Pasalao

Members Login
Username 
 
Password 
    Remember Me  
Samakomlao -> Pasalao -> Pasalao -> ສະບາຍດີຫລວງ ພະບາງ ອອກສາຍມື້ນີ້ !!!
Post Info TOPIC: ສະບາຍດີຫລວງ ພະບາງ ອອກສາຍມື້ນີ້ !!!
samakomlao


Senior Member

Status: Offline
Posts: 428
Date:
ສະບາຍດີຫລວງ ພະບາງ ອອກສາຍມື້ນີ້ !!!
Permalink  



ຜ່ານໄປຮຽບຮ້ອຍແລ້ວ ສຳລັບງານຖະແຫລງຂ່າວເປີດຕົວຮູບເງົາເລື່ອງ "ສະບາຍດີຫລວງ ພະບາງ ຫລືGood morning Luangprabang " ຮູບເງົາເລື່ອງນີ້ເກີດຈາກການຮ່ວມມືກັນ ຂອງ 2 ປະເທດຄື ບໍລິສັດ ລາວອາຣ໌ທ ມິເດຍ ກັບ ບໍລິສັດ ສປາຕ້າ ຄຣີ ເອທີຟ ຈາກໄທ ໂດຍເລີ່ມເປີດ ກ້ອງຖ່າຍທຳໃນເດືອນພະຈິກ 2007 ທີ່ນະຄອນຫລວງວຽງຈັນ ເປັນບ່ອນທຳ ອິດຕໍ່ມາເດືອນທັນວາ ທີມງານໄດ້ຍົກກ້ອງໄປຖ່າຍທຳທີ່ ປາກເຊ ແລະ ປິດທ້າຍໃນເດືອນມັງ ກອນ 2008 ທີ່ ຫລວງພະບາງ.
 
   ເມື່ອວັນທີ 23 ພຶດສະພາ ທີ່ຫໍວັດທະນະທຳແຫ່ງຊາດ ກໍ່ໄດ້ຖະແຫລ່ງຂ່າວເປີດສາຍໃນ ຮອບສື່ມວນຊົນກໍ່ມີບັນດາສື່ມວນຊົນທຸກຂະແຫນງຂອງລາວ ແລະໄທອີກ 100 ກວ່າຄົນເຂົ້າ ຮ່ວມໃນມື້ນັ້ນ. ໃນງານ ແມ່ນໄດ້ຈັດແບບລຽບງ່າຍໂດຍຈະມີ ພະເອກນາງເອກ ມາຖະແຫລ່ງ ຈາກນັ້ນ ກໍ່ໄດ້ເປີດໂອກາດໃຫ້ສື່ມວນຊົນໄດ້ຊັກຖາມກັບຂໍ້ຂ້ອງໃຈຕ່າງໆ ບັນຍາກາດໃນງານ ແມ່ນອົບອຸ່ນ ແລະເປັນກັນເອງ. ຫລັງຈາກທີ່ຖະແຫລ່ງຂ່າວໃນລາວແລ້ວທັງນັກສະແດງນຳຄື: ອາລີ້, ອານັນດາ ພ້ອມດ້ວຍຜູ້ກຳກັບ ຄື: ທ່ານ ອະນຸສອນ ສິຣິສັກດາ ປະທານບໍລິສັດ ລາວ ອາຣ໌ທ ມິເດຍ ແລະ ທ່ານ ສັກຊາຍດີນາມ ອອກເດີນທາງໄປ ຖະແຫລງຂ່າວເປີດຕົວທີ່ ໄທ ເມື່ອວັນທີ 27 ພຶດສະພາ ບັນຍາກາດໃນງານແມ່ນຟົດພື້ນຫລາຍໂດຍສະເພາະນາງເອກສາວ ຂອງລາວເຮົາ ອາລີ້ ສາມາດດຶງດູດຄວາມສົນໃຈຂອງບັນດາສື່ມ່ວນຊົນທຸກຂະແຫນງຂອງໄທ ທຸກສື່ ກໍ່ຈັບຕາເບິ່ງສາວນ້ອຍຄົນນີ້ ແບບບໍ່ຄາດສາຍຕາເລີຍ ອາດເປັນຍ້ອນຄວາມຫນ້າຮັກ, ເປັນກັນເອງ, ຍິ້ມງ່າຍ, ສົນໃຈ ແລະຄວາມເປັນທຳມະຊາດກັບບົດບາດການສະແດງເທື່ອທຳ ອິດຂອງນາງ ເອງສາວ ອາລີ້. 

   ອາລີ້ ກ່າວໃນງານຖະແຫລງຂ່າວວ່າ "ນີ້ແມ່ນການສະແດງຮູບເງົາເລື່ອງທຳອິດ ຮູ້ສຶກພູມ ໃຈ ທີ່ເຫັນຜົນງານຂອງຕົນສະແດງ ແລະ ດີໃຈທີ່ໄດ້ມີໂອກາດໄດ້ຮ່ວມງານສະແດງກັບອ້າຍ ອານັນດາ ຜູ້ທີ່ມີຄວາມສາມາດໃນເລື່ອງການສະແດງ".

   ສ່ວນ ອານັນດາເອງກໍ່ໄດ້ກ່າວຊື່ນຊົມນາງເອກສາວອາລີ້ ວ່າ "ອາລີ້ເປັນນັກສະແດງຫນ້າ ໃຫມ່ທີ່ມີຄວາມຕັ້ງໃຈເຮັດວຽກຫລາຍ ອາລີ້ ມີພອນສະຫວັນດ້ານການສະແດງນຳມີສາກຫນຶ່ງ ທີ່ ອາລີ້ ຕ້ອງໃຫ້ ອາລີ້ ກໍ່ສາມາດບີບນ້ຳຕາອອກມາ ເຮັດໃຫ້ການສະແດງສາກນັ້ນເທັກດຽວ ຜ່ານເລີຍເກ່ງຫລາຍ"ຈຸດພິເສດ ແລະ ຈຸດເດັ່ນໃນຮູບເງົາເລື່ອງນີ້ ແມ່ນສະທ້ອນໃຫ້ເຫັນວິຖີຊີ ວິດວັດທະນະທຳທັງເປັນການໂຄສະນາສະຖານທີ່ທ່ອງທ່ຽວທີ່ສຳຄັນຕ່າງໆຂອງລາວອີກ.
 
   ຮູບເງົາເລື່ອງນີ້ມີກຳນົດເຂົ້າສາຍ ພ້ອມກັນທັງ ລາວ-ໄທ ທົ່ວປະເທດວັນທີ 5 ພຶດສະພາ ສະເພາະລາວ ແມ່ນຈະເຂົ້າສາຍທີ່ສູນການຄ້າລາວ-ໄອເຕັກວັນທີ 5 ເປັນຕົ້ນໄປ ແລະ ວັນທີ 14 ແມ່ນທີ່ຫໍວັດທະນະທຳ ແຫ່ງຊາດມີ 3 ຮອບຄື ຮອບ 10:00 ຮອບ 14:30 ແລະ ຮອບ 19:30 ຜູ້ທີ່ສົນໃຈສາມາດໄປຈັບຈອງປີ້ໄດ້ທີ່ ບໍລິສັດ ລາວອາຣ໌ທ ມິເດຍ ນັບແຕ່ມື້ນີ້ເປັນຕົ້ນ ໄປຢ່າລືມຢ່າພາດ! ພາດແລ້ວຈະເສຍໃຈ.

from: ecom

__________________
Anonymous

Date:
Permalink  

ຂ້ອຍບ່ໄດ້ເບິ່ງຊ້ຳ ຕອນເຂົາເອົາມາສາຍຢູ່ໂຮງພາບພະຍົນກົງກວຽນຣາມາ ຂ້ອຍພັດຖືກສົ່ງໄປລົງ

ພື້ນຖານຢູ່ຊາຍເບີເຣັຽ ແຕ່ກໍ່ນອນຝັນເຫັນໜ້ານາງເອກທຸກຄືນຢູ່ດອກ.



__________________
Page 1 of 1  sorted by
Quick Reply

Please log in to post quick replies.
Samakomlao -> Pasalao -> Pasalao -> ສະບາຍດີຫລວງ ພະບາງ ອອກສາຍມື້ນີ້ !!!


Create your own FREE Forum
Report Abuse 		Powered by ActiveBoard