[img]http://www.ecom.org.la/photo/346A16.gif[/img]ໄທເກີ ທຣານສເລທ໌ ແມ່ນປາກົດການທີ່ຮວບຮວມເອົາ ການປະສົມປະສານລະຫວ່າງສິລະ ປະການແຕ້ມຮູບຕ່າງໆ ແລະດົນຕີຫລາຍໆແນວມີທັງຮິບຮ໋ອບ,ປ໋ອບ,ແດນຊ໌,ອາແອນບີ, ເທັກ ໂນແດນຊ໌... ບວກກັບແນວຄິດສ້າງສັນທີ່ມີລັກສະນະອັນໂດດເດັ່ນມາໄວ້ຢູ່ບ່ອນດຽວ. ໄທເກີ ທຣານສເລທ໌ ໄດ້ຈັດກິດຈະກຳດີໆ ແບບນີ້ຂຶ້ນມາ ເພື່ອເປັນການເປີດໂອກາດໃຫ້ຄົນຮຸ່ນໃຫມ່ ໄດ້ກ້າສະແດງອອກ ເຖິງຄວາມສາມາດທີ່ບໍ່ມີຂີດຈຳກັດ ຍັງເປັນການຊັກຊວນໃຫ້ຊາວຫນຸ່ມ ເຍົາວະຊົນທີ່ເປັນອະນາຄົດຂອງປະເທດຊາດຫັນມາສົນໃຈ ແລະໃຫ້ຄວາມສຳຄັນກັບວົງການ ສິລະປະດົນຕີໃຫ້ຫລາຍຂຶ້ນທັງເປັນການເຜີຍແຜ່ ແລະເຊື່ອມໂຍງຄວາມເປັນອາຊີ ແລະໂລກ ໄວ້ນຳກັນ. ອີກເທື່ອຫນຶ່ງທີ່ໄທເກີເບຍໄດ້ນຳເອົາກິດຈະກຳມ່ວນໆ ແລະຫນ້າສົນໃຈມາສ້າງສີສັນແລະ ຄວາມບັນເທີງໃນຮູບແບບໃຫມ່ໃຫ້ກັບໄວຫນຸ່ມລາວໃນງານໄທເກີທຣານສເລທ໌ ໄດ້ຈັດຂຶ້ນຄືນ ວັນທີ 8 ພຶດສະພາ ທີ່ມາລີນາບັນເທີງເວລາ 21:00 ໂມງ. ເຂົ້າຮ່ວມໃນງານມີທ່ານສີແພງ ວົງປັນຍາ ຫົວຫນ້າກົມວັດທະນະທຳມະຫາຊົນ, ກະຊວງ ຖະແຫລງຂ່າວ-ວັດທະນະທຳ, ທ່ານ ແດນນີຊານປະທານບໍລິສັດລາວອາຊີ-ປາຊີຟິກ ຈຳກັດ ພາຍໃນງານກໍ່ຈະມີດີເຈຊື່ດັງ ຈາກປະເທດສິງກະໂປ Don ແລະ Artist Ants ພວກເຂົາໄດ້ ນຳຄວາມສຸດຍອດທາງດ້ານສິລະປະການແຕ້ມຮູບລວດລາຍໃສ່ຝາກຳແພງດ້ວຍສະເປຣ ໄປ ພ້ອມກັບສຽງ ດົນຕີລີມິກຈັງຫວະເພງມ່ວນໆ ມາຝາກໄວຫນຸ່ມລາວຢ່າງເຕັມຮູບແບບ. ນອກຈາກຈະມີກິດຈະກຳມ່ວນໆ ມາໃຫ້ໄວຫນຸ່ມລາວໄດ້ມ່ວນຊື່ນກັນແລ້ວ ໃນງານຍັງມີ ການຈົກສະຫລາກ ເພື່ອແຈກຂອງລາງວັນນຳອີກ ເຊິ່ງລາງວັນປະກອບມີລາງວັນທີ 1 ແມ່ນ ໂທລະສັບຊັນເທັກ 1 ລາງວັນ ແລະລາງວັນທີ 2 ເປັນເສື້ອເຊີດ ທຣານສເລທ໌ອີກ 10 ລາງ ວັນນີ້ ເປັນກິດຈະກຳປິດທ້າຍ. ການຈັດງານເປີດຕົວໄທເກີທຣານສເລທ໌ ແມ່ນຄັ້ງທຳອິດຂອງປະເທດລາວ ແຕ່ຈະບໍ່ແມ່ນ ຄັ້ງສຸດທ້າຍ ການຈັດກິດຈະກຳຂອງບໍລິສັດໄທເກີເບຍຢ່າງແນ່ນອນ. ທ່ານ ແດນນີຊານ ກ່າວ ວ່າ: ງານເປີດຕົວໄທເກີທຣານສເລທ໌ ນີ້ໄດ້ຈັດຂຶ້ນ ແລະໄດ້ຜົນຕອບຮັບທີ່ດີຈາກ NewYork Berlin ແລະ ອີກຫລາຍໆປະເທດ.Source: ecom
