ຕາມການສະຫຼຸບຕີລາຄາຂອງກອງປະຊຸມຜູ້ບໍລິຫານການສຶກສາທົ່ວ ນະຄອນຫຼວງວຽງຈັນ ປະຈຳສົກປີ 2012-2013 ແລະ ແຜນພັດທະນາການສຶກສາປະຈຳສົກຮຽນ 2013-2014 ຊຶ່ງມີຂື້ນ ລະຫວ່າງວັນທີ 15-16 ພຶດ ສະພາ 2013 ນີ້ ຢູ່ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ລີຕູ້ ບົວປາວ ລັດຖະມົນຕີຊ່ວຍວ່າ ການກະ ຊວງສຶກສາທິການ ແລະ ກິລາ ໂດຍຜູ້ຮັບຜິດຊອບຄະນະບໍລິຫານການສຶກສາຂອງນະ ຄອນຫຼວງ ໄດ້ຍົກໃຫ້ເຫັນຜົນສຳເລັດການຈັດຕັ້ງແຜນພັດທະນາການສຶກສາໃນສົກປີຜ່ານມາ ພ້ອມທັງຢັ້ງຢືນຕົວເລກແຜນພັດ ທະການສຶກ ສາປະຈຳສົກຮຽນໃໝ່ໃນຕໍ່ໜ້າ. ໃນນີ້ ສຳລັບ ວຽກ ງານການສຶກສາກ່ອນໄວຮຽນ ເຖີງວ່າໄດ້ຮັບການພັດທະນາມີທ່າກ້າວທີ່ດີຂື້ນເມື່ອທຽບໃສ່ສົກຮຽນປີກ່ອນ ຈຳນວນຫ້ອງຮຽນໄດ້ເພີ່ມຂື້ນ, ອັດຕາການຮຽນຂອງເດັກ 3-5 ປີ ແລະ ເດັກ 5 ປີ ກໍເພີ່ມຂື້ນຕາມລຳດັບ, ແຕ່ອັດຕາການລອດເຫຼືອໃນຊັ້ນປະຖົມຍັງຕ່ຳ ແລະ ອັດຕາການປະລະການຮຽນກໍເພີ່ມຂື້ນ ເນື່ອງຈາກຫຼາຍ ສາເຫດທັງໃນຕົວ ແລະ ນອກຕົວ.
ທ່ານ ຊົມພູ ແກ້ວປັນຍາ ຫົວ ໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ໃຫ້ການຢືນຢັນວ່າ: ໃນສົກຮຽນປີ ຜ່ານມາ ການສຶກສາຂັ້ໜປະຖົມໂດຍສະເພາະອັດຕາການລອດເຫຼືອ ໃນຊັ້ນດັ່ງກ່າວ ນັບວ່າຍັງຕ່ຳບໍ່ໄດ້ຕາມແຜນ ປະຕິບັດງານການສຶກສາເພື່ອທຸກຄົນຍ້ອນວ່າຍັງມີອັດຕາປະລະສູງ ເນື່ອງຈາກສະພາບເສດ ຖະກິດມີອັນຟຶດເຄືອງເຮັດໃຫ້ພໍ່ແມ່ຜູ້ປົກຄອງເດັກຈຳນວນໜຶ່ງທີ່ເປັນ ກຳມະກອນຫາເຊົ້າກິນຄ່ຳ, ມີທີ່ຢູ່ບໍ່ ຖາ ວອນ, ເຄື່ອນຍ້າຍເປັນປະຈຳ ພ້ອມນີ້ ຍັງມີຊາວໜຸ່ມ-ຍິງໜຸ່ມ ທີ່ ຢູ່ໃນເກນອາຍຸ ນີ້ ປະລະການຮຽນເພື່ອໄປ ຊອກຫາເຮັດວຽກຕາມໂຮງຈັກໂຮງງານ ເຮັດໃຫ້ພົບຄວາມຫຍຸ້ງ ຍາກໃນການຄິດໄລ່ອັດຕາການຮູ້ໜັງສືຂອງຜູ້ໃຫຍ່ ບວກໃສ່, ການລະດົມຄູສອນໃນບ່ອນທີ່ເຫຼືອ ໃຫ້ໄປສອນຢູ່ບ່ອນບໍ່ພໍຍັງເຮັດຍັງທັນໄດ້ດີ.
ທ່ານ ຫົວໜ້າພະແນກສຶກສາ ແລະ ກິລາ ນະຄອນຫຼວງ ໃຫ້ເຫດ ຜົນວ່າ: ສາເຫດທີ່ພາໃຫ້ມີຈຸດອ່ອນຕົ້ນ ຕໍແມ່ນຍ້ອນການສຶກສາອົບຮົມແນວຄິດການເມືອງໃຫ້ແກ່ຄູອາຈານພະນັກງານບໍ່ທັນເລີກເຊິ່ງ ເຖີງຖອງ, ຄູອາຈານ ຈຳ ນວນໜຶ່ງຍັງຂາດຄວາມຮັບຮູ້, ຄວາມເຂົ້າໃຈຕໍ່ຄວາມຮຽກຮ້ອງຕ້ອງການອັນຈຳ ເປັນໃນການນຳເອົາການພັດທະ ນາການສຶກສາໃຫ້ກ້າວໄປສູ່ລະດັບສາກົນເທື່ອລະກ້າວ, ຄະນະນຳ ຂອງການສຶກສາ ແລະ ຜູ້ອຳນວຍການໂຮງ ຮຽນທີ່ເປັນຫົວຈັກຫົວແຫຼ່ງ ຈຳ ນວນໜຶ່ງຍັງຂາດຄວາມເປັນເຈົ້າການ ໃນການຄົ້ນຄວ້າວາງແຜນພັດທະນາໂຮງຮຽນຂອງຕົນ, ຍັງຖືເບົາຕໍ່ການກະຕຸກຊຸກຍູ້ຕິດຕາມກວດການິເທດການຮຽນການສອນພາຍໃນ ແລະ ນັກຮຽນຍັງຂາດການສຶກ ສາອົບຮົມ ແນວຄິດທີ່ດີ, ກະແສຟອງຂ້າງນອກ, ໂດຍສະເພາະແມ່ນວັດທະນະທຳຕາເວັນຕົກກະທົບໃສ່ເຮັດໃຫ້ປະພຶດໃນສິ່ງທີ່ບໍ່ດີເປັນປະກົດການຫຍໍ້ທໍ້ແກ່ການພັດທະນາການສຶກສາ.
