ມາຮອດປະຈຸບັນນີ້ ຄະນະກຳມະການຈັດງານມະຫະກຳກິລາຊີເກມຄັ້ງທີ XXV ປີ 2009 ໄດ້ກະກຽມພິທີຖະແຫລງຂ່າວການຈັດງານເພື່ອເປັນການເປີດຕົວສັນຍາລັກການແຂ່ງຂັນມາດ ສະຄອດ ແລະ ສັນຍາລັກປະເພດກິລາຕ່າງໆ ໃນທ້າຍປີ 2008 ນີ້ ໂດຍໄດ້ກຳນົດເອົາໂມງ ໃຫຍ່ເປັນຈຸດຫມູນຄືນ ໄປສູ່ມະຫະກຳກິລາຊີເກມເອີ້ນວ່າ: "ນັບຖອຍຫລັງໂມງໃຫຍ່ກ້າວໄປ ສູ່ມະຫະກຳກິລາຊີເກມທີ່ ຈະໄດ້ກຳນົດຈັດຂຶ້ນຢູ່ທີ່ສວນສາທາລະນະປະຕູໄຊ ນະຄອນຫລວງ ວຽງຈັນ. ຕາມການລາຍງານຂອງທ່ານ ຄຳມຸຍ ແກ້ວມະນີ ຜູ້ອຳນວຍການ ບໍລິສັດເພັດຈຳປາແອັດ ເວີທາຍຊິງ ຈຳກັດ, ຜູ້ຮັບຜິດຊອບປະກວດນາງສາວຊີເກມຄັ້ງທີ XXV ວ່າ: ພິທີເປີດຕົວສັນ ຍາລັກປະເພດຕ່າງໆຂອງງານມະຫະກຳກິລາຊີເກມຄັ້ງທີ XXV ປີ 2009 ນີ້ຈະຈັດຂຶ້ນໃນວັນ ທີ 31 ທັນວາ 2008 ທີ່ສວນສາທາລະນະປະຕູໄຊ ເຊິ່ງມີ 3 ຈຸດປະສົງທີ່ໃຫຍ່ໆຄື: ຈະເປັນ ການສະແດງນາງສາວຊີເກມທີ່ໄດ້ຄັດເລືອກລວມ 100 ຄົນ ເປັນພິທີນັບຖອຍຫລັງໂມງໃຫຍ່ ສູ່ຊີເກມ ແລະ ການສະເຫລີມສະຫລອງຂ່ຳນັບຮັບຕ້ອນປີໃຫມ່ສາກົນ. ໃນໂອກາດດັ່ງກ່າວນີ້ ແມ່ນຈະໄດ້ເປັນການສະຫລອງຢ່າງໃຫຍ່. ມີການສ້າງຂະບວນຄວາມມ່ວນຊື່ນ ແລະ ຈະໄດ້ມີ ການປະດັບປະດາສວນສາທາລະນະ, ສ່ວນໃນຕອນຄ່ຳຂອງວັນດັ່ງກ່າວ ຈະໄດ້ປະກອບໄຟ ແສງສີທົດລອງ, ນອກນີ້ ແລ້ວຍັງຈະໄດ້ມີການຖ່າຍທອດສົດທາງໂທລະພາບອີກດ້ວຍ ເພື່ອ ເຮັດໃຫ້ປວງຊົນລາວທັງຊາດໄດ້ຮັບຮູ້.
