ທ່ານ ພູວົງ ພະມີສິດ ປະທານສະມາຄົມຊາວຄ້າຂາຍອັນຍະມະນີ ແລະ ເຄື່ອງປະດັບລາວ ຜູ້ອຳນວຍການຮ້ານຄຳພູວົງໄດ້ໃຫ້ສຳ ພາດຕໍ່ທີມຂ່າວ ເສດຖະກິດ-ສັງຄົມວ່າ: ໃນການສ້າງມົງກຸດໃຫ້ກັບນາງສາວອາພອນລາວແມ່ນທາງຮ້ານຄຳພູວົງແລະເຄແອນຊີ (K&C) ເປັນຜູ້ອອກແບບວາດຊົງທັງຫມົດ ເຊິ່ງໃນປີນີ້ຈະພິເສດ, ງົດງາມ, ເດັ່ນຂຶ້ນກວ່າປີກ່ອນ, ແຕ່ມີລັກສະນະຄ້າຍຄືກັນ, ຈຸດເດັ່ນຈະໃສ່ເພັດ ຣັດເຊຍເນັ້ນສີຂາວທັງຫມົດ ໂດຍໃຊ້ຊ່າງທີ່ມີຄວາມຊຳນິຊຳນານໃນການສ້າງ, ເພາະໄດ້ມີປະສົບການເຮັດມາ 2 ປີ ແລ້ວ ທ່ານ ພູວົງ ພະມີສິດຍັງບອກໃຫ້ຮູ້ວ່າ: ໃນການສ້າງມົງກຸດນີ້ບໍ່ພຽງແຕ່ເປັນຜູ້ຜະລິດ, ທາງເຮົາກໍ່ຍັງເປັນຜູ້ສະຫນັບສະຫນູນ (ສະປອນເຊີ) ຫລັກໃຫ້ ແກ່ການປະກວດນາງສາວອາພອນລາວ ເພື່ອເປັນການຊ່ວຍເຫລືອສັງຄົມ, ພ້ອມທັງຍັງເຫັນເຖິງຄວາມສຳຄັນໃນການປະກວດທີ່ເຮັດໃຫ້ ທຸກຄົນໄດ້ເຫັນ, ຮັບຮູ້ເຖິງວັດທະນະທຳຮີດຄອງປະເພນີທີ່ດີງາມຂອງຊາດລາວ ແລະ ຢາກໃຫ້ມີການອະນຸຮັກໃຫ້ບັນດາຄົນຮຸ່ນຫລັງໄດ້ ຮັບຮູ້ປະຕິບັດ, ທັງອີງໃສ່ພວກເຮົາກໍ່ຢູ່ໃນສະມາຄົມອັນຍະມະນີທີ່ຢາກສົ່ງເສີມໃຫ້ມີສິ່ງໃຫມ່ໆ ແລະ ຢາກປະກອບສ່ວນຊ່ວຍເຫລືອສັງ ຄົມ. ໃນການສະຫນັບສະຫນູນຄັ້ງນີ້ ຄາດວ່າຈະໃຊ້ທຶນທັງຫມົດບໍ່ຕ່ຳກວ່າ 600 ລ້ານກີບ ເພາະທາງເຮົາໄດ້ສະຫນັບສະຫນູນທັງເຄື່ອງ ປະດັບໃຫ້ແກ່ນາງສາວອາພອນລາວໃນການສວມໃສ່ມີທັງຫມົດ 3 ຊຸດ ເປັນຊຸດຊົນເຜົ່າທີ່ປະດັບດ້ວຍເຄື່ອງເງິນບູຮານທີ່ເປັນຂອງແທ້, ເຊິ່ງໃນນັ້ນ ມີເຄື່ອງທັນສະໄຫມ 18 ຊຸດ ແລະ ລາວປະຍຸກ 18 ຊຸດ ທີ່ເປັນຕ້າງຫູ, ແຫວນ, ສາຍຄໍ, ປະລັກແຂນ ແລະ ປິ່ນປັກເກົ້າ ຜົມ. ພ້ອມນັ້ນ ຍັງຈະມີຄຳອີກ 18 ຊຸດທີ່ມີມູນຄ່າມະຫາສານອີກດ້ວຍ.
Ecom
