Pasalao

ສຽງເພງ ແມ່ນສິ່ງທີ່ສ້າງຄວາມບັນເທີງໃຫ້ກັບຄົນຢູ່ທຸກໆປະເທດໃນໂລກ ບໍ່ວ່າຈະເປັນເພງ ໃນແບບໃດກໍ່ລ້ວນແຕ່ມີຄວາມມ່ວນຊື່ນຢູ່ໃນຕົວຂອງມັນເອງ. ສະເພາະຢູ່ປະເທດລາວເຮົາ ກໍ່ ໄດ້ໃຊ້ສຽງເພງເປັນສິ່ງຜ່ອນຄາຍ ຄວາມອິດເມື່ອຍຈາກການເຮັດວຽກ ຫລື ເຮັດໄດ້ມາຕັ້ງແຕ່ ດົນນານແລ້ວ.
ທ່ານໄຊສະຫວາດ ສິງນາມວົງ ຫົວຫນ້າກົມສິລະປະການສະແດງກະຊວງຖະແຫລງຂ່າວ -ວັດທະນະທຳ, ປະທານໂຄງການງານປະກາດລາງວັນລາວມິວສິກອາວອດ 2008, ຫົວຫນ້າ ຄະນະກຳມະການຕັດສິນເຜີຍໃຫ້ຮູ້ ເຖິງຄວາມເປັນມາຂອງງານດັ່ງກ່າວວ່າ: ເມື່ອເບິ່ງຄືນປະ ມານ 5-6 ປີ ວົງການເພງ ຢູ່ບ້ານເຮົາ ແມ່ນຈະຢູ່ໃນວົງທີ່ແຄບຄື: ມີແຕ່ຂັບລຳເທົ່ານັ້ນທີ່ໄດ້ ຮັບຄວາມນິຍົມຫລາຍກວ່າຫມູ່ ສ່ວນເພງແບບອື່ນນັ້ນ ຍັງບໍ່ທັນໄດ້ຮັບຄວາມນິຍົມເທົ່າທີ່ຄວນ ເຮັດໃຫ້ຜູ້ທີ່ຢາກເປັນສິລະປິນນັ້ນ ມີຄວາມຫຍຸ້ງຍາກຫລາຍທັງເວທີທີ່ຈະໃຫ້ສະແດງຄວາມສາ ມາດຍັງບໍ່ທັນແຜ່ຫລາຍ.
ດ້ວຍຄວາມຮັກໃນສຽງເພັງ ແລະບໍ່ຍອມທໍ້ຖອຍຂອງຕົວສິລະປິນ ແລະ ຜູ້ຜະລິດເພງ ຈິ່ງ ເຮັດໃຫ້ໃນປະຈຸບັນນີ້ ວົງການເພງບ້ານເຮົາ ໄດ້ມີຄວາມປ່ຽນແປງຢ່າງຫລວງຫລາຍສິລະປິນ ຫນ້າໃຫມ່ເກີດຂຶ້ນມາເລື້ອຍໆ ມີແນວເພງຫລາກຫລາຍປະເພດໄດ້ຮັບການຍອມຮັບ ແລະໄດ້ ຮັບຄວາມນິຍົມ ຈາກພາຍໃນປະເທດຫລາຍຂຶ້ນ. ຍ້ອນເພງລາວ ແລະສິລະປິນລາວມີຄຸນນະ ພາບ ແລະ ມາດຕະຖານທຽບເທົ່າກັບຕ່າງປະເທດແລ້ວ ປະຈຸບັນສິລະປິນລາວຫລາຍໆ ຄົນ ກໍ່ຍັງໄດ້ໄປສ້າງຊື່ສຽງຢູ່ຕ່າງປະເທດນຳອີກ.
ເຖິງວ່າສິລະປິນ ແລະ ຜູ້ຜະລິດເພງຕ່າງໆເຫລົ່ານັ້ນຈະມີຜົນງານທີ່ມີຄຸນນະພາບອອກມາ ຫລາຍປານໃດກໍ່ສັງເກດເຫັນວ່າຍັງບໍ່ທັນມີສິ່ງໃດ ຫລືລາງວັນທີ່ຈະມາຢັ້ງຢືນ ແລະ ໃຫ້ກຳລັງ ໃຈໃນຄວາມສຳເລັດຂອງເຂົາເຈົ້າເລີຍ. ນີ້ ຈິ່ງເປັນເຫດຜົນເຮັດໃຫ້ງານລາວມິວສິກ ອາວອດ 2008 ນີ້ ເກີດຂຶ້ນມາ ເພື່ອປະກາດກຽດຕິຍົດໃຫ້ແກ່ບັນດານັກປະພັນ, ນັກສິລະປິນທີ່ໄດ້ສ້າງ ຜົນງານອອກສູ່ສັງຄົມ ເພື່ອໃຫ້ຜູ້ສ້າງສັນຜົນງານເພງມີໂອກາດນຳສະເຫນີຜົນງານທີ່ມີຄຸນນະ ພາບອອກສູ່ສາຍຕາມະຫາຊົນທັງພາຍໃນ ແລະ ຕ່າງປະເທດທັງເປັນເວທີໃຫ້ຄົນຮຸ່ນໃຫມ່ໄດ້ ສະແດງຄວາມສາມາດທາງດ້ານສິລະປະວັນນະຄະດີ ອັນເປັນເອກະລັກຂອງຊາດລາວເຮົາ.
Source: ecom