Pasalao

ແຂວງເຊກອງ ຈະຍ້າຍເມືອງຫລວງ ເພື່ອຫລີກລຽງ ໃຫ້ສ້າງເຂື່ອນ

ສິດນີ
2012-10-19
ເຈົ້າຫນ້າທີ່ ຮັບຜິດຊອບ ກ່ຽວກັບການສ້າງເຂື່ອນໄຟຟ້າເຊກອງ 4 ເປີດເຜີຍ ວ່າ ວ່າງປີ 2011 ແຂວງເຊກອງ ມີແຜນການ ຈະຍ້າຍເມືອງກະລຶມ ຊຶ່ງເປັນເມືອງຫລວງ ຂອງແຂວງ ໄປຕັ້ງຢູ່ບ່ອນໃຫມ່ ເພື່ອຫລີກລຽງ ໃຫ້ສ້າງເຂື່ອນ ດັ່ງກ່າວ ແລະ ໃນປັດຈຸບັນນີ້ ທາງໂຄງການ ກໍໄດ້ເລີ້ມສ້າງເມືອງໃຫມ່ແລ້ວ.
ທ່ານກ່າວ ໃນຕອນນຶ່ງວ່າ: 

”ດຽວນີ້ກໍຄືບຫນ້າ ໄປ 16% ແລ້ວຂອງແຜນດຽວນີ້ ກໍາລັງດັດຜັງເນາະ ບຸກເບີກ ທະລຸແຜນຜັງ ຖືວ່າ ສຳເຣັດຫມົດ ແລ້ວຊີ່ ໄດ້ໂຍກຍ້າຍ ຊາວບ້ານ ກໍ່ສ້າງເຮືອນພັກຂອງຊາວ ບ້ານແລ້ວຈື່ງໄດ້ຍ້າຍເຂົ້າໄປຢູ່.” 

ໂຄງການກໍ່ສ້າງເມືອງໃຫມ່ ເພື່ອຄວາມສດວກ ໃນການສ້າງເຂື່ອນ ແລະ ເພື່ອຂຍາຍໂຕເມືອງ ໂດຍເມືອງຫລວງໃຫມ່ນີ້ ຈະຕັ້ງຢູ່ຫ່າງຈາກ ເມືອງກະລຶມເກົ່າ ໄປທາງທິດຕາເວັນອອກ ໃນຣະຍະທາງ ປະມານ 35 ກິໂລແມັດ ໃນຂັ້ນທໍາອິດ ຄາດວ່າ ຈະໃຊ້ງົປມານ ປະມານ 35 ພັນລ້ານກີບ ສຳລັບການໂຍກຍ້າຍ ສຳນັກງານຣາຊການ ຕ່າງໆ ຮ່ວມທັງ ປະຊາກອນ ແລະ ຂັ້ນຕໍ່ໄປ ແມ່ນການປຸກສ້າງ ບ້ານເຮືອນ ໃຫ້ສົມບູນ ອາດຈະໃຊ້ ງົປມານ ທັງຫມົດ ປະມານ 1,200 ຕື້ກີບ. 

ໂຄງການເຂື່ອນໄຟຟ້າ ເຊກອງ 4 ມີກໍາລັງຜລິດໄຟຟ້າ ປະມານ 300 ເມກາວັດ ເລີ້ມການສຳຣວດ ແຕ່ປີ 2008 ອິງຕາມເອກສານ ຂອງກະຊວງພລັງງານ ແລະ ບໍ່ແຮ່ ຄາດວ່າ ຈະມີຊາວບ້ານ ຖືກໂຍກຍ້າຍ ປະມານ 4 ພັນກວ່າຄົນ ຈາກການ ປະເມີນຜົລ ພົບວ່າ ເມືອງກະລຶມເກົ່າ ຈະຖືກນ້ຳຖ້ວມ ຫລັງຈາກສ້າງ ເຂື່ອນເຊກອງ 4 ທາງການຄາດວ່າ ເຂື່ອນດັ່ງກ່າວ ຈະສ້າງ ສຳເຣັດໃນປີ 2015.

ກົດຟັງເມຶອງເຊກອງຈະຍ້າຍເມືອງໃໝ່:

For the first six months of 2012, the two provinces’ relevant units completed planting 17 landmarks, bringing the number of markers to 56 out of 60 between the two provinces’ border.