Pasalao

Members Login

Post Info

TOPIC: 3ນັກຮຽນເກັ່ງ ທີ່ຈະໄປຮຽນເກົາຫຼີ (photo)

samakomlao

Senior Member

Status: Offline

Posts: 428

Date: Jun 13, 2008

3ນັກຮຽນເກັ່ງ ທີ່ຈະໄປຮຽນເກົາຫຼີ (photo)	Permalink

(Ecom) ລັດຖະບານສາທາລະນະລັດເກົາຫລີ ໄດ້ມອບທຶນການສຶກສາ ໃຫ້ນັກຮຽນລາວຈຳນວນ 3 ຄົນເພື່ອໄປສຶກສາຕໍ່ປະເທດຂອງຕົນຂັ້ນປະລິນຍາຕີ ເຊິ່ງຈະເລີ່ມຮຽນໃນເດືອນກໍລະກົດນີ້ເປັນ ໄລຍະ 5 ປີ ລວມທັງຫລັກສູດຮຽນພາສາເກົາຫລີ 8 ເດືອນ ຈະອອກເດີນທາງ ໃນວັນທີ 24 ມິຖຸນາ 2008 ນີ້. ນັກຮຽນທັງ 3 ຄົນ ດັ່ງກ່າວ ແມ່ນໄດ້ຮັບການຄັດເລືອກຈາກກະຊວງສຶກສາທິການ ແລະ ລັດຖະບານ ສ.ເກົາຫລີ ແລະ ຈະໃຫ້ການຊ່ວຍເຫລືອລວມ ທັງຄ່າເດີນທາງ, ຄ່າຮຽນ ແລະ ຄ່າໃຊ້ຈ່າຍທີ່ຈຳເປັນຕ່າງໆ. ທ່ານເອກອັກຄະລັດຖະທູດ ສ. ເກົາຫລີ ປາກແຈຮັນ (Park Jae hyun)ໄດ້ພົບກັບນັກ ສຶກສາທັງ 3 ໃນວັນທີ 12 ມິຖຸນາ 2008 ແລະ ໄດ້ກ່າວວ່າ: ທຶນຊ່ວຍເຫລືອດັ່ງກ່າວ ແມ່ນ ຈະສ້າງໂອກາດ ໃຫ້ນັກຮຽນລາວໄດ້ຮັບການສຶກສາຂັ້ນສູງ. ນອກຈາກນີ້ ຍັງຊ່ວຍໃຫ້ນັກຮຽນ ເຂົ້າໃຈເລິກເຊິ່ງກ່ຽວກັບວັດທະນະທຳ ແລະ ວິຖີຊີວິດການເປັນຢູ່ຂອງ ສ.ເກົາຫລີ ຂ້າພະເຈົ້າ ຫວັງວ່າການແລກປ່ຽນທຳນອງນີ້ຈະເປັນປັດໄຈພື້ນຖານໃຫ້ແກ່ ການເສີມສ້າງສັນທະວະໄມຕີ ລະຫວ່າງສາທາລະນະລັດເກົາຫລີ ແລະສາທາລະນະລັດ ປະຊາທິປະໄຕ ປະຊາຊົນລາວ. ນັກຮຽນທີ່ໄດ້ຮັບທຶນການສຶກສາ ດັ່ງກ່າວປະກອບມີ 3 ຄົນຄື: ນາງ ລັດຕະນະພອນ ວັນ ນະສຸກ ບ້ານຄຳຮຸ່ງ ເມືອງໄຊທານີ ນະຄອນຫລວງວຽງຈັນ ນັກສຶກສາປີທີ 2 ຄະນະເສດຖະ ສາດ ແລະ ບໍລິຫານທຸລະກິດມະຫາວິທະຍາໄລແຫ່ງຊາດ ໄດ້ເວົ້າວ່າ: "ນີ້ແມ່ນຄວາມໄຝ່ຝັນ ທີ່ໄດ້ມີໂອກາດໄປສຶກສາຢູ່ ສ.ເກົາຫລີ ແລະ ຫວັງວ່າ ຈະສາມາດນຳໃຊ້ຄວາມຮູ້ທີ່ໄດ້ຮຽນມາ ເພື່ອພັດທະນາວຽກງານດ້ານການທ່ອງທ່ຽວ ແລະການບໍລິຫານໂຮງແຮມໃນປະເທດຂອງຕົນ. ເພາະວ່າຕົນເອງຕ້ອງການທີ່ຈະຮຽນຕໍ່ໃນດ້ານນີ້", ທ້າວ ແສງ ພຣະຈັນ ພຣະກອງຄຳ ອາຍຸ 18 ປີ ບ້ານວັດນາກ ເມືອງສີສັດຕະນາກ ນະຄອນຫລວງວຽງຈັນ ເປັນນັກສຶກສາປີທີ 1 ໃນ ຂະແຫນງວິສະວະກຳສິ່ງແວດລ້ອມ ວິທະຍາເຂດໂສກປ່າຫລວງ ໄດ້ກ່າວວ່າ: "ຕົນເອງແມ່ນ ຈະໄປສຶກສາຕໍ່ໃນຂະແຫນງການທີ່ຕົນເອງພວມສຶກສາຢູ່ທີ່ ຄວສ ແລະ ກໍ່ຮູ້ສຶກດີໃຈຫລາຍທີ່ ໄດ້ຮັບທຶນການສຶກສາດັ່ງກ່າວ, ຕົນເອງກໍ່ຈະພະຍາຍາມສຸມທຸກຄວາມສາມາດເຂົ້າໃນການສຶກ ສາຮ່ຳຮຽນໃນຂະແຫນງການດັ່ງກ່າວ"; ທ້າວ ທະນົງສັກ ພິລາເກດ ອາຍຸ 17 ປີ ບ້ານສີມົງ ຄຸນເມືອງ ແລະ ແຂວງໄຊຍະບູລີ ນັກສຶກສາປີທີ 1 ຄະນະວິສະວະກຳສາດ ຂະແຫນງວິສະ ວະກຳໄຟຟ້າວິທະຍາເຂດໂສກປ່າຫລວງ ໄດ້ກ່າວວ່າ: "ສິ່ງທີ່ຕ້ອງການໄປຮຽນຕໍ່ ກໍ່ຄືວິສະວະ ກຳໄຟຟ້າ ເພາະຢູ່ທີ່ປະເທດເຮົາຍັງມີຄວາມຕ້ອງການຫລາຍສຳລັບການທີ່ໄດ້ໄປສຶກສາຢູ່ ສ. ເກົາຫລີ ນັ້ນມັນແມ່ນຄວາມໄຝ່ຝັນມາແຕ່ຍັງນ້ອຍ ເພາະທີ່ນັ້ນມີເຕັກໂນໂລຊີທີ່ສູງ". ສຳລັບທຶນການສຶກສາດັ່ງກ່າວ ແມ່ນໄດ້ຮັບເອົານັກສຶກສາຫລາຍກວ່າ 200 ຄົນຈາກ 80 ປະເທດທົ່ວໂລກ ພາຍໃຕ້ການອຸປະຖຳຂອງສະຖາບັນພັດທະນາການສຶກສາສາ ກົນແຫ່ງຊາດເກົາຫລີ (The National Institute for International Education Deve- lopment). __________________

Anonymous

Date: Feb 23, 2014

	Permalink
ຫລັງຈາກຈົບການສຶກສາກັບມາປະກອບສ່ວນໃນວຽກງານຕົວຈິງແລ້ວ, ເຂົາເຈົ້າພົບຂໍ້ສະດວກ ແລະຂໍ້ຫຍຸ້ງຍາກແນວໃດແດ່? __________________

Page 1 of 1 sorted by

Create your own FREE Forum
Report Abuse