Pasalao

ຕາມການໃຫ້ຮູ້ຈາກທ່ານ ພອຍຄຳ ຮຸ່ງບຸນຍວງ ຫົວຫນ້າພະແນກແຜນການ ແລະ ການລົງທຶນ ນະຄອນ
ຫລວງວຽງຈັນ ໃນນາມເຈົ້າຂອງໂຄງການໄດ້ຊາບວ່າ: ໂຄງການພັດທະນາແຫລ່ງທ່ອງທ່ຽວຄົບຊຸດຢູ່ຫນອງທາ ເມືອງຈັນ
ທະບູລີ ນັ້ນມີແຜນມາໄດ້ຫລາຍປີແລ້ວ ແລະ ໂຄງການດັ່ງກ່າວກໍຈະເກີດເປັນຈິງໃນໄວໆນີ້.

               ໂຄງການພັດທະນາແຫລ່ງທ່ອງທ່ຽວຄົບຊຸດຢູ່ຫນອງທາ ມີມູນຄ່າການລົງທຶນປະມານ 70 ລ້ານໂດລາສະຫະ
ລັດ ແລະ ການກໍ່ສ້າງຕາມຄາດຫມາຍໃນສັນຍາ ກໍຈະໃຫ້ສຳເລັດພາຍໃນ 36 ເດືອນ ເຊິ່ງຈະເລີ່ມລົງມືກໍ່ສ້າງໃນທ້າຍປີ
2008 ນີ້ ໂດຍແມ່ນນັກລົງທຶນເອກະຊົນລາວເປັນຜູ້ປະມູນໄດ້ ແລະ ປັດຈຸບັນນີ້ ກຳລັງຈະສ້າງຕັ້ງລັດວິສາຫະກິດປະສົມຖື
ຫຸ້ນ ແລະ ຊອກຫາຄູ່ຮ່ວມມືຈາກ ສ.ສ ຫວຽດນາມມາຊ່ວຍ.

               ໂຄງການດັ່ງກ່າວ ການລົງທຶນເບື້ອງຕົ້ນແມ່ນປຸກຫ້ອງການປົກຄອງເມືອງຈັນທະບູລີຫລັງໃຫມ່ ແລະ ຊົດເຊີຍ
ປະຊາຊົນຈຳນວນ 94 ຄອບຄົວທີ່ຖືກໂຄງການ ແລະ ໂຄງການນີ້ ກໍຈະມີຫລາຍກິດຈະກຳເກີດຂຶ້ນຄື: ມີໂຮງແຮມລະດັບ
ທັນສະໄຫມ 9 ຊັ້ນຈຳນວນ 3 ຫລັງ ປຸກເຮືອນວິນລາຊົງລາວ ມີເຮືອນພັກນັກການທູດ ສວນສາທາລະນະ ແລະ ອະນາ
ໄມຫນອງໃຫ້ເປັນແຫລ່ງທ່ອງທ່ຽວທາງນ້ຳຕະຫລອດປີ ແລະ ການກໍ່ສ້າງກໍເຮັດເປັນແຕ່ລະບາດກ້າວໄປ ເວົ້າລວມແລ້ວໃນ
ອະນາຄົດຂ້າງຫນ້າ ເຂດດັ່ງກ່າວຈະກາຍເປັນຕົວເມືອງນ້ອຍ ແລະ ເວລານັ້ນ ນະຄອນຫລວງວຽງຈັນ ຈະມີໂສມຫນ້າອັນ
ໃຫມ່ເກີດຂຶ້ນ ໂຄງການພັດທະນາແຫລ່ງທ່ອງທ່ຽວຄົບຊຸດຢູ່ຫນອງທານີ້ມີເນື້ອທີ່ 74 ເຮັກຕາ ລວມທັງເນື້ອທີ່ດິນ ແລະ ນ້ຳ.

ວຽງຈັນໃຫມ່