Pasalao

Members Login
Username 
 
Password 
    Remember Me  
Samakomlao -> Pasalao -> Pasalao -> ລາວຈະເລີ້ມໃຊ້ ໂທລະສັບມືຖື 3G ລະເດີ້ !
Post Info TOPIC: ລາວຈະເລີ້ມໃຊ້ ໂທລະສັບມືຖື 3G ລະເດີ້ !
samakomlao


Senior Member

Status: Offline
Posts: 428
Date:
ລາວຈະເລີ້ມໃຊ້ ໂທລະສັບມືຖື 3G ລະເດີ້ !
Permalink  



(Ecom) ຫລາຍທ່ານອາດ ເຄີຍຄິດວ່າ ລົມໂທລະສັບ ແລ້ວເຫັນຫນ້າປາກົດຢູ່ຈໍພ້ອມຄົງຈະດີ; ຕໍ່ ໄປນີ້ ສິ່ງທີ່ທ່ານຄິດນັ້ນຈະເປັນຄວາມຈິງແລ້ວ ເມື່ອລາວໂທລະຄົມ ໄດ້ຕັດສິນໃຈນຳເອົາເຕັກ ໂນໂລຊີໂທລະສັບມືຖື 3ຈີ (3G) ມາຮັບໃຊ້ສັງຄົມ ແລະ ພ້ອມທີ່ຈະເປີດບໍລິການໃນວັນທີ 8 ສິງຫາ 2008.
   ຫນັງສືພິມເສດຖະກິດ-ສັງຄົມເຄີຍສະເຫນີຂ່າວກ່ຽວກັບການກະກຽມໃຫ້ບໍລິການ 3ຈີຂອງ ລາວໂທລະຄົມ ເຊິ່ງຫລາຍທ່ານກໍ່ຄົງຈະຄອງຄອຍວ່າເມື່ອໃດຈະໃຫ້ບໍລິການໄດ້ແທ້. ຫລ້າສຸດ ທ່ານ ຫຸມພັນ ອິນທິລາດ ຜູ້ອຳນວຍການໃຫຍ່ລາວໂທລະຄົມ ໄດ້ໃຫ້ສຳພາດກັບຫນັງສືພິມ ເສດຖະກິດ-ສັງຄົມເຖິງຄວາມພ້ອມໃນການເປີດໃຫ້ບໍລິການຮັບໃຊ້ສັງຄົມວ່າ: ຫລັງຈາກທີ່ໄດ້ ກຽມມາດົນກ່ຽວກັບ ການເປີດໃຫ້ບໍລິການ 3 ຈີ ເພື່ອເຮັດໃຫ້ລະບົບການສື່ສານຂອງປະເທດ ລາວກ້າວຫນ້າທັນກັບຍຸກສະໄຫມໄປອີກກ້າວຫນຶ່ງ; ມາຮອດປະຈຸບັນ ພາຍຫລັງທີ່ໄດທຳການ ທົດລອງຕະຫລອດເດືອນກໍລະກົດຜ່ານມາ ພວກເຮົາພ້ອມແລ້ວ ທີ່ຈະເປີດໃຫ້ບໍລິການລະບົບ 3 ຈີ ເຊິ່ງເປັນອີກຫນຶ່ງຮູບແບບບໍລິການທີ່ທັນສະໄຫມໃນວັນທີ 8 ສິງຫາ 2008 ຈະມາເຖິງ ນີ້.
   ການເປີດນຳໃຊ້ 3ຈີຈະເຮັດໃຫ້ລູກຄ້າໄດ້ຮັບການບໍລິການສັນຍານສຽງ, ສາມາດເຂົ້າອິນ ເຕີເນັດ, ໂທລະສັບທີ່ສາມາດເຫັນກັນໄດ້, ຂໍ້ຄວາມ (ສາມາດ, ກວດສອບ Inquiry, ກິລາ, ຂ່າວເດັ່ນຕ່າງໆ, ຫວຍ, ເບິ່ງດວງຊະຕາ) ແລະ ມັນຕິມີເດຍເຊິ່ງຜູ້ຊົມໃຊ້ສາມາດດາວໂຫລດ ພາບ, ພາບເຄື່ອນໄຫວເຊັ່ນ: ຄລິບວິດິໂອ, ຮູບເງົາ ແລະ ເກມ.
   ການລົງທຶນໃຫ້ບໍລິການນີ້ ສະພາບໍລິຫານໄດ້ອະນຸມັດງົບປະມານເຂົ້າໃສ່ແຜນການໄລຍະ ທຳອິດ ຈຳນວນ 2 ລ້ານໂດລາສະຫະລັດ ເພື່ອຂະຫຍາຍການບໍລິການ 3 ຈີ ກວມເອົາທຸກ ແຂວງຂອງປະເທດ. ໄລຍະທຳອິດການບໍລິການຈະກວມເອົາພຽງ ນະຄອນຫລວງວຽງຈັນ ມີ 20 ເສົາສັນຍານ. ຫລັງຈາກນັ້ນ ຈະຂະຫຍາຍໄປແຂວງຫລວງພະບາງ, ສະຫວັນນະເຂດ, ຄຳມ່ວນ ແລະ ຈຳປາສັກ ຕໍ່ຈາກນັ້ນ ກໍ່ຈະໃຫ້ກວມເອົາທົ່ວທຸກແຂວງຂອງປະເທດພາຍໃນປີ ນີ້.
   ເມື່ອເວົ້າເຖິງດ້ານເສດຖະກິດ, ທ່ານ ຫຸມພັນ ຊີ້ວ່າ: ຢູ່ສະຫະລັດອາເມລິກາ ພາຍຫລັງທີ່ ເປີດບໍລິການໄດ້ໃຫ້ຜົນຕອບແທນທາງດ້ານທຸລະກິດເພີ່ມຂຶ້ນເຖິງ 50%, ສ່ວນທີ່ປະເທດຍີ່ປຸ່ນ 30%. ດັ່ງນັ້ນຄາດວ່າຈະສົ່ງຜົນໃຫ້ລາຍໄດ້ຂອງລາວໂທລະຄົມເພີ່ມຂຶ້ນປະມານ 10%. ເມື່ອ ເບິ່ງທາງດ້ານລູກຄ້າແລ້ວ ກໍ່ຄາດວ່າຈະຊ່ວຍຍູ້ຫນູນສັງຄົມໃຫ້ຄວາມສົນໃຈຫລາຍຂຶ້ນ ໂດຍ ໄດ້ສັ່ງຊິມໃຫມ່ເຂົ້າມາເຖິງ 10.000 ເພື່ອຮອງຮັບໃຫ້ແກ່ການຕອບຮັບຈາກສັງຄົມ; ຢ່າງໃດກໍ່ ຕາມ ໃນໄລຍະທົດລອງຈະຕ້ອງໄດ້ນຳໃຊ້ຊິມໃຫມ່ເລກຫມາຍໃຫມ່ ສ່ວນໄລຍະເປີດບໍລິການ ຈະສາມາດນຳໃຊ້ເລກຫມາຍເກົ່າກັບຊິມໃຫມ່ ໂດຍໄດ້ເພີ່ມຄວາມຈຸຂອງຊິມຈາກ 32 ເຄເປັນ 64 ເຄ. ສ່ວນອັດຕາຄ່າບໍລິການຕ່າງໆຄົງຈະບໍ່ເກີນ 1.000 ກີບຕໍ່ຄັ້ງ ຫລື ນາທີ, ໃນຂະນະ ທີ່ຊິມໃຫມ່ເລກຫມາຍໃຫມ່ນັ້ນກໍ່ຈະມີລາຄາສູງກວ່າຊິມເກົ່າເລັກຫນ້ອຍ.
   ການເປີດໃຫ້ບໍລິການ 3 ຈີ ຂອງລາວໂທລະຄົມ ເຮັດໃຫ້ປະເທດລາວ ກາຍເປັນປະເທດ ທີ 145ຂອງໂລກທີ່ນຳໃຊ້ລະບົບດັ່ງກ່າວ, ມີ 465 ຜູ້ໃຫ້ບໍລິການມີຜູ້ຊົມໃຊ້ແລ້ວ 625 ລ້ານ ຄົນ (ບໍ່ນັບລາວ) ໃນນີ້ ມີ 128 ລ້ານຄົນນຳໃຊ້ EVDO ຫລື High Speed Package Access ເອີ້ນວ່າ (HSPA).

