ໄດ້ຍິນວ່າ Nicaragua ກໍ່ໄປຈົດທະບຽນເປັນດອກໄມ້ປະຈຳຊາດຂອງເຂົາເໝືອນກັນ.
ທີ່ລາວເຮົາເອີ້ນດອກຈຳປາ
ທີ່ແທ້ຈຳປາແມ່ນກົກໄມ້ມີຖິ່ນກຳເນີດມາຈາກອາເມຣິກາໃຕ້
ຈະພົບເຫັນຫຼາຍຢູ່ທາງລາຕິນອາເມຣິກາແລະໝູ່ເກາະໂປລີເນຊຽນ(ເຊັ່ນຮາວາຍແລະ...)
ບໍ່ແມ່ນພືດພັນຂອງເອເຊັຽ
ໃນວັນນະຄະດີໂບຮານຂອງທຸກປະເທດໃນເອເຊັຽບໍ່ມີປະເທດໃດກ່າວເຖິງຕົ້ນຫຼືດອກຈຳປາ
ໃນພຸດທະປະຫວັດຫຼືໃນຄັມພີໂບຮານຂອງອິນເດັຽທີ່ເວົ້າເຖິງ ຈຳປາກະ
ບໍ່ແມ່ນດອກຈຳປາທີ່ລາວເຮົາເອີ້ນແບບທຸກມື້ນີ້
ຈຳປາກະຂອງອິນເດັຽແມ່ນດອກຈຳປີຂອງລາວ(ຫຼືຈຳປາຄືກັນໃນສມັຍໂບຮານ ກ່ອນຈະມີດອກຈຳປາແບບໃໝ່)
ຈຳປາກະໃນພາສາຮິນດີ चंपक (Michelia champaca)
ຈຳປາຂອງແທ້ຄືຮູບທາງເທິງມີທົ້ວໄປໃນອິນເດັຽ ຈີນ ລາວ ໄທຍ ພະມ້າ ແລະແລະແລະ
ມາມີຄຳຖາມວ່າ ເປັນຫຍັງເຮົາຈຶ່ງເອີ້ນທາງລຸ່ມວ່າດອກຈຳປາ
ສັນນິຖານວ່າພວກຝຣັ່ງຕະເວັນຕົກທີ່ເອົາດອກໄມ້ນີ້ເຂົ້າມາທາງຫວຽດນາມໃຕ້
ແລະຂະເໝນສີ່-ຫ້າຮ້ອຍປີກ່ອນ
ດິນແດນແຖບນັ້ນເປັນດິນແດນຂອງພວກຈາມ
ສັງເກດໄດ້ວ່າຈຳປາສັກຄົງບໍ່ໄດ້ຕັ້ງຊື່ຕາມຊື່ດອກໄມ້
ແຕ່ຕັ້ງຕາມອານາຈັກຈາມປາເກົ່າທີ່ເຄີຍຮຸ່ງເຮືອງ(ຫຼືດິນແດນຈຳປາສັກກ່ອນລາວເຂົ້າໄປກໍ່ມີຊື່ນີ້ຢູ່ແລ້ວ)
ດອກຈຳປາລາວແຕ່ກ່ອນຢູ່ສຢາມກໍ່ບໍ່ເຄີຍມີ ດັ່ງນັ້ນຈຶ່ງບໍ່ມີຊື່ໃນພາສາໄທຍ
ທີ່ໄທຍຫາກໍ່ມາເອີ້ນວ່າດອກລັ່ນທົມ ໄທຍເຂົາກໍ່ມີຫຼາຍຂໍ້ສັນນິຖານ
ເຊັ່ນ ເອີ້ນຕາມພວກຊະວາ(ອິນໂດນີເຊັຽ)
ຫຼືເອີ້ນຕອນທີ່ສຢາມໄປຕີເມືອງນະຄອນທົມຂອງຂະເໝນ
ເຫັນດອກໄມ້ນີ້ຕາມປາສາທນະຄອນທົມ (ລັນ ແປວ່າ ຕີ)ແລ້ວເອົາໄປປູກຢູ່ສຢາມ
ດັ່ງນັ້ນ ດອກຈຳປາທີ່ຄົນລາວເອີ້ນແຕ່ໂບຮານແມ່ນດອກຈຳປີທຸກມື້ນີ້
ໃນພຸດທະປະຫວັຕແລະວັນນະຄະດີລາວທີ່ກ່າວເຖິງດອກຈຳປາບໍ່ແມ່ນດອກຈຳປາ
ທີ່ມາຈາກອາເມຣິກາໃຕ້
ແຕ່ຢ່າງໃດດອກຈຳປາທຸກມື້ນີ້ເຮົາກໍ່ເອົາມາເປັນດອກໄມ້ປະຈຳຊາດໄດ້
ເຖິງຈະມີຊາດອື່ນເຂົາຈະເອົາດອກໄມ້ນີ້ມາເປັນດອກໄມ້ປະຈຳຊາດຄືກັນກໍ່ຕາມ
ໂຕຢ່າງດອກທິວລິບເປັນດອກໄມ້ປະຈຳຊາດທັງຂອງຕຸຣະກີແລະຂອງຮອນແລນ
ດອກທິວລິບບໍ່ໄດ່ມີຖິ່ນກຳເນີດໃນຮອນແລນ ຮອນແລນເຂົາກໍ່ຍອມຮັບວ່າເອົາມາຈາກຕຸຣະກີ
ດອກທິວລິບມີປະຫວັດຜູກພັນກັບຮອນແລນຕັ້ງແຕ່ເອົາມາເທື່ອທຳອິດຈົນຮອດທຸກມື້ນີ້
ສອງຊາດເຂົາຈຶ່ງໃຊ້ດອກໄມ້ປະຈຳຊາດຮ່ວມກັນໂດຍບໍ່ມີປັນຫາ
ຫວັງວ່າອ້າຍເວບຄົງຈະບໍ່ມີຄວາມຄຶດຍຶດໝັ້ນຕາຍໂຕຄືປະເດັນເຕັ້ນບັດສລົບນໍ
