຫລາຍນຳອີກ.
3. ບອກເລີກທຸກຄັ້ງທີ່ຜິດຖຽງກັນ: ຂໍ້ນີ້ສ່ວນຫລາຍແມ່ນຈະເກີດກັບຝ່າຍຍິງຫລາຍກວ່າແຕ່ຄວາມຈິງແລ້ວກໍ່ເວົ້າໄປພຽງເພື່ອຢາກໃຫ້ ຄົນຮັກຂອງຕົນມາງໍ້, ມາຂໍຄືນດີເທົ່ານັ້ນ (ວິທີນີ້ອາດຈະໃຊ້ໄດ້ໃນຄັ້ງທຳອິດເທົ່ານັ້ນ, ແຕ່ຖ້າເກີດບັນຫາແບບນີ້ເລື້ອຍໆອາດຈະເລີກກັນ ເລີຍກໍ່ເປັນໄດ້).
4. ເຊື່ອຄຳເວົ້າຂອງຫມູ່ຫລາຍເກີນໄປ: ບາງຄັ້ງຫມູ່ຂອງເຮົາກໍ່ບໍ່ຢາກໃຫ້ເຮົາມີຄົນຮັກເພາະວ່າຈາກທີ່ເຄີຍເຈີຫນ້າ, ເຫັນກັນທຸກໆມື້, ໄປຫລິ້ນໄປກິນນຳກັນຕະຫລອດແຕ່ຫລັງຈາກທີ່ມີຄົນຮັກແລ້ວກໍ່ບໍ່ຄ່ອຍໄດ້ເຫັນຫນ້າກັນເລີຍຍ້ອນວ່າຫມູ່ກັບໄປຢູ່ກັບຄົນຮັກຫລາຍກວ່າ.
5. ນັດແລ້ວບໍ່ໄປຕາມນັດ: ການເລື່ອນນັດແບບເລື່ອນແລ້ວເລື່ອນອີກ ຫລື ວ່າມາຊ້າແບບວ່ານັດຕອນສວາຍພັດມາຕອນແລງໆເປັນ ຕົ້ນ....ອາການແບບນີ້ ບາງຄົນອາດຈະທົນລໍຖ້າໄດ້ ແຕ່ກັບບາງຄົນຖ້າດົນໆຫລາຍເທື່ອກໍ່ອາດຈະທົນບໍ່ໄດ້ເຖິງຂັ້ນເລີກກັນເລີຍກໍ່ມີ.
6. ຂີ້ຕົວະ: ຂີ້ຕົວະເປັນນິດໄສ ທັງໆທີ່ບາງຄັ້ງກໍ່ອາດຈະບໍ່ໄດ້ຕັ້ງໃຈ ແຕ່ຖ້າອີກຝ່າຍເຂົ້າໃຈກໍ່ອາດຈະບໍ່ເປັນຫຍັງແຕ່ເລື່ອງແບບນີ້ ແມ່ນມີຫນ້ອຍຄົນທີ່ຈະສາມາດເຂົ້າໃຈໄດ້.
7. ເວົ້າແບບບໍ່ໃຫ້ກຽດກັນ ເວລາຢູ່ຕໍ່ຫນ້າຄົນອື່ນ: ອາດຈະພຽງແຕ່ເປັນການເວົ້າຢອກກັນຫລິ້ນໆແຕ່ອາດຈະໃຊ້ຄຳເວົ້າທີ່ຮຸນແຮງ ເກີນໄປ ແລະ ອາດຈະກໍ່ໃຫ້ເກີດການຜິດຖຽງກັນເຊິ່ງສິ່ງນັ້ນກໍ່ ແມ່ນສາເຫດນ້ອຍໆແຕ່ອາດຈະນຳໄປສູ່ການບອກເລີກກັນກໍ່ເປັນໄປໄດ້.
ຮູ້ແບບນີ້ແລ້ວທ່ານກໍ່ລອງປັບປ່ຽນນິດໄສໃຫ້ເຂົ້າກັບຄົນຮັກຂອງທ່ານເພື່ອບໍ່ໃຫ້ເກີດບັນຫາຂຶ້ນມາຕາມຫລັງ.
Oishi