__________________
Anonymous

Date:
Permalink  

ຖ້າໄດ້ຂຶ້ນໄປປາກເຊຈະເອົາມືຖືໄປອັບເກດເອົາ 3 ຈີມາລອງໃຊ້ ຖ້າເພິ່ນໃຫ້ອັບຟຣີ.



__________________
Anonymous

Date:
Permalink  

ຂ່າວແຕ່ ປີໃດເດ 



__________________
Anonymous

Date:
Permalink  

Anonymous wrote:

ຂ່າວແຕ່ ປີໃດເດ 

 ທ່ານ webmaster ສະລະເວລາໄປຊອກຂ່າວມາໃຫ້ອ່ານແລະສົນທະນາ ແຕ່ບໍ່ມີໃຜອອກຄຳເຫັນ

ຂ້ອຍເລີຍຄົ້ນຂຶ້ນມາຕອບ ບາງທີອາດຈະໄດ້ໃບຍ້ອງຍໍໄປແລກປີ້ງໄກ່ນາປົ່ງ.



__________________
Page 1 of 1  sorted by
Quick Reply

Please log in to post quick replies.
Samakomlao -> Pasalao -> Pasalao -> ລາວຈະເລີ້ມໃຊ້ ໂທລະສັບມືຖື 3G ລະເດີ້ !


Create your own FREE Forum
Report Abuse 		Powered by ActiveBoard