Pasalao

Members Login

Post Info

TOPIC: ສາວງາມຍິ້ມຫວານຄົນນີ້ ແມ່ນໃຜ ?

samakomlao

Senior Member

Status: Offline

Posts: 428

Date: May 5, 2008

ສາວງາມຍິ້ມຫວານຄົນນີ້ ແມ່ນໃຜ ?	Permalink

ເມື່ອກາງເດືອນ ເມສາ 2008 ທີ່ຜ່ານມາກໍ່ຄືບຸນປີໃຫມ່ລາວນັ້ນເອງ ຫລາຍໆບ່ອນກໍ່ໄດ້ຈັດ ງານສະຫລອງ ແລະ ເຮັດກິດຈະກຳຕ່າງໆ. ທີ່ມະຫາວິທະຍາໄລແຫ່ງຊາດ ກໍ່ໄດ້ຈັດງານປະ ກວດນາງສັງຂານຂອງໂຮງຮຽນຂຶ້ນ ມີຕົວແທນຂອງຄະນະເຂົ້າປະກວດໃນງານດັ່ງກ່າວ ແລະ ມື້ນີ້ ຄໍລຳວັດທະນະທຳບັນເທີງ ຢາກໃຫ້ທ່ານຜູ້ອ່ານໄດ້ຮູ້ຈັກກັບຫນຶ່ງສາວງາມຕົວແທນ ຂອງ ຄະນະປ່າໄມ້. ນາງ ອານຸສອນ ຈັນດາວົງ (ຄຳ) ອາຍຸ 20 ປີເກີດທີ່ ບ້ານສະຫວ່າງ. ເມືອງຈັນທະບູລີ ນະຄອນຫລວງວຽງຈັນ ປະຈຸບັນ ກຳລັງສຶກສາທີ່ພາກວິຊາຄຸ້ມຄອງແຫລ່ງນ້ຳປີ 3 ຄະນະປ່າ ໄມ້. ເປັນແມ່ຍິງລາວອີກຄົນຫນຶ່ງທີ່ມັກການຟ້ອນມາແຕ່ນ້ອຍສະໄຫມຮຽນຢູ່ປະຖົມຄຳເຄີຍປະ ກວດຟ້ອນພໍໃຫຍ່ກໍ່ເຄີຍໄປປະກວດໃນເວທີໃຫຍ່ລະດັບປະເທດ ຄືການປະກວດ ນາງສາວອາ ພອນລາວ ແຕ່ຍັງບໍ່ໄດ້ເຂົ້າໄປເຖິງຮອບຕັດເຊືອກຫລ້າສຸດ ຄືການປະກວດນາງສັງຂານ ມ.ຊ ກໍ່ບໍ່ໄດ້ຮັບຕຳແຫນ່ງໃດຄຳກ່າວວ່າ "ສິ່ງທີ່ໄດ້ຈາກການປະກວດ ຄືການສະແດງຄວາມກ້າມັນ ເຮັດໃຫ້ເຮົາກ້າຫານຫລາຍຂຶ້ນ ແລະ ນຳມາໃຊ້ ໃນການຮຽນໄດ້ ໂດຍສະເພາະເວລາອາຈານ ເພິ່ນຕັ້ງຄຳຖາມຂຶ້ນມາກໍ່ເຮັດໃຫ້ເຮົາກ້າຕອບ". ເຄັດລັບການອ່ານຫນັງສືໃຫ້ຈື່ໄດ້ໄວ ຄຳ ມັກອ່ານຫນັງສືຕອນເຊົ້າໆເອົາມາກເກີ້ມາຫມາຍ ບ່ອນທີ່ສຳຄັນໆ ເພື່ອເຮັດໃຫ້ເຮົາຢາກອ່ານ ແລະ ເປັນການຫຍໍ້ການອ່ານ ໃຫ້ຫນ້ອຍລົງຈະ ຊ່ວຍເຮັດໃຫ້ເຮົາເຂົ້າໃຈບົດຮຽນໄດ້ໄວຂຶ້ນ. ນິດໄສສ່ວນຕົວ ຄຳ ເປັນຄົນມັກເວົ້າຈາ ຍິ້ມງ່າຍ ແລະ ຮອຍຍິ້ມນີ້ເອງທີ່ເປັນສະເຫນ ແລະ ເປັນຈຸດເດັ່ນຂອງຄຳ. ເວລາຫວ່າງສ່ວນຫລາຍຈະຫົດນ້ຳດອກໄມ້ຢູ່ບ້ານ, ອ່ານຫນັງສື, ໄປຫລິ້ນກັບຫມູ່ ກິລາທີ່ ຫລິ້ນເປັນປະຈຳຄືຕີດອກປີກໄກ່ ແລະຄວາມສາມາດພິເສດຄື ການຟ້ອນບົດເພງຕ່າງໆ, ແຕ່ງ ກິນນີ້ຄືສິ່ງທີ່ແມ່ຍິງລາວຕ້ອງປະຕິບັດ ແລະ ສືບທອດຈາກຮຸ່ນນີ້ໄປສູ່ຮຸ່ນຕໍ່ໄປ. ວິທີຮັກສາສຸຂະພາບ ຄຳ ບອກວ່າ ບໍ່ຕ້ອງນອນເດິກດື່ມນ້ຳໃຫ້ຫລາຍໆສ່ວນເຄັດລັບຫນ້າ ໃສ ແລະ ເຮັດໃຫ້ຜິວຂອງເຮົານຸ້ມນຽນ ໂດຍປັດສະຈາກສານເຄມີມີວິທີງ່າຍໆ ດັ່ງນີ້ ເຮົາເອົາ ຫມາກຖົ່ວເຫລືອງມາລ້າງໃຫ້ສະອາດນຳມາບົດແລ້ວເອົາ ໄປຕົ້ມປະໄວ້ໃຫ້ເຢັນແລ້ວນຳມາທາ ໃບຫນ້າ, ແຂນ, ຂາປະໄວ້ 15 ນາທີຂຶ້ນໄປ ແລະ ລ້າງອອກດ້ວຍນ້ຳສະອາດ ກໍ່ຈະເຮັດໃຫ້ ທ່ານມີຜິວທີ່ນຸ້ມນຽນ ແລະ ມີໃບຫນ້າທີ່ຂາວໃສ ແລະ ທັງເປັນການປະຢັດເງິນນຳອີກ. ຄວາມໄຝ່ຝັນຢາກເຮັດວຽກໃນດ້ານທີ່ເຮົາຮຽນມາ ແລະ ຄວາມຝັນ ອັນທີສອງກໍ່ຢາກເປັນ ນັກທຸລະກິດມີກິດຈະການເປັນຂອງຕົນເອງອັນໃດອັນຫນຶ່ງ. Source: ecom __________________

Anonymous

Date: Feb 23, 2014

	Permalink
6 ປີຜ່ານໄປ ລາວຍັງເປັນນາງສາວຫລືແຕ່ງງານມີລູກອູ້ມໄປແລ້ວ? ຂໍເບິ່ງຮູບລາວແດ່, ຂອບໃຈ. __________________

Page 1 of 1 sorted by

Create your own FREE Forum
Report Abuse