ໜັງສືພີມຂ່າວທຸລະກິດ ໄດ້ລາຍງານໃຫ້ຮູ້ວ່າ: ວັນທີ
10 ກັນຍາ2008 ທີ່ຜ່ານມານີ້ ຢູ່ທີ່ນະຄອນຫຼວງ
ວຽງຈັນ ໄດ້ຈັດພິທີເຊັນສັນຍາບົດບັນທຶກຄວາມເຂົ້າໃຈ
(MOU) ໃນໂຄງການກໍ່ສ້າງເສັ້ນທາງ ແລະ ລົດໄຟຟ້າ
 ຢູ່ນະຄອນຫຼວງວຽງຈັນ ລະຫວ່າງທ່ານ ເພັດສະໝອນ
ວິລະພັນ ຮອງຫົວໜ້າກົມແຜນການ ແລະ ການຮ່ວມມື
 ກະຊວງໂຍທາທິການແລະ ຂົນສົ່ງ ແລະ ທ່ານ ອັງດຼິວຄຼໍ
 ໂພ໋ນກຽງ (Adrew Khor Poh Kiang)
 ຜູ້ຕາງໜ້າກຸ່ມບໍລິສັດ FSG (Fragship Con-
ductivity Group) ປະຈຳພາກພື້ນອາຊີອາຄະເນ
ໃນນາມບໍລິສັດFSG ປະເທດຍີ່ປຸ່ນ ເປັນກຽດເຂົ້າຮ່ວມ
ໃນພິທີຄັ້ງນີ້ຂອງທ່ານ ສີທົງ ທອງແກ້ວ ລັດຖະມົນຕີຊ່ວຍ
ວ່າການກະຊວງໂຍທາທິການ ແລະ ຂົນສົ່ງ
 ທ່ານ ບຸນຈັນ ສິນທະວົງ ຮອງເຈົ້າຄອງນະຄອນຫຼວງວຽງຈັນ ບັນດາທ່ານຜູ້ມີກຽດຈາກຂະແໜງການທີ່
ກ່ຽວຂ້ອງ ທັງພາຍໃນ ແລະ ຕ່າງປະເທດ.

ບົດບັນທຶກຄວາມເຂົ້າໃຈທີ່ລົງນາມໃນເທື່ອນີ້ ໄດ້ລະບຸວ່າ ກຸ່ມບໍລິສັດ FSG
ເປັນຜູ້ລົງທຶນສຳປະທານ (BOT)100% ໃນໂຄງການກໍ່ສ້າງເສັ້ນ
ທາງ ແລະ ລົດໄຟຟ້າ ໂດຍມີກຳນົດການສຳຫຼວດເບິ່ງຄວາມເປັນໄປໄດ້
ພາຍໃນ 6-12ເດືອນ ລົງມືກໍ່ສ້າງຄາດວ່າຈະສຳເລັດພາຍໃນ 4-5 ປີ
ນຳໃຊ້ຢ່າງເປັນທາງການ.ໄລຍະທາງທີ່ຈະກໍ່ສ້າງຕາມທີ່ຄາດກະໄວ້
 ໃນເບື້ອງຕົ້ນມີລວງຍາວປະມານ 51 ກິໂລແມັດ ມີ 6 ສະຖານີໂດຍ
ແບ່ງເປັນສາຍດັ່ງນີ້ ຈາກຂົວມິດຕະພາບ ວຽງຈັນ-ໜອງຄາຍ ຕະຫຼາດ
ໜອງຈັນ-ສະໜາມບິນວັດໄຕ-ທົ່ງປົ່ງ-ທົ່ງປົ່ງ-ມະຫະວິທະຍາໄລແຫ່ງຊາດ
-ສະໜາມກິລາຫຼັກ 18 ແລະ ຈາກມະຫາວິທະຍາໄລແຫ່ງຊາດ-ລັດເຂົ້າ
ສູ່ຕົວເມືອງ. ດ້ານເຕັກໂນໂລຊີນີ້ ກຸ່ມບໍລິສັດ FSG ຈະນຳໃຊ້ກົນຈັກ
ທັນສະໄໝ ທີ່ຮ້ອງວ່າ ເທັກໂນໂລຊີ ສະຕະວັດທີ 21
ເປັນເຄື່ອງຈັກທີ່ໃຊ້ສະໜາມແມ່ເຫຼັກ ດ້ານການຂັບເຄື່ອນ (ບໍ່ມີລໍ້)
ທີ່ປັດຈຸບັນປະເທດຍີ່ປຸ່ນໄດ້ນຳໃຊ້ເຂົ້າໃນຂະບວນລົດໄຟ
ໂດຍສານ. ເທັກໂນໂລຊີນີ້ ຍີ່ປຸ່ນ-ສ.ເກົາຫຼີ ກໍມີການລົງນາມ
 ເພື່ອຈະນຳໃຊ້ສ້າງລົດໄຟລອດມະຫາສະໝຸດ ມີລວງຍາວ
500 ກ່ວາກິໂລແມັດ ຈາກຍີ່ປຸ່ນ-ສ.ເກົາຫຼີ ໂດຍກຳນົດປາຍທາງທີ່ເມືອງປູຊານ ສ.ເກົາຫຼີ FSG ຄາດໝາຍກ້ອນທຶນໄວ້ປະ
ມານ 3.000-4.000 ລ້ານໂດລາສະຫະລັດ ກຳນົດສ້າງສຳເລັດ ແລະ ນຳໃຊ້ໂດຍນັບແຕ່ມື້ສຳຫຼວດ ລວມເວລາ 4 ປີ ແລະ
ປີທີ 5 ນຳໃຊ້ຢ່າງເປັນທາງການ ຫາກໂຄງການນີ້ສຳເລັດ ກຸ່ມ FSG ມຸ້ງຫວັງຈະສະເໜີຂໍລົງທຶນສຳປະທານ (BOT) ກໍ່
ສ້າງເສັ້ນທາງລົດໄຟໃນລະບົບດຽວກັັນນີ້ ເຊື່ອມຈາກກຸ່ມປະເທດສະມາຊິກອາຊຽນເຂົ້າຈີນ ໂດຍຈະເອົາ ສປປ ລາວ ເປັນ
ສູນກາງບໍລິຫານຈັດການ.
ຄັດຈາກ ໜັງສືພິມ ວຽງຈັນໃໝ່ 19-09-2008