Pasalao

ຊ່ອຍ update ໃຫ້ຮູ້ແດ່ວ່າໂຄງການເຫຼົ່ານັ້ນມີຄວາມຄືບໜ້າແນວໃດ?

ຂອບໃຈ

samakomlao wrote:

---

ລັດຖະບານ ສປປ ລາວ ວາງແຜນຈະອະນຸມັດໃຫ້ບໍລິສັດ ສຳປະທານການຂຸດຄົ້ນບໍ່ແຮ່ ຫລາຍກວ່າ 10 ໂຄງການ ນັບແຕ່ປະຈຸບັນເຖິງປີ 2010. ສ່ວນການລົງທຶນຂອງຕ່າງປະເທດ ເຂົ້າໃນການຜະລິດກະແສໄຟຟ້າໃນລາວນັ້ນ ກໍ່ໄດ້ມີແຜນຮ່າງໄວ້ທັງຫມົດ 65 ໂຄງການດ້ວຍ ກັນ.
   ທ່ານ ດຣ. ບໍ່ສາຍຄຳ ວົງດາລາ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ໄດ້ຢືນຢັນວ່າ: ລັດຖະບານລາວ ໄດ້ວາງເປົ້າຫມາຍ ທີ່ຈະອະນຸມັດໃຫ້ການຂຸດຄົ້ນບໍ່ແຮ່ຢູ່ໃນ ລາວຫລາຍກວ່າ 10 ໂຄງການ ໃນໄລຍະປະຈຸບັນນີ້ ຈົນເຖິງປີ 2010 ໂດຍທຸກໂຄງການທີ່ ນອນຢູ່ໃນແຜນດັ່ງກ່າວ ຈະສາມາດອະນຸມັດໃຫ້ໄດ້ທັນທີຫລັງຈາກກອງປະຊຸມສະໄຫມສາມັນ ເທື່ອທີ 5 ຂອງສະພາແຫ່ງຊາດຊຸດທີ6 ໄດ້ມີມະຕິຮອງຮັບຢ່າງເປັນທາງການແລ້ວ ເຊິ່ງຕາມ ຄວາມເຫັນເປັນເອກະພາບຂອງສະມາຊິກສະພາແຫ່ງຊາດ ໄດ້ເຫັນດີເອກະພາບກັນ.
   ປະຈຸບັນ ການອະນຸມັດການຂຸດຄົ້ນບໍ່ແຮ່ນັບແຕ່ປີ 2001 ຫາເດືອນພຶດສະພາ 2008 ໄດ້ ດຳເນີນສຳຫລວດໄປແລ້ວ 181 ໂຄງການ ເຊິ່ງດຳເນີນໂດຍ 118 ບໍລິສັດ ແລະໃນຈຳນວນ ນີ້ມີບໍລິສັດຕ່າງປະເທດ 72 ບໍລິສັດ ເຊິ່ງຮັບຜິດຊອບ 101 ໂຄງການ ແລະໂຄງການໃຫຍ່ທີ່ ສຸດນັ້ນ ມີສອງໂຄງການຄື: ໂຄງການຂຸດຄົ້ນຄຳ ແລະທອງຢູ່ເຊໂປນ ແລະ ພູເບ້ຍ ເຊິ່ງເປັນ ການລົງທຶນຂອງບໍລິສັດເອກະຊົນຈາກປະເທດອົສຕຣາລີ ທັງສອງໂຄງການ.
   ແຕ່ຢ່າງໃດກໍ່ຕາມ ໂຄງການທີ່ຄາດວ່າຈະເປັນໂຄງການລົງທຶນໃຫຍ່ທີ່ສຸດໃນໄລຍະຕໍ່ຫນ້າ ນີ້ ກໍ່ຄືໂຄງການຂຸດຄົ້ນແຮ່ທາດບົກຊິດ ແລະໂຮງງານກໍ່ສ້າງຜະລິດອາລູມີນຽມຢູ່ພາກໃຕ້ຂອງ ລາວ ເຊິ່ງເປັນບໍລິສັດຈາກ ສປ ຈີນ ຈະລົງທຶນເປັນມູນຄ່າຫລາຍກວ່າ 2 ພັນລ້ານໂດລາສະ ຫະລັດ ໃນໄລຍະພາຍໃນ 2 ປີຕໍ່ຫນ້າ.
   ສ່ວນການສົ່ງເສີມການລົງທຶນ ຜະລິດກະແສໄຟຟ້ານັ້ນ ທ່ານ ດຣ. ບໍ່ສາຍຄຳ ວົງດາລາ ໄດ້ເນັ້ນວ່າ: ໄດ້ມີແຜນການຂຶ້ນທັງຫມົດ 65 ໂຄງການດ້ວຍກັນ ເຊິ່ງຖ້າວ່າເປັນໄປຕາມແຜນ ການຂອງໂຄງການທີ່ວາງໄວ້ກໍ່ຈະເປັນຜົນເຮັດໃຫ້ລາວ ສາມາດຜະລິດກະແສໄຟຟ້າ ແລະສົ່ງ ອອກໄດ້ຫລາຍ 21.247,9 ເມກາວັດ. ປະຈຸບັນ ຈຳນວນ 65 ໂຄງການໄດ້ເຊັນ CA ແລ້ວ 7 ໂຄງການ, PDA13 ໂຄງການ ແລະ MOU 45 ໂຄງການ, ໃນບັນດາໂຄງການ ທີ່ໄດ້ ເຊັນ CA ຄາດວ່າຈະສຳເລັດພາຍໃນປີ 2009-2011 ລວມມີ: ໂຄງການນ້ຳເທີນ 2, ເຊຂະ ຫມານ 3, ເຊເສດ 2, ນ້ຳຍອນ, ນ້ຳງື່ມ 2, ນ້ຳລີກ 12 ແລະ ນ້ຳງື່ມ 5.
   ຢ່າງໃດກໍ່ດີຄາດວ່າໂຄງການກໍ່ສ້າງເຂື່ອນໄຟຟ້າ ແລະໂຄງການຂຸດຄົ້ນບໍ່ແຮ່ທີ່ໃຊ້ໃນລາວ ຈະກວມເອົາ ເຖິງ 10% ຂອງເນື້ອທີ່ທົ່ວປະເທດ ທັງຫມົດ ຫລື ປະມານ 2,1 ລ້ານເຮັກຕາ ໂດຍບໍ່ໄດ້ນັບເນື້ອທີ່ດິນທີ່ຈະປູກພືດພະລັງງານ ແລະ ເຂົ້າໃນບໍລິເວນ 3,4 ລ້ານເຮັກຕາ.
   ກ່ອນຫນ້ານີ້ ທ່ານ ສີຕາເຮັ່ງ ຣາຊາພົນ ລັດຖະມົນຕີວ່າການກະຊວງກະສິກຳ-ປ່າໄມ້ໄດ້ ກ່າວວ່າ: ເປົ້າຫມາຍຂອງການພັດທະນານັ້ນ ກໍ່ຄືການເຮັດໃຫ້ການນຳໃຊ້ທີ່ດິນ ແລະ ປ່າໄມ້ ຢູ່ໃນລາວ ໃຫ້ເກີດຜົນປະໂຫຍດສູງສຸດ ເພື່ອເຮັດໃຫ້ລາວມີຊັບພະຍາກອນປ່າໄມ້ ປົກຫຸ້ມໄດ້ ເຖິງ 70% ຂອງພື້ນທີ່ທັງຫມົດ ພາຍໃນປີ 2020 ດ້ວຍການຟື້ນຟູປ່າໄມ້ ແລະການຄວບຄຸມ ການຕັດປ່າໄມ້ໃຫ້ຫນ້ອຍລົງ ເຊິ່ງຕໍ່ຫນ້ານີ້ ການສຳປະທານປ່າໄມ້ ກໍ່ຈະຖືກຈຳກັດ ໃນບ່ອນ ທີ່ມີການລົງທຶນ ແລະໂຄງການພັດທະນາຕ່າງໆທີ່ລັດຖະບານເຫັນວ່າມີຄວາມຈຳເປັນເທົ່ານັ້ນ ຄື: ບ່ອນທີ່ເຮັດໂຄງການສ້າງເຂື່ອນ ແລະ ການຂຸດຄົ້ນບໍ່ແຮ່.
   ນັບແຕ່ປີ 2001ພຶດສະພາ ປີ 2008 ນັກລົງທຶນທີ່ເຂົ້າມາລົງທຶນດ້ານພະລັງງານ ແລະ ບໍ່ແຮ່ໃນລາວຫລາຍທີ່ສຸດຍັງເປັນສປ ຈີນ ລວມມີ 39 ບໍລິສັດ, ຮອງລົງມາແມ່ນ ສສ ຫວຽດ ນາມມີ 16 ບໍລິສັດ ແລະ ໄທຕິດອັນດັບ 3 ມີ 6 ບໍລິສັດ ສ່ວນອັນດັບຕໍ່ໄປແມ່ນອົສຕຣາລີ, ສະຫະພັນຣັດເຊຍ, ສ.ເກົາ ຫລີ ແລະ ອື່ນໆອີກ.

Ecom

---

 na son jai, ban da project rao nee kheub na sum dai leo nor, Aiy Samakomlao

ປີ2020 ປ່າໄມ້ຈະດົກໜາ 70% ຫຼືຈະຖືກຕັດ 70% ?