Pasalao

Members Login

Post Info

TOPIC: ນະຄອນຫລວງວຽງຈັນ ຂາດຖັງຂີ້ເຫຍື້ອ !

samakomlao

Senior Member

Status: Offline

Posts: 428

Date: May 19, 2008

ນະຄອນຫລວງວຽງຈັນ ຂາດຖັງຂີ້ເຫຍື້ອ !	Permalink

ຄວາມບໍ່ສະອາດ, ບໍ່ງາມຕາເປັນສິ່ງທີ່ຊາວນະຄອນຫລວງວຽງຈັນທຸກຄົນບໍ່ເພິ່ງປາຖະຫນາ ເພາະຂຶ້ນຊື່ວ່າເປັນນະຄອນຫລວງແລ້ວ ຕ້ອງມີຄວາມສະອາດ, ສວຍງາມ, ຮຸ່ງເຮືອງເຫລືອງ ເຫລື້ອມ. ສະນັ້ນ ບັນຫາຮີບດ່ວນອັນຫນຶ່ງທີ່ນະຄອນຫລວງຄວນແກ້ໄຂໃຫ້ດີແມ່ນການກຳຈັດ ຂີ້ເຫຍື້ອ. ສາເຫດອາດເປັນຍ້ອນຫນ່ວຍງານອະນາໄມທີ່ຍັງບໍ່ພຽງພໍຫລືບໍ່ເອົາຈິງເອົາຈັງຕໍ່ວຽກ ນີ້, ການສຶກສາອົບຮົມໂຄສະນາເຜີຍແຜ່ ກໍ່ຍັງບໍ່ທັນທົ່ວເຖິງລົງເລິກ, ກົດບັງຄັບກໍ່ບໍ່ເຂັ້ມງວດ ຈິ່ງສົ່ງຜົນສະທ້ອນໃຫ້ປະຊາຊົນກາຍເປັນຄົນມັກງ່າຍ, ກິນແລ້ວຖິ້ມຊະຊາຍ ໂດຍບໍ່ຄຳນຶງເຖິງ ສິ່ງແວດລ້ອມ ແລະ ຄວາມຈົບງາມຂອງນະຄອນຫລວງ. ຫວ່າງບໍ່ດົນມານີ້, ຜູ້ຂຽນໄດ້ຮັບຕຳຫນິຈາກພົນລະເມືອງດີຫລາຍຄົນທີ່ເຂົາເຈົ້າໄດ້ມາທ່ອງ ທ່ຽວຕາມຈຸດສວນສາທາລະນະ ຫລືວັດວາອາຮາມຕ່າງໆ, ນາງລີວອນ ແສງຄຳ ມີປະຊາຊົນ ເມືອງແກ້ວອຸດົມແຂວງວຽງຈັນ ຢິກແກມຢອກ ວ່າ: ອັນຜູ້ຂຽນຄໍລຳທັດສະນະມະຫາຊົນນີ້ ກໍ່ ຄວນສົ່ງຂ່າວຫາພາກສ່ວນກ່ຽວຂ້ອງແດ່ວ່າ: ນະຄອນຫລວງວຽງຈັນເປັນຈຸດໃຈກາງເກືອບວ່າ ທຸກດ້ານບໍ່ວ່າຈະເປັນດ້ານການເມືອງ, ເສດຖະກິດ, ວັດທະນະທຳ, ສັງຄົມ ແລະ ການທ່ອງ ທ່ຽວ, ທັງເປັນທີ່ຕັ້ງຂອງບັນດາກະຊວງ, ສຳນັກງານ, ອົງການຂອງການນຳທຸກຂັ້ນ ແຕ່ວ່າຢູ່ ຕາມຖະຫນົນ ຫົນທາງໃນຕົວເມືອງຊ້ຳພັດ ບໍ່ມີຮອດຖັງຂີ້ເຫຍື້ອໄວ້ບໍລິການ, ຕາມເບິ່ງຕົວຈິງ ແລ້ວ ພົນລະເມືອງດີທີ່ຮັກສາຄວາມສະອາດກໍ່ມີຫລາຍຄົນທີ່ກິນແລ້ວກໍ່ງວາກຊ້າຍງວາກຂວາ ຊອກຫາຖັງຂີ້ເຫຍື້ອ ບໍ່ເຫັນມີກໍ່ເລີຍຈຳເປັນຫິ້ວເອົາຂີ້ເຫຍື້ອຍ່າງເລາະໄປ ເລາະມາແລ້ວກໍ່ດຶກ ໃສ່ແຄມທາງ ຫລື ບ່ອນໃດບ່ອນຫນຶ່ງທີ່ບໍ່ແມ່ນທາງທຽວ. ເມື່ອມີຫລາຍຄົນຖິ້ມແລ້ວຖິ້ມອີກມັນ ກໍ່ຊ່ຳກັບວ່າເປັນບ່ອນຖິ້ມຂີ້ເຫຍື້ອ, ໃນທີ່ສຸດກໍ່ ພ້ອມກັນຖິ້ມນຳກັນໄປເລີຍ. ຂໍຍົກຕົວຢ່າງຄື ຢູ່ ແຄມຂອງທີ່ຕິດກັບສວນສາທາລະນະ ຕໍ່ຫນ້າໂຮງແຮມລ້ານຊ້າງນະຄອນຫລວງວຽງຈັນ ຫັ້ນ, ຄົນທຽວໄປ ທຽວມາມັກຖິ້ມຂີ້ເຫຍື້ອໃສ່ຕາມຕາຝັ່ງແມ່ນ້ຳຂອງ ມັນເປັນການທຳລາຍສິ່ງແວດ ລ້ອມຫລາຍຢ່າງ ປ່າຫຍ້າບໍ່ມີໂອກາດຂະຫຍາຍຕົວ, ທັງເປັນສິ່ງທີ່ເຮັດໃຫ້ນ້ຳເປື້ອນແລ້ວໄຫລ ສູ່ແມ່ນ້ຳຂອງໂດຍສະເພາະຍາມນີ້ເປັນລະດູຝົນຈະມີນ້ຳຂຶ້ນນ້ຳນອງ ນອກຈາກນັ້ນ ຢູ່ບໍລິເວນ ທີ່ມີກຳແພງກໍ່ຄືກັນ. ບັນຫານີ້ ມີສາເຫດຕົ້ນຕໍຄື: ບໍ່ມີຖັງຂີ້ເຫຍື້ອເກັບມ້ຽນ, ແຕ່ສິ່ງສຳຄັນແມ່ນ ກະໂຕພົນລະເມືອງຜູ້ໃຊ້ບໍລິການ ບໍ່ມີຄວາມເປັນເຈົ້າການ ໃນການຮັກສາຄວາມສະອາດຊ່ວຍ ກັນ, ຖ້າບັນຫານີ້ ບໍ່ໄດ້ຮັບການແກ້ໄຂອີກບໍ່ເທົ່າໃດປີຂ້າງຫນ້າ ນະຄອນຫລວງວຽງຈັນ ບາງ ບ່ອນ ອາດກາຍເປັນບ່ອນຖິ້ມຂີ້ເຫຍື້ອກໍ່ເປັນໄດ້. ຕໍ່ກັບບັນຫາຄວາມເປິເປື້ອນຂອງນະຄອນຫລວງຈາກການຖິ້ມຂີ້ເຫຍື້ອຊະຊາຍນີ້ ທ້າວພຸດ ຮັກ ດາລາວົງ ທີ່ມາຈາກແຂວງຫລວງນ້ຳທາ, ພະນັກງານທີ່ມາສຶກສາຕໍ່ຢູ່ມະຫາວິທະຍາໄລ ແຫ່ງຊາດ (ດົງໂດກ) ໄດ້ໃຫ້ຄວາມເຫັນວ່າ: