ຫວ່ອງ ກວງຫລຽງ (Wong Guang Liang) ຫລື ເປັນທີ່ຮູ້ຈັກກັນດີໃນຊື່ໄມເຄິລ ຫວ່ອງ ນັກຮ້ອງ, ນັກແຕ່ງເພງ ຊື່ດັງຊາວມາເລເຊຍ ເຊື້ອສາຍຈີນ. ຫນຸ່ມຄົນນີ້ໄດ້ຮັບລາງວັນສຳລັບ ຜົນງານດ້ານດົນຕີເຖິງ 44 ລາງວັນ, ກຳລັງເປັນທີ່ຮູ້ຈັກ ແລະໄດ້ຮັບຄວາມສົນໃຈຫລາຍຂຶ້ນ ເລື້ອຍໆ. ເຂົາໄດ້ເດີນທາງມາຢ້ຽມຢາມ ສປປ ລາວ ເພື່ອຢ້ຽມຊົມໂຄງການ ພັດທະນາຕ່າງໆ ໃນແຂວງຄຳມ່ວນ ແລະ ແຂວງສະຫວັນນະເຂດລະຫວ່າງວັນທີ 1014 ມິຖຸນາ 2008 ນີ້. ໃນຖານະທູດສັນທະວະໄມຕີຂອງອົງການເວີລ ວິຊັນ (World Vision) ໃນມາເລເຊຍ. ລະຫວ່າງການມາຢ້ຽມຢາມໃນເວລາ 5 ມື້ນີ້ ຫວ່ອງ ກວງຫລຽງຈະເດີນທາງໄປບ້ານຕ່າງ ໆທີ່ທຸກຍາກແຖບຊົນນະບົດຂອງທັງ 2 ແຂວງໃນລາວ ເພື່ອພົບປະກັບເດັກນ້ອຍ ແລະຄອບ ຄົວທີ່ທຸກຍາກຂາດເຂີນ ເພື່ອເບິ່ງວ່າ ຈະສາມາດຊ່ວຍເຫລືອຜູ້ຄົນເຫລົ່ານັ້ນໄດ້ແບບໃດ. ນັກ ຮ້ອງຫນຸ່ມມີກຳນົດໄປຢ້ຽມຊົມ ໂຄງການທີ່ຫນ້າສົນໃຈອື່ນໆຂອງລາວ ທີ່ປະສົບຄວາມສຳເລັດ ການພັດທະນາສັງຄົມນຳ. ຫລັງຈາກເດີນທາງສຶກສາໂຄງການພັດທະນາຕ່າງໆໃນລາວແລ້ວ ຫວ່ອງ ກວງຫລຽງຈະ ເດີນທາງກັບມາເລເຊຍ ເພື່ອຊ່ວຍສ້າງໃຫ້ເຫັນເຖິງຄວາມສຳຄັນ ແລະ ຊ່ວຍກະຕຸ້ນໃຫ້ຜູ້ຄົນ ຮ່ວມກັນຕໍ່ສູ້ກັບຄວາມທຸກຍາກໃນຫລາຍໆປະເທດຕໍ່ໄປ. ນອກຈາກນີ້, ເຂົາຍັງຈະຮ່ວມກິດຈະ ກຳສົ່ງເສີມໂຄງການທີ່ມີຊື່ວ່າ: "30 Hour Famine"ເຊິ່ງຈະຊ່ວຍໃຫ້ໄວຫນຸ່ມຮັບຮູ້ເຖິງຄວາມ ອົດຢາກຍາກຈົນ ແລະ ດ້ອຍໂອກາດ ໂດຍບໍລິຈາກເງິນເພື່ອຮ່ວມກັນກຳຈັດຄວາມອຶດຫິວໃຫ້ ຫມົດໄປທົ່ວໂລກ. ໂຄງການນີ້ ຫວັງວ່າໄວຫນຸ່ມ ຫລືເຍົາວະຊົນມາເລເຊຍ ຈະຕື່ນຕົວຫລາຍຂຶ້ນໃນການໃຫ້ ຄວາມຊ່ວຍເຫລືອແກ່ຜູ້ທີ່ໃຊ້ຊີວິດຢູ່ດ້ວຍຄວາມທຸກຍາກຂາດແຄນ. ປະຈຸບັນ ນັກຮ້ອງຍອດນິຍົມ ຫວ່ອງ ກວງຫລຽງ ໄດ້ອອກອາລະບຳມາແລ້ວ 8 ຊຸດຜ່ານ ການສະແດງຮູບເງົາອີກ 10 ເລື່ອງ ລວມທັງມີຜົນງານການສະແດງລະຄອນຫລາຍເລື່ອງນຳ ຊື່ໄມເຄີລ ຫວ່ອງ ໄດ້ຮັບການບັນທຶກລົງໃນ Malaysia Book Of Records ໃນຖານະນັກ ແຕ່ງເພງຊາວມາເລເຊຍ ເຊື້ອສາຍຈີນ ທີ່ໄດ້ຮັບລາງວັນຫລາຍທີ່ສຸດ. ນອກນີ້ ອາລະບຳຂອງເຂົາຊື່ Tong Huaຍັງໄດ້ຮັບການບັນທຶກວ່າ: ເປັນອະລາບຳຂາຍ ດີທີ່ສຸດ ແລະ ເມື່ອບໍ່ດົນມານີ້ ເຂົາຍັງໄດ້ຮັບການແຕ່ງຕັ້ງ ເປັນທູດການທ່ອງທ່ຽວຂອງມາເລ ເຊຍນຳອີກ.Ecom
ມັກບໍ່ເພງນີ້?