ກ່ຽວກັບບັນຫາຂີ້ເຫຍື້ອນີ້ພວກເຮົາໄດ້ລົງໄປສຶກ ສາຕົວຈິງແລ້ວຫລາຍບ່ອນຫລາຍຈຸດ ກໍ່ມີການຈັດສັນກະຕ່າຂີ້ເຫຍື້ອ ຫລື ຖັງໃສ່ຂີ້ເຫຍື້ອໄວ້ ເປັນຈັດໄວ້ ເພື່ອໃຫ້ປະຊາຊົນໄດ້ໃຊ້ບໍລິການ, ແຕ່ບາງບ່ອນແມ່ນບໍ່ມີຖັງຂີ້ເຫຍື້ອ ໃຫ້ເຂົາໃສ່ ຈິ່ງເຮັດໃຫ້ມີການຖິ້ມຂີ້ເຫຍື້ອແບບຊະຊາຍ ເບິ່ງແລ້ວບໍ່ງາມຕາ, ກົງກັນຂ້າມບາງບ່ອນທີ່ມີຖັງ ຂີ້ເຫຍື້ອໄວ້ຄົບຊຸດ ແຕ່ຄົນຜູ້ບໍລິໂພກນັ້ນຊ້ຳພັດບໍ່ຖິ້ມໃສ່. ດັ່ງນັ້ນ ແນວຄວາມຄິດຂອງເຮົາເອງ ແມ່ນຢາກສ່ອງແສງຫາພາກສ່ວນທີ່ກ່ຽວຂ້ອງ ຄວນ ວາງລະບຽບໃຫ້ເຄັ່ງຄັດກວ່າເກົ່າ, ລະດົມແຕ່ລະບ້ານ ໂດຍສະເພາະບ້ານທີ່ຢູ່ຕິດສວນສາທາ ລະນະ ຫລື ແຄມທາງຫລວງ, ແຄມຂອງ, ສຶກສາອົບຮົມກ່ຽວກັບການຮັກສາຄວາມສະອາດ, ການຖິ້ມຂີ້ເຫຍື້ອໃຫ້ຖືກຕາມຈຸດບໍ່ໃຫ້ຖິ້ມໃສ່ຂອງລວມຫມູ່. ໂດຍລວມແລ້ວຢູ່ໃນນະຄອນຫຼວງ ຍັງບໍ່ທັນມີການຈັດຕັ້ງ ປະຕິບັດເທົ່າທີ່ຄວນ, ບຸກຄົນຍັງຂາດການປະຕິບັດ, ດີແທ້ ພາກສ່ວນ ກ່ຽວຂ້ອງຄວນຈະລົງທຶນຊື້ຖັງ ຫລື ຂໍຄວາມຊ່ວຍເຫລືອຈາກກະຊວງ, ທະບວງກົມ, ອົງການ, ບໍລິສັດຫ້າງຮ້ານ ໃຫ້ຮ່ວມກັນສະຫນັບສະຫນູນ ບັນຫາເພີ່ມຖັງຂີ້ເຫຍື້ອຕື່ມອີກເພື່ອຄວາມສະ ອາດຂອງບ້ານເມືອງ. Source: Ecom __________________

Anonymous

Date: Feb 23, 2014

	Permalink
ປັດຈຸບັນມີຖັງຂີ້ເຫຍື່ອຢູ່ທຸກໆເສັ້ນທາງ, ຄວນຍົກຍ້ອງຊົມເຊີຍຜູ່ຂຽນຄໍລຳທັດສະນະມະຫາຊົນ ຫລືຈະຍ້ອງຍໍນາງ ລີວອນ ແສງຄຳມີ ປະຊາຊົນພົນລະເມືອງດີ? __________________

Page 1 of 1 sorted by

Create your own FREE Forum
Report Abuse